If you have would like a copy of this version please contact info@davaraudiobibles.org

Chol Old Testament

<div class="version vid2504 iso6393ctu" data-vid="2504" data-iso6393="ctu">
 <div class="book bkGEN">
 <div class="chapter ch17" data-usfm="GEN.17">
 <div class="label">17</div><div class="s1">Ji&#241;i tsep p&#652;ch&#652;lel, i yejtal xuc'ul b&#652; t'a&#241;</div><div class="p"> 1Che' bolomlujump'ejlix i jo'c'al (99) i ja'bilel Abram, lac Yum tsi' p&#652;sbe i b&#652; Abram, tsi' su'be:</div><div class="p">&#8212;Jo&#241;on ji&#241;i Dios Mach B&#652; A&#241;ic i P'isol i P'&#652;t&#652;lel.#17.1 Dios mach b&#652; a&#241;ic i P'isol i P'&#652;t&#652;lel: Ti hebreo yom mi y&#652;l &#8220;El Shadai,&#8221; ji&#241;&#652;ch che' bajche' tsi' pejcayob Dios ti wajali ji&#241;i &#241;axa&#241;o' b&#652;, i tajol tsi' y&#652;q'ueyob isujmlel che' bajche' i &#8220;Dios wits&#8221; (Sal 91.1). Che'&#652;ch tsi' cha' p&#652;s&#652; i b&#652; Dios che' bajche' mi laj q'uel ti Gn 28.3; 35.11; 48.3; Ex 6.3; che' ba' ora tsi' cha'le tac t'a&#241; Dios tsi' ch&#652;n al&#652; cha'a&#241; mi caj i y&#652;q'ue&#241; ca'b&#652;l i p'olbal Abraham. Yom ma' waj&#241;el tic tojlel yic'ot yom wen uts'at ma' waj&#241;el. 2Mi caj c wa'chocon xuc'ul b&#652; c t'a&#241; a wic'ot yic'ot mi caj c&#652;q'ue&#241;et ca'b&#652;l a p'olbal.</div><div class="p"> 3Ji&#241;i cha'a&#241; Abram tsi' &#241;uc choco i b&#652; ti' tojlel Dios. Dios tsi' cha'le t'a&#241; yic'ot, tsi' y&#652;l&#652;:</div><div class="p"> 4&#8212;Ji&#241;&#652;ch ji&#241;i xuc'ul b&#652; c t'a&#241; a wic'ot: Mi caj a wochel ti' tat bajc'&#652;l wi&#241;icob x'ixicob.#Rm 4.16-18 5Ma'a&#241;ix mi caj a ch&#652;n pejc&#652;ntel ti Abram, w&#652;le mi caj a pejc&#652;ntel ti Abraham, come woli c wa'choco&#241;et ti' tat bajc'&#652;l wi&#241;icob x'ixicob.#17.5 Ma'a&#241;ix mi caj a ch&#652;n pejc&#652;ntel ti Abram: Dios tsi' q'uext&#652;be i c'aba' Abram ti Abraham, come ji&#241;&#652;ch i yejtal tsiji' b&#652; i cuxt&#652;lel (Gn 32.28). Abraham: Yom mi y&#652;l &#8220;i tat ca'b&#652;l wi&#241;icob x'ixicob&#8221;. 6Mi caj c&#652;q'ue&#241;et ca'b&#652;l a p'olbal, ti a tojlel mi caj i loq'uel ca'b&#652;l tejclum tac yic'ot reyob. 7Mi caj c wa'chocon jump'ejl xuc'ul b&#652; c t'a&#241; a wic'ot yic'ot ti' tojlel a p'olbal ti' lajm ti' lajm ti' pejtelel ora; cha'a&#241; mi cochel ti a Dios yic'ot ti' Dios pejtelel a p'olbal.#Lc 1.54-55 8Mi caj c&#652;q'ue&#241;et yic'ot a p'olbal pejtelel i lumal Cana&#225;n ba' woliyet ti chumt&#652;l w&#652;le, mi caj la' cha'a&#241;in ti pejtelel ora, jo&#241;on mi caj cochel ti' Diosob.