<div class="version vid2400 iso6393jao" data-vid="2400" data-iso6393="jao">
   <div class="book bkRUT">
      <div class="chapter ch1" data-usfm="RUT.1">
         <div class="label">1</div><div class="s"><span class="heading">Kalu-lhuwarri likili-nganji ki-Yilimilika</span></div><div class="p"><span class="content">  </span><span class="verse v1 v2" data-usfm="RUT.1.1+RUT.1.2"><span class="label">1-2</span><span class="content">Kulu ka-arri arrkula na-wini mirningiya Yilimilika, kumbu-ngka Yibratha. Ka-arri baji mayangka, wirndajkumba, kurdardi wudurruwu. Riku-wangu nanda-wini a-Niyumi, rrikirri-arduwujara kanymardawujara, nyarrku na-wini Malun kulu nyarrku na-wini Jiliyan. Kalu-arri ki-barrawula Bidiliyima ki-mayangka Juda baji Yijrayil, li-jibiya baji kalu-arri.</span></span></div><div class="p"><span class="verse v1 v2" data-usfm="RUT.1.1+RUT.1.2"><span class="content">Kalu-yibaka bajingu wumba wirndajku awara, akarriya kalu-wingka nyungkarrku ki-awarala, ngabiyala Muwab. Baji kanalu-rama na-alanji, kalu-arri baji. </span></span><span class="verse v3" data-usfm="RUT.1.3"><span class="label">3</span><span class="content">Kalu-arri baji baki malbu kumba-minmirra kulu kumba-mirra. Kanda-arri andalumba a-Niyumi nandayirdi ankirri-arduwujaranguwu.</span></span></div><div class="p"><span class="verse v3" data-usfm="RUT.1.3"><span class="content">  </span></span><span class="verse v4" data-usfm="RUT.1.4"><span class="label">4</span><span class="content">Kulu rri-mangaji, kawula-arri alinda rri-mbangu nhanawawujara nyuwu-mangaji ki-awarawu Muwab, nawula-wini rra-Wuba wula a-Rutha.</span></span></div><div class="p"><span class="verse v4" data-usfm="RUT.1.4"><span class="content">  </span></span><span class="verse v5" data-usfm="RUT.1.5"><span class="label">5</span><span class="content">Baku baku ngulakari, na-10-bala lhabayi, mili kawulamba-minmirra, wula barra ankirri-arduwuj ara wu-Niyumi, kawulamba-minmirra kulu kawulamba-mirra. Andalumba kanda-arri nandayirdi wulanga rriyi-kayibanthaandalu, andalumba kanda-arri, bardabarda nyuwanku-wanguwu kulu rriyankurri-arduwu, bawuji barra.</span></span></div><div class="s"><span class="heading">Kawula-wani a-Niyumi wula a-Rutha</span></div><div class="p"><span class="verse v5" data-usfm="RUT.1.5"><span class="content">  </span></span><span class="verse v6" data-usfm="RUT.1.6"><span class="label">6</span><span class="content">Baku barra ngulakari kanda-nykarri wuka wu-Niyumi, kanuraba-yarraka bajingu, kanda-nykarri wuburr na-miji ngabiyala baji barra nungkanku ki-awarala, kangka Wirdiwalangu, Wirdiwalangu kalu-wundarrba nya-mangaji Yijan Kada, kilu-yabima awara barra ki-Wirdiwalangu ngundayarra ki-wuburru alunga.</span></span></div><div class="p"><span class="verse v6" data-usfm="RUT.1.6"><span class="content">  </span></span><span class="verse v7" data-usfm="RUT.1.7"><span class="label">7</span><span class="content">Bawuji kulu kanumba-yarraka. Nakaringu Muwab kanda-lhuwarri bawuji nandayirdi wulanga rriyi-kayibanthaandalu, kanda-lhuwarri waninjalu bajinju Juda. Kalu-wingka aya, alu barra mardamarda.