Asheninka, Pichis 2008 WBT (NT) Drama

<div class="version vid238 iso6393cpu" data-vid="238" data-iso6393="cpu">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Jes&#250;s ipo&#241;a Samaria-sato</div><div class="p"> 1Ikanta Fariseo-payeeni ikemaiyake, ikantaitzi: &#8220;Tzimake osheki iriyotaane Jes&#250;s, joviinkaatake osheki atziriite, janaanakeri Juan.&#8221; Jiyotake irirori Jes&#250;s okaratzi ikemaiyakerini Fariseo. 2(Kaarimacheeni Jes&#250;s oviinkaatantatsine, a&#241;a iriyotaaneete inatzi.) 3Irootake Jes&#250;s ishitovantanakari Judea-ki, ipiyaaro Galilea-ki. 4Ari eentathakitziri inkenanairo iipatsiteki Samaria-satzi. 5Irojatzi jareetantakari aparoni nampitsi saikatsiri Samaria-ki opaita Sicar, iro tsipanampitarori iipatsite pairani Jacob-ni ipanairiri itomi, Jos&#233;. 6Ari osaikiri ji&#241;aa iiyakotane Jacob-ni. Tema jimakokitakera Jes&#250;s janiitake, isaikimotapaakero ji&#241;aa, joveraaka ooryaa tampatzika.#4.6 Ikantayeetziri jaka &#8220;ooryaa tampatzika,&#8221; iroojatzi ikantaitziri pairani joveraaka ooryaa 6.</div><div class="p"> 7Ari opokake aparoni Samaria-sato onkaye ji&#241;aa. Ikantziro Jes&#250;s: &#8220;Pimpena ji&#241;aa niravake.&#8221; 8Tema jiyaataiyatziini iriyotaane nampitsiki iramanante ovaritentsi. 9Maaroni Jud&#237;o-peroriite te jaapatziyari kameethaini Samaria-satziite. Ari akanakeri tsinane okantanakeri: &#8220;&#191;Tsika pinkenakairoka eeroka, Jud&#237;o pinatzi, ipo&#241;a pikampitana naaka Samaria-sato nompemi ji&#241;aa?&#8221; 10Ari jakanakero Jes&#250;s, ikantziro: &#8220;Arimi piyote opaita ipantziri Pava, ari piyoterimi kampitakemiri ji&#241;aa, eerokara kampitenanemi naaka. Aritake nompakemiro ji&#241;aa a&#241;aakaantatsiri.&#8221; 11Okantanake tsinane: &#8220;Pinkathar&#237;, tekachaajatake pinkitantyaari ji&#241;aa, inthomoi okantaka omoro, &#191;tsikatya payeroka pimpenari ji&#241;aa a&#241;aakaantatsiri? 12Iri acharineete Jacob-ni panairori pairani iroka ji&#241;aa, irootake jimiretajaantakari irirori, irojatzi jimireyetaka itomipayeeni, jimireyetakaro eejatzi ipiraite. &#191;Panayirima eeroka?&#8221; 13Jakanakero Jes&#250;s, ikantanakero: &#8220;Maaroni miretarori iroka ji&#241;aa, eero opeya imiretzi. 14Iriima itzimi miretakyaarone ji&#241;aa nomperiri naaka, eerora jimirenetai. Tema ji&#241;aatatsiri nopantziri naaka ari oshitovaashiretantaiyaari onkempivaityaaro oshitovaatantatyeeyaarimi ji&#241;aa a&#241;aakaantatsiri.&#8221; 15Okantzi tsinane: &#8220;Pinkathar&#237;, pimpenaro naaka iroka ji&#241;aatatsiri, eero napiitantaaro nomiretai, eero nopipiyavaitanta jaka nonkaye ji&#241;aa.&#8221;</div><div class="p"> 16Ari ikantziro Jes&#250;s: &#8220;Piyaate, pinkaimeri piime, impo&#241;a pimpiyake jaka.&#8221; 17Okantzi tsinane: &#8220;Tekatsi noime.&#8221; Ikantziro Jes&#250;s: &#8220;Kameetha pikantake, te intzime piime, 18tema tzimavetaka pairani ikaratzi 5 piime. Iriima itzimi pitsipatari iro&#241;aaka, kaarira piime. Omaperora okaratzi pikantake.&#8221; 19Okemavakera ikantakero, okantanake tsinane: &#8220;Pinkathar&#237;, niyotanakemi naaka kamantantaneri pinatzi. 20Pairani nocharineete Samaria-satziite ji&#241;aapinkathatapiintakeri Pava jaka, otzishikira. Iro kantamaitacha eerokaite Jud&#237;o-perori pikantaiyini janta Jerusal&#233;n-ki, ari a&#241;aapinkathatapiintairiri.&#8221; 21Ikantanakero Jes&#250;s: &#8220;Pinkempisantavake tsinane, irootaintsira pi&#241;aapinkathayetairi eerokaite Ashitairi, eero okovajaanta pimpoke jaka otzishiki, eero okovajaanta piyaate eejatzi Jerusal&#233;n-ki. 22Omaperovetatya, te piyotaiyerini eerokaite ipaita pi&#241;aapinkathatapiintziri. Irooma naakaite niyotziri itzimi no&#241;aapinkathatziri. Tema irika intzime ovavisaakotantatsine, jud&#237;o irinatye. 