#Gn 15.18; Hch 7</div><div class="p"> 9Dios tsi' cha' su'be Abraham:</div><div class="p">&#8212;A&#241; ti a wenta cha'a&#241; ma' jac' ji&#241;i xuc'ul b&#652; c t'a&#241;, jatet yic'ot a p'olbal ti' lajm ti' lajm ti pejtelel ora. 10Ji&#241;&#652;ch xuc'ul b&#652; c t'a&#241; quic'otet yic'ot pejtelel a p'olbal mu' b&#652; caj i tilel: Pejtelel ch'ito&#241; b&#652; la' walobilob mi caj i tsepbentel i p&#652;ch&#652;lel.#17.10-14 Tsepbentel i p&#652;ch&#652;lel: Hch 7.8; Rm 4.11. Ji&#241;i tsep p&#652;ch&#652;lel, ji&#241;&#652;ch che' mi' tsepbentel i p&#652;ch&#652;lel i &#241;i' i wi&#241;iclel ji&#241;i wi&#241;ic, ji&#241;&#652;ch i yejtal xuc'ul b&#652; i t'a&#241; Dios tsa' b&#652; i mele yic'ot Abraham, che' bajche' ji&#241;i t'oxja' ti wajali ji&#241;&#652;ch i yejtal xuc'ul b&#652; i t'a&#241; Dios ti' tojlel No&#233; (Gn 9.12-17). 11Mi caj la' ch'&#652;m tsep p&#652;ch&#652;lel, i yejtal xuc'ul b&#652; c t'a&#241; tsa' b&#652; c wa'choco yic'otetla. 12Che' ti' wax&#652;cp'ejl q'ui&#241; i yil&#652;be pa&#241;imil pejtelel ch'ito&#241; am b&#652; ti la' tojlel, yom mi' tsepbentel i p&#652;ch&#652;lel; che'&#652;ch yom mi' yujtel c'&#652;l&#652;l ti pejtelel ora. Mi caj i tsepbentel i p&#652;ch&#652;lel ji&#241;i mu' b&#652; i yilan pa&#241;imil ti a wotot yic'ot ji&#241;i m&#652;mbilo' b&#652; a cha'a&#241; ti' tojlel ya&#241;o' b&#652; mach b&#652; a p'olbalic. 13Yom mi' tsepbentel i p&#652;ch&#652;lel ji&#241;i mu' b&#652; i yilan pa&#241;imil ti a wotot yic'ot ji&#241;i mu' b&#652; a m&#652;n ti a taq'ui&#241;, cha'a&#241; che' ji&#241;i mi' tsictiyel ti la' b&#652;c'tal i yejtal xuc'ul b&#652; c t'a&#241; ti pejtelel ora. 14Pero ji&#241;i mach b&#652; a&#241;ic mi' tsepbentel i p&#652;ch&#652;lel, mi caj i chojquel loq'uel ti' tojlel i pi'&#652;lob cha'a&#241; tsi' &#241;usa ji&#241;i xuc'ul b&#652; c t'a&#241;.</div><div class="p"> 15Dios tsi' su'be ja'el ji&#241;i Abraham:</div><div class="p">&#8212;Ji&#241;i Sarai a wij&#241;am, ma'a&#241;ix mi caj a pejcan ti Sarai, mi caj a pejcan ti Sara.#17.15 Sarai yic'ot Sara: Ji&#241;i c'aba'&#652;l mi' ts'ijbuntel ti cha'chajp pero ji&#241;i jach b&#652; isujmlel ti hebreo yom mi y&#652;l: &#8220;Xch'oc b&#652; i yalobil rey.&#8221; Che' b&#652; tsa' q'uext&#652;benti i c'aba' Sarai ti Sara, ji&#241;&#652;ch yejtal tsiji' b&#652; i cuxt&#652;lel cha'a&#241; ti' caj ochem&#652;ch ti ji&#241;i w&#652;n albil b&#652; i t'a&#241;. 