</span></span></div><div class="p"><span class="verse v7" data-usfm="RUT.1.7"><span class="content">  </span></span><span class="verse v8" data-usfm="RUT.1.8"><span class="label">8</span><span class="content">Ngala wumbiji kanumba-yangama, kanda-arri wulanga, &#8220;Marrimbala! Bawuji kimbala-wanila marnajingu rrinjimbalangarrinji-wibilu. Jarna-wukanyinji ki-Wirdiwalangu ankaya, yiwa yabimanthawu awara yimbalanga barranamba yimbala kimbala-arri yabi ngatha marda wulanga rriyingatharriyi-arduwu wumba kawulamba-mirra.</span></span></div><div class="p"><span class="verse v8" data-usfm="RUT.1.8"><span class="content">  </span></span><span class="verse v9" data-usfm="RUT.1.9"><span class="label">9</span><span class="content">Baku ki-Wirdiwalangu kilu-yabimala awara yimbalanga, nmanthawu alinda, nganinya janyarna-yalbanganji ankaya yimbalanga.&#8221; Kawulanda-lhuji baki kawulanda-murdama, kulu kawula-rarri andalu wakulamba, karrawula-manmarralanga wakulamba.</span></span></div><div class="p"><span class="verse v9" data-usfm="RUT.1.9"><span class="content">  </span></span><span class="verse v10" data-usfm="RUT.1.10"><span class="label">10</span><span class="content">Kulu kawula-arri, &#8220;Kurdardi barra katharra wanirru. Wambu katharra-nmala yindaa, linjinkulinji-nganjinya marda ngatharra, kurdardi ngatharra katharra-wanirru.&#8221;</span></span></div><div class="p"><span class="verse v10" data-usfm="RUT.1.10"><span class="content">  </span></span><span class="verse v11 v12 v13" data-usfm="RUT.1.11+RUT.1.12+RUT.1.13"><span class="label">11-13</span><span class="content">Ngala kanda-arri a-Niyumi, &#8220;Bawuji kimbala-wanila. Ngalhiyu jimbala-wingkayi ngathangka? Kurdardi barra kimbala-wingkarru ngathangka. Kurdardi mili yurrulu karnamba-kulhakulhamarru, yimbala anmanthawu alinda nganinyaji kangka wulambalu jarna-bardibardirrinj Namba karna-nmanjima majkarra lhurrku wundururra, namba karnamba lhakalhakarranjima bardardawujaranguwu mayaniwujaranguwu baku, kurdardi kimbala-yukumarru wulanga yirdardinjawu, kangka yurrujurru kawula-yirdardi yili. Kurdardi kimbalamba-ngibarru yukumantharra wulanga, kurdardi. Kilu-wardima nyu-Wirdiwalangu awara ngatha kulu jarna-rarrinji yimbalanga ngarna-wurdu.&#8221;</span></span></div><div class="p"><span class="verse v11 v12 v13" data-usfm="RUT.1.11+RUT.1.12+RUT.1.13"><span class="content">  </span></span><span class="verse v14" data-usfm="RUT.1.14"><span class="label">14</span><span class="content">Mili wula barra kawula-rarri andalu. Kulu rra-ja rra-kayibandaanthalu nanda-wini a-Wuba, karrandu-lhuji nyamba-murdamanthawu. Kanda-ngayama anda waninjawu bajinju linjankulinji-nganjinju. Ngala rra-ja rra-Rutha, wambu kanda-arri andaa. Kalngiya kurdandu karrandu-manmarralanga, anda wingkayawu nganambaji andaa rrungkankurru-yuwarnila.</span></span></div><div class="p"><span class="verse v14" data-usfm="RUT.1.14"><span class="content">  </span></span><span class="verse v15" data-usfm="RUT.1.15"><span class="label">15</span><span class="content">Kulu a-Niyumi kanda-wukanyi anku wu-Rutha, &#8220;Yuwarni, bawuji rra-kayibanthangathangkalu barra, janda-lhuwarrinji a-ja, yinkurra-milkamba, janda-waninji aluwalu linjankulinji-nganjilu kulu jingkanku yi-yijandu. Marda yinda, bawuji waniya andaa!&#8221;</span></span></div><div class="p"><span class="verse v15" data-usfm="RUT.1.15"><span class="content">  </span></span><span class="verse v16" data-usfm="RUT.1.16"><span class="label">16</span><span class="content">Ngala a-ja a-Rutha kanumba-ngarninyma, &#8220;Kurdardi kanha-yalyarrungkarru nganinya, ngarna ndayawu yinda, ngarna waninjawu nakaringu yindaa, kurdardi. Karna-ma yindaa, kurdardi kirna-ndarru. Karna-wingkala nganambaji yindaa yurrngumantha lurrulurru. Ka-lhuwarrila nambiwuthu kulu karna-wingkayama nganambaji yindaa lurrulurru yurrngumantha. Namba ka-nmala walkurr, kulu ngarna mili karna-nmala walkurr yindaa nungkinku nungku-alanjila nganambaji. Linkili-nganji kala-nmala kulu mili ngarna lingathili-nganji. Nyinkungu Yijan Kada kulu kiwa-nmala nyangatha Yijan.</span></span></div><div class="p"><span class="verse v16" data-usfm="RUT.1.16"><span class="content">  </span></span><span class="verse v17" data-usfm="RUT.1.17"><span class="label">17</span><span class="content">Namba kinyamba-mirrala kulu ngarna karnamba-mirrala marda jingkinku ji-awarala, nungkarnarrku karnamba-mirrala bajingulaji. Namba kirnalu-kurramala kulu ngarna marda karnalu-kurramala baji yindaa. Kurdardi kirna-ndarru. Ngali barra, arrkula kali-wingkala, marda nyungkarrku ji-awaralu, ngali arrkula.&#8221; Kulu a-Rutha mili kanumbi-nu, &#8220;Jarna-yalbanganji ankaya Wirdiwalangu nganinya, &#8216;Namba kirna-ndayima kulu nganambaji mili karnilu-ramanjima wakulamba nyu-Wirdiwalangu, wakulamba ki-wardirrinjima barra ngatha awara,&#8217; nganinya jarna-yalbanganji. Ngala yurrngumantha karna-nmala yindaa nganambaji.&#8221;</span></span></div><div class="p"><span class="verse v17" data-usfm="RUT.1.17"><span class="content">  </span></span><span class="verse v18" data-usfm="RUT.1.18"><span class="label">18</span><span class="content">Kulu a-Niyumi barra, karrandu-lhaa wakulamba, kanda-arri mirdan anku barra wu-Rutha, kurdardi karranda-ndarrma, kalngiya karrandu-lhaa, kulu a-Rutha kanda-wingka andaa barra. Kulu a-Niyumi, kurdardi yurrulu kanda-wukanyinma anku, barni-wuka kanda-arri wambu.</span></span></div><div class="p"><span class="verse v18" data-usfm="RUT.1.18"><span class="content">  </span></span><span class="verse v19" data-usfm="RUT.1.19"><span class="label">19</span><span class="content">Bajingu Muwab kulu kawula-wingka barra aya bajinju Bidiliyima. Kawula-wingka...i wula a-kayibanthaandalu, bajinju Bidiliyima, wula barra. Ngala li-ja barra, li-wulu li-jibiya baji, alu wiji kalu-ruwama anku wu-Niyumi, kalu-ruwama wulanga. Kulu li-nhanawa, kalu-arri, &#8220;A-ngani rra-ja, a-ngani, marrirru? Nungka rra-ja a-Niyumi, andalaya barra?&#8221;</span></span></div><div class="p"><span class="verse v19" data-usfm="RUT.1.19"><span class="content">  </span></span><span class="verse v20" data-usfm="RUT.1.20"><span class="label">20</span><span class="content">Ngala anda kanda-wukanyi alunga, &#8220;Kurdardi nganinya kanyirru-wundarrbarru a-Niyumi kangka bajarnaji Niyumi barranamba yabi, ngala nganhirru-wundarrbaya a-Mara kangka marnarnaji Mara narnu-dabudaburr ni-wini. A-Mara nganhirru-wundarrbaya kangka nyungku-ja nyu-Wunungulu nyu-Yijandu nyu-Kada, karnilu-ngunda bajarnaji narnu-dabudaburr, dabudaburr awara ki-arri ngatha,&#8221; nganinya kanda-wukanyi alunga.