16Mi caj c&#652;q'uen Sara i yutslel c t'a&#241; yic'ot mi caj i y&#652;q'ue&#241;et Sara juntiquil ch'ito&#241; b&#652; a walobil. Isujm&#652;ch, mi caj c&#652;q'uen Sara i yutslel c t'a&#241;, yic'ot mi caj i pejc&#652;ntel ti' &#241;a' wi&#241;icob x'ixicob ti ca'b&#652;l lum; mi caj i yilan pa&#241;imil reyob ti' tojlel.</div><div class="p"> 17Ji&#241;i cha'a&#241; Abraham tsi' &#241;uc choco i b&#652;, tsa' caji ti tse'&#241;al, tsi' y&#652;l&#652; ti' pusic'al: &#8220;&#191;Mejl to ba i tilel i yalobil juntiquil wi&#241;ic che' a&#241;ix jo'c'al (100) i ja'bilel? &#191;Ixcu Sara che' a&#241;ix lujump'ejl i jo'c'al (90) i ja'bilel, mu' to ba i mejlel i c&#652;ntan i yalobil?&#8221; 18Abraham tsi' su'be Dios:</div><div class="p">&#8212;Aq'uen i wenlel Ismael ti a tojlel.</div><div class="p"> 19Dios tsi' jac'&#652;:</div><div class="p">&#8212;Isujm Sara ji&#241;i a wij&#241;am mi caj i y&#652;q'ue&#241;et juntiquil ch'ito&#241; b&#652; a walobil, mi caj a wots&#652;ben i c'aba' ti Isaac.#17.19 Isaac: Isujmlel ili c'aba'&#652;l ji&#241;&#652;ch: &#8220;Tse'&#241;al.&#8221; Ji&#241;i tsa' b&#652; i cha'le tse'&#241;al ilayi ji&#241;&#652;ch Abraham (v 17). Ti Gn 18.12 mi laj q'uel cha'a&#241; Sara tsi' cha'le tse'&#241;al ja'el che' b&#652; tsi' yu'bi cha'a&#241; mi caj i c&#652;ntan i yalobil, come tsi' lon &#241;a'ta cha'a&#241; mach cajix i c&#652;ntan i yalobil come &#241;oxix. Q'uele Jn 8.56. Mi caj c wa'chocon xuc'ul b&#652; c t'a&#241; yic'ot Isaac, yic'ot i p'olbal ti pejtelel ora. 20Ixcu Ismael, mi caj c&#652;q'uen i yutslel c t'a&#241; ja'el che' bajche' tsa' c'ajtibeyon. Mi caj c p'ojles&#652;ben i yalobil, ca'b&#652;l mi' caj ti p'ojlelob. Mi caj c&#652;q'uen lajch&#652;ntiquil i yalobilob mu' b&#652; i caj i yochelob ti rey. I p'olbal mi caj i sujtel ti colem tejclum.#Gn 25.12-18; 1 Cr 1.28-31 21Pero jo&#241;on mi caj c wa'chocon xuc'ul b&#652; c t'a&#241; yic'ot Isaac mu' b&#652; caj i y&#652;c' ti pa&#241;imil Sara che' bajche' ti ili ora ti yam b&#652; ja'b. 22Che' b&#652; tsa' ujti ti t'a&#241; Dios yic'ot Abraham, tsi' t&#652;ts'&#652; i b&#652; ti' tojlel.</div><div class="p"> 23Ji&#241;i cha'a&#241; Abraham tsi' p&#652;y&#652; Ismael i yalobil yic'ot pejtelel x'e'telob i cha'a&#241; tsa' b&#652; i yilayob pa&#241;imil ti yotot yic'ot ji&#241;i m&#652;mbilo' b&#652; i cha'a&#241; ti' taq'ui&#241;, yic'ot pejtelel wi&#241;icob a&#241;o' b&#652; ti yotot Abraham, tsi' tsepbeyob i p&#652;ch&#652;lel ti ji&#241;i jach b&#652; q'ui&#241;, che' bajche' Dios tsi' su'be. 24Bolonlujump'ejlix i jo'c'al (99) i ja'bilel Abraham che' b&#652; tsa' tsepbenti i p&#652;ch&#652;lel. 25Uxlujump'ejlix (13) i ja'bilel Ismael i yalobil Abraham che' b&#652; tsa' tsepbenti i p&#652;ch&#652;lel. 26Ti ji&#241;i jach b&#652; q'ui&#241; tsa' tsepbenti i p&#652;ch&#652;lel Abraham yic'ot Ismael i yalobil. 27Tsa' tsepbenti i p&#652;ch&#652;lel pejtelel ji&#241;i wi&#241;icob a&#241;o' b&#652; ti yotot Abraham, yic'ot ji&#241;i x'e'telob tsa' b&#652; i yilayob pa&#241;imil ti yotot yic'ot m&#652;mbilo' b&#652; ti taq'ui&#241; ch'oyolo' b&#652; ti yam b&#652; lum.</div>