</span></span></div><div class="p"><span class="verse v20" data-usfm="RUT.1.20"><span class="content">  </span></span><span class="verse v21" data-usfm="RUT.1.21"><span class="label">21</span><span class="content">&#8220;Ngalingarna marnaji karna-arri ambuliyalu, jakarda ki-arri awara ngatha, jakarda, kulu kariya karna-wingka akarriya. Karna-wani nakaringu bajingu Muwab, bardabarda barra, winarrku jarnini kangka kalngiya ki-wardirri awara ngatha. Kilu-ngabiya ngatha nyu-Wunungulu nyu-Kada barranamba dabudaburr awara ki-arri ngatha. Kulu marningarna barra, karna-wani marnajinju, karnilu-waninjanguma karakarra, karnilu-waninjanguma barra nyu-Wirdiwalangu, kurdardi barra awarawu ngatha, bardabarda. Ngala barni-wundarrbantha ngatha ngarna-wini a-Niyumi ngala winarrku nganhirru-wundarrbaya a-Mara kangka dabudaburr awara ngatha ki-arri.&#8221; Kanda-arri nganinya kangka kanumba-nykalanykarri nganinya nanda-wurdu ngalanda waninjarra bardabarda bajinju.</span></span></div><div class="p"><span class="verse v21" data-usfm="RUT.1.21"><span class="content">  </span></span><span class="verse v22" data-usfm="RUT.1.22"><span class="label">22</span><span class="content">Kulu nganinyaji barra a-ja barra a-Niyumi kanda-wani, nganinya kawula-wani karakarra ki-awaralu barra, wula barra, anda barra a-mangaji a-kayibanthaandalu, a-jibiya Muwab. Kawula-yibanda baji barra barrawula Bidiliyima ngalalu kalinyamba-yanirri rdumanthalu ma-ngarra ma-bali, ma-mangaji ma-bali barranamba ma-kingkirra. Kalinyamba-wukanyi li-wulu, &#8220;Bawuji ngambala wajkaliya rdumanthalu ma-mangaji ma-ngarra ma-bali, bajawu ndiwi malumanjawu,&#8221; kalu-arri nganinya bajarnaji wumba kawula-yibanda baji Bidiliyima. Bawuji barra.</span></span></div>
      </div>
   </div>
</div>

Kulu ka-arri arrkula na-wini mirningiya Yilimilika, kumbu-ngka Yibratha. Ka-arri baji mayangka, wirndajkumba, kurdardi wudurruwu. Riku-wangu nanda-wini a-Niyumi, rrikirri-arduwujara kanymardawujara, nyarrku na-wini Malun kulu nyarrku na-wini Jiliyan. Kalu-arri ki-barrawula Bidiliyima ki-mayangka Juda baji Yijrayil, li-jibiya baji kalu-arri.
Kalu-yibaka bajingu wumba wirndajku awara, akarriya kalu-wingka nyungkarrku ki-awarala, ngabiyala Muwab. Baji kanalu-rama na-alanji, kalu-arri baji. Kalu-arri baji baki malbu kumba-minmirra kulu kumba-mirra. Kanda-arri andalumba a-Niyumi nandayirdi ankirri-arduwujaranguwu.
Kulu rri-mangaji, kawula-arri alinda rri-mbangu nhanawawujara nyuwu-mangaji ki-awarawu Muwab, nawula-wini rra-Wuba wula a-Rutha.
Baku baku ngulakari, na-10-bala lhabayi, mili kawulamba-minmirra, wula barra ankirri-arduwuj ara wu-Niyumi, kawulamba-minmirra kulu kawulamba-mirra. Andalumba kanda-arri nandayirdi wulanga rriyi-kayibanthaandalu, andalumba kanda-arri, bardabarda nyuwanku-wanguwu kulu rriyankurri-arduwu, bawuji barra.

Baku barra ngulakari kanda-nykarri wuka wu-Niyumi, kanuraba-yarraka bajingu, kanda-nykarri wuburr na-miji ngabiyala baji barra nungkanku ki-awarala, kangka Wirdiwalangu, Wirdiwalangu kalu-wundarrba nya-mangaji Yijan Kada, kilu-yabima awara barra ki-Wirdiwalangu ngundayarra ki-wuburru alunga.
Bawuji kulu kanumba-yarraka. Nakaringu Muwab kanda-lhuwarri bawuji nandayirdi wulanga rriyi-kayibanthaandalu, kanda-lhuwarri waninjalu bajinju Juda. Kalu-wingka aya, alu barra mardamarda.
Ngala wumbiji kanumba-yangama, kanda-arri wulanga, “Marrimbala! Bawuji kimbala-wanila marnajingu rrinjimbalangarrinji-wibilu. Jarna-wukanyinji ki-Wirdiwalangu ankaya, yiwa yabimanthawu awara yimbalanga barranamba yimbala kimbala-arri yabi ngatha marda wulanga rriyingatharriyi-arduwu wumba kawulamba-mirra.
Baku ki-Wirdiwalangu kilu-yabimala awara yimbalanga, nmanthawu alinda, nganinya janyarna-yalbanganji ankaya yimbalanga.” Kawulanda-lhuji baki kawulanda-murdama, kulu kawula-rarri andalu wakulamba, karrawula-manmarralanga wakulamba.
Kulu kawula-arri, “Kurdardi barra katharra wanirru. Wambu katharra-nmala yindaa, linjinkulinji-nganjinya marda ngatharra, kurdardi ngatharra katharra-wanirru.”
Ngala kanda-arri a-Niyumi, “Bawuji kimbala-wanila. Ngalhiyu jimbala-wingkayi ngathangka? Kurdardi barra kimbala-wingkarru ngathangka. Kurdardi mili yurrulu karnamba-kulhakulhamarru, yimbala anmanthawu alinda nganinyaji kangka wulambalu jarna-bardibardirrinj Namba karna-nmanjima majkarra lhurrku wundururra, namba karnamba lhakalhakarranjima bardardawujaranguwu mayaniwujaranguwu baku, kurdardi kimbala-yukumarru wulanga yirdardinjawu, kangka yurrujurru kawula-yirdardi yili. Kurdardi kimbalamba-ngibarru yukumantharra wulanga, kurdardi. Kilu-wardima nyu-Wirdiwalangu awara ngatha kulu jarna-rarrinji yimbalanga ngarna-wurdu.”
Mili wula barra kawula-rarri andalu. Kulu rra-ja rra-kayibandaanthalu nanda-wini a-Wuba, karrandu-lhuji nyamba-murdamanthawu. Kanda-ngayama anda waninjawu bajinju linjankulinji-nganjinju. Ngala rra-ja rra-Rutha, wambu kanda-arri andaa. Kalngiya kurdandu karrandu-manmarralanga, anda wingkayawu nganambaji andaa rrungkankurru-yuwarnila.
Kulu a-Niyumi kanda-wukanyi anku wu-Rutha, “Yuwarni, bawuji rra-kayibanthangathangkalu barra, janda-lhuwarrinji a-ja, yinkurra-milkamba, janda-waninji aluwalu linjankulinji-nganjilu kulu jingkanku yi-yijandu. Marda yinda, bawuji waniya andaa!”
Ngala a-ja a-Rutha kanumba-ngarninyma, “Kurdardi kanha-yalyarrungkarru nganinya, ngarna ndayawu yinda, ngarna waninjawu nakaringu yindaa, kurdardi. Karna-ma yindaa, kurdardi kirna-ndarru. Karna-wingkala nganambaji yindaa yurrngumantha lurrulurru. Ka-lhuwarrila nambiwuthu kulu karna-wingkayama nganambaji yindaa lurrulurru yurrngumantha. Namba ka-nmala walkurr, kulu ngarna mili karna-nmala walkurr yindaa nungkinku nungku-alanjila nganambaji. Linkili-nganji kala-nmala kulu mili ngarna lingathili-nganji. Nyinkungu Yijan Kada kulu kiwa-nmala nyangatha Yijan.