 </div>
 </div>
</div>

Biblia de Estudio en Ch´ol de Tumbalá, Chiapas, México © Sociedad Bíblica de México A.C. Active Translation in Process 

Che' bolomlujump'ejlix i jo'c'al (99) i ja'bilel Abram, lac Yum tsi' pʌsbe i bʌ Abram, tsi' su'be:
—Joñon jiñi Dios Mach Bʌ Añic i P'isol i P'ʌtʌlel. Yom ma' wajñel tic tojlel yic'ot yom wen uts'at ma' wajñel. Mi caj c wa'chocon xuc'ul bʌ c t'añ a wic'ot yic'ot mi caj cʌq'ueñet ca'bʌl a p'olbal.
Jiñi cha'añ Abram tsi' ñuc choco i bʌ ti' tojlel Dios. Dios tsi' cha'le t'añ yic'ot, tsi' yʌlʌ:
—Jiñʌch jiñi xuc'ul bʌ c t'añ a wic'ot: Mi caj a wochel ti' tat bajc'ʌl wiñicob x'ixicob. Ma'añix mi caj a chʌn pejcʌntel ti Abram, wʌle mi caj a pejcʌntel ti Abraham, come woli c wa'chocoñet ti' tat bajc'ʌl wiñicob x'ixicob. Mi caj cʌq'ueñet ca'bʌl a p'olbal, ti a tojlel mi caj i loq'uel ca'bʌl tejclum tac yic'ot reyob. Mi caj c wa'chocon jump'ejl xuc'ul bʌ c t'añ a wic'ot yic'ot ti' tojlel a p'olbal ti' lajm ti' lajm ti' pejtelel ora; cha'añ mi cochel ti a Dios yic'ot ti' Dios pejtelel a p'olbal. Mi caj cʌq'ueñet yic'ot a p'olbal pejtelel i lumal Canaán ba' woliyet ti chumtʌl wʌle, mi caj la' cha'añin ti pejtelel ora, joñon mi caj cochel ti' Diosob.
Dios tsi' cha' su'be Abraham:
—Añ ti a wenta cha'añ ma' jac' jiñi xuc'ul bʌ c t'añ, jatet yic'ot a p'olbal ti' lajm ti' lajm ti pejtelel ora. Jiñʌch xuc'ul bʌ c t'añ quic'otet yic'ot pejtelel a p'olbal mu' bʌ caj i tilel: Pejtelel ch'itoñ bʌ la' walobilob mi caj i tsepbentel i pʌchʌlel. Mi caj la' ch'ʌm tsep pʌchʌlel, i yejtal xuc'ul bʌ c t'añ tsa' bʌ c wa'choco yic'otetla. Che' ti' waxʌcp'ejl q'uiñ i yilʌbe pañimil pejtelel ch'itoñ am bʌ ti la' tojlel, yom mi' tsepbentel i pʌchʌlel; che'ʌch yom mi' yujtel c'ʌlʌl ti pejtelel ora. Mi caj i tsepbentel i pʌchʌlel jiñi mu' bʌ i yilan pañimil ti a wotot yic'ot jiñi mʌmbilo' bʌ a cha'añ ti' tojlel yaño' bʌ mach bʌ a p'olbalic. Yom mi' tsepbentel i pʌchʌlel jiñi mu' bʌ i yilan pañimil ti a wotot yic'ot jiñi mu' bʌ a mʌn ti a taq'uiñ, cha'añ che' jiñi mi' tsictiyel ti la' bʌc'tal i yejtal xuc'ul bʌ c t'añ ti pejtelel ora. Pero jiñi mach bʌ añic mi' tsepbentel i pʌchʌlel, mi caj i chojquel loq'uel ti' tojlel i pi'ʌlob cha'añ tsi' ñusa jiñi xuc'ul bʌ c t'añ.