Namba kinyamba-mirrala kulu ngarna karnamba-mirrala marda jingkinku ji-awarala, nungkarnarrku karnamba-mirrala bajingulaji. Namba kirnalu-kurramala kulu ngarna marda karnalu-kurramala baji yindaa. Kurdardi kirna-ndarru. Ngali barra, arrkula kali-wingkala, marda nyungkarrku ji-awaralu, ngali arrkula.” Kulu a-Rutha mili kanumbi-nu, “Jarna-yalbanganji ankaya Wirdiwalangu nganinya, ‘Namba kirna-ndayima kulu nganambaji mili karnilu-ramanjima wakulamba nyu-Wirdiwalangu, wakulamba ki-wardirrinjima barra ngatha awara,’ nganinya jarna-yalbanganji. Ngala yurrngumantha karna-nmala yindaa nganambaji.”
Kulu a-Niyumi barra, karrandu-lhaa wakulamba, kanda-arri mirdan anku barra wu-Rutha, kurdardi karranda-ndarrma, kalngiya karrandu-lhaa, kulu a-Rutha kanda-wingka andaa barra. Kulu a-Niyumi, kurdardi yurrulu kanda-wukanyinma anku, barni-wuka kanda-arri wambu.
Bajingu Muwab kulu kawula-wingka barra aya bajinju Bidiliyima. Kawula-wingka...i wula a-kayibanthaandalu, bajinju Bidiliyima, wula barra. Ngala li-ja barra, li-wulu li-jibiya baji, alu wiji kalu-ruwama anku wu-Niyumi, kalu-ruwama wulanga. Kulu li-nhanawa, kalu-arri, “A-ngani rra-ja, a-ngani, marrirru? Nungka rra-ja a-Niyumi, andalaya barra?”
Ngala anda kanda-wukanyi alunga, “Kurdardi nganinya kanyirru-wundarrbarru a-Niyumi kangka bajarnaji Niyumi barranamba yabi, ngala nganhirru-wundarrbaya a-Mara kangka marnarnaji Mara narnu-dabudaburr ni-wini. A-Mara nganhirru-wundarrbaya kangka nyungku-ja nyu-Wunungulu nyu-Yijandu nyu-Kada, karnilu-ngunda bajarnaji narnu-dabudaburr, dabudaburr awara ki-arri ngatha,” nganinya kanda-wukanyi alunga.
“Ngalingarna marnaji karna-arri ambuliyalu, jakarda ki-arri awara ngatha, jakarda, kulu kariya karna-wingka akarriya. Karna-wani nakaringu bajingu Muwab, bardabarda barra, winarrku jarnini kangka kalngiya ki-wardirri awara ngatha. Kilu-ngabiya ngatha nyu-Wunungulu nyu-Kada barranamba dabudaburr awara ki-arri ngatha. Kulu marningarna barra, karna-wani marnajinju, karnilu-waninjanguma karakarra, karnilu-waninjanguma barra nyu-Wirdiwalangu, kurdardi barra awarawu ngatha, bardabarda. Ngala barni-wundarrbantha ngatha ngarna-wini a-Niyumi ngala winarrku nganhirru-wundarrbaya a-Mara kangka dabudaburr awara ngatha ki-arri.” Kanda-arri nganinya kangka kanumba-nykalanykarri nganinya nanda-wurdu ngalanda waninjarra bardabarda bajinju.
Kulu nganinyaji barra a-ja barra a-Niyumi kanda-wani, nganinya kawula-wani karakarra ki-awaralu barra, wula barra, anda barra a-mangaji a-kayibanthaandalu, a-jibiya Muwab. Kawula-yibanda baji barra barrawula Bidiliyima ngalalu kalinyamba-yanirri rdumanthalu ma-ngarra ma-bali, ma-mangaji ma-bali barranamba ma-kingkirra. Kalinyamba-wukanyi li-wulu, “Bawuji ngambala wajkaliya rdumanthalu ma-mangaji ma-ngarra ma-bali, bajawu ndiwi malumanjawu,” kalu-arri nganinya bajarnaji wumba kawula-yibanda baji Bidiliyima. Bawuji barra.

Լսել WUKA WU-RUTHA 1