Dios tsi' su'be ja'el jiñi Abraham:
—Jiñi Sarai a wijñam, ma'añix mi caj a pejcan ti Sarai, mi caj a pejcan ti Sara. Mi caj cʌq'uen Sara i yutslel c t'añ yic'ot mi caj i yʌq'ueñet Sara juntiquil ch'itoñ bʌ a walobil. Isujmʌch, mi caj cʌq'uen Sara i yutslel c t'añ, yic'ot mi caj i pejcʌntel ti' ña' wiñicob x'ixicob ti ca'bʌl lum; mi caj i yilan pañimil reyob ti' tojlel.
Jiñi cha'añ Abraham tsi' ñuc choco i bʌ, tsa' caji ti tse'ñal, tsi' yʌlʌ ti' pusic'al: “¿Mejl to ba i tilel i yalobil juntiquil wiñic che' añix jo'c'al (100) i ja'bilel? ¿Ixcu Sara che' añix lujump'ejl i jo'c'al (90) i ja'bilel, mu' to ba i mejlel i cʌntan i yalobil?” Abraham tsi' su'be Dios:
—Aq'uen i wenlel Ismael ti a tojlel.
Dios tsi' jac'ʌ:
—Isujm Sara jiñi a wijñam mi caj i yʌq'ueñet juntiquil ch'itoñ bʌ a walobil, mi caj a wotsʌben i c'aba' ti Isaac. Mi caj c wa'chocon xuc'ul bʌ c t'añ yic'ot Isaac, yic'ot i p'olbal ti pejtelel ora. Ixcu Ismael, mi caj cʌq'uen i yutslel c t'añ ja'el che' bajche' tsa' c'ajtibeyon. Mi caj c p'ojlesʌben i yalobil, ca'bʌl mi' caj ti p'ojlelob. Mi caj cʌq'uen lajchʌntiquil i yalobilob mu' bʌ i caj i yochelob ti rey. I p'olbal mi caj i sujtel ti colem tejclum. Pero joñon mi caj c wa'chocon xuc'ul bʌ c t'añ yic'ot Isaac mu' bʌ caj i yʌc' ti pañimil Sara che' bajche' ti ili ora ti yam bʌ ja'b. Che' bʌ tsa' ujti ti t'añ Dios yic'ot Abraham, tsi' tʌts'ʌ i bʌ ti' tojlel.
Jiñi cha'añ Abraham tsi' pʌyʌ Ismael i yalobil yic'ot pejtelel x'e'telob i cha'añ tsa' bʌ i yilayob pañimil ti yotot yic'ot jiñi mʌmbilo' bʌ i cha'añ ti' taq'uiñ, yic'ot pejtelel wiñicob año' bʌ ti yotot Abraham, tsi' tsepbeyob i pʌchʌlel ti jiñi jach bʌ q'uiñ, che' bajche' Dios tsi' su'be. Bolonlujump'ejlix i jo'c'al (99) i ja'bilel Abraham che' bʌ tsa' tsepbenti i pʌchʌlel. Uxlujump'ejlix (13) i ja'bilel Ismael i yalobil Abraham che' bʌ tsa' tsepbenti i pʌchʌlel. Ti jiñi jach bʌ q'uiñ tsa' tsepbenti i pʌchʌlel Abraham yic'ot Ismael i yalobil. Tsa' tsepbenti i pʌchʌlel pejtelel jiñi wiñicob año' bʌ ti yotot Abraham, yic'ot jiñi x'e'telob tsa' bʌ i yilayob pañimil ti yotot yic'ot mʌmbilo' bʌ ti taq'uiñ ch'oyolo' bʌ ti yam bʌ lum.

Լսել Génesis 17