23Iro kantacha, irootzimataintsi. Iriitake iro&#241;aakara &#241;aapinkathatajaantziriri Ashitairi itzimi &#241;aapinkathashiretataitziriri. Tema iriiyetake ikoviri Ashitairi &#241;aapinkathayetairine. 24Pava iriijatzi Tasorentsinkantsi, kaari ko&#241;aatatsine. Inkarate &#241;aapinkathayetairine, ontzimatye i&#241;aapinkathashiretairi, te onkovajaantaiya irantayetairo ko&#241;aayetatsiri.&#8221; 25Okantzi tsinane: &#8220;Niyotzi naaka, ari impokakeri Mes&#237;as, ipaiyeetziri Cristo. Aririka irareetakya irirori, ari inkamantapaakairo maaroni tsika okantakota.&#8221; 26Ikantzi Jes&#250;s: &#8220;Naakatake, itzimi &#241;aanatajaantakemi.&#8221;</div><div class="p"> 27Ari jareetaiyapaani iriyotaane. Ipampoyaaminthatapaakeri ji&#241;aapaakeri ikinkithavaitakairo tsinane. Iro kantamaitacha tekatsi osampitapaakerine opaita okoviri tsinane, tsikarika opaita ikinkithavaitakairori. 28Ari ookanakero tsinane oyovitenaki, jatake nampitsiki, okantapaakeri atziriite: 29&#8220;Pimpokaiyeni pi&#241;eeri aparoni shirampari itzimi iyotakenarori maaroni nantayetakeri pairani. &#191;Kaarima ikantaka Cristo?&#8221; 30Ikanta ishitovaiyanakeni atziriite nampitsiki, pokaiyanakeni isaikakera Jes&#250;s.</div><div class="p"> 31Ari ipankiventaiyarini iriyotaane, ikantziri: &#8220;&#161;Rab&#237;, poya!&#8221; 32Ikantzi Jes&#250;s: &#8220;Tzimatsi opaita novari naaka, te pi&#241;eeyeroni eeroka.&#8221; 33Ari josampitavakaayetanaka iriyotaane: &#8220;&#191;Tzimatsima ipaita amakeneriri irovarite?&#8221; 34Iro kantacha Jes&#250;s, ikantanake: &#8220;Iro nokempitakaantari novarite naaka nantero ikoviri itzimi otyaantakenari, ontzimatye nonthonkero eejatzi antavairentsi ipakenari. 35Jiroka pikantapiintaiyini eeroka: &#8216;Kapatapaaka 4 kashiri osampatantyaari pankirentsi.&#8217; Iro kantacha naaka nonkantemi pamene pankirentsimashiki, aritake sampainkatake ontzimatye aavatya. 36Inkarate antavaitatsine iraavatero pankirentsi ari impinayeetairi. Okaratzi pankirentsi iraavayeetairi iriiyetakera oshiyakaaventacha inkarate ka&#241;aanetatsineri. Iroora inkimoshiretantaiyaari itzimi pankitakerori intsipataiyaari itzimi aavatairori. 37Tema omaperotatya iroka joshiyakaaventaitakeri, ikantaitzi: &#8216;Tzimatsi aparoni itzimi pankitakerori, tzimatsi pashine intzime aavatairone.&#8217; 38Notyaantakemi naaka piyaate eerokaite paavayetairo kaari pipomerentsiventa pantavaiventero. Tema tzimayetatsi pashine pankiventakarori jantavaiventakero. Eerokayetake anintagaarori irantavaitane irikaite.&#8221;</div><div class="p"> 39Tema osheki Samaria-satzi saikatsiri nampitsiki kempisantavakeriri Jes&#250;s okantakaantziro tsinane okantantapaake: &#8220;Jiyotakenarori maaroni nantayetakeri pairani.&#8221; 40Ikanta Samaria-satziite, jareetaiyapaakani ipankinatapaakari Jes&#250;s isaikimotanakeri inampiki. Ari jimatakero Jes&#250;s, apite kitaite isaikanake, 41osheki pashine kempisantanaintsi ikemajaantakerira iriroriite okaratzi ikantayetziri Jes&#250;s. 42Ari ikantayeetanakero tsinane: &#8220;Kempisantayetaana naaka iro&#241;aaka, tera iro intaani nonkempisantantaiyaari okaratzi pikamantapaakena, a&#241;a naaka kemajaantairi okaratzi ikantayetziri. Niyotaiyeerini eejatzi omaperotatya iriitake ovavisaakoshiretantaatsine jaka kipatsiki, iriitake Cristo.&#8221;</div><div class="s">Jovashinchagairi Jes&#250;s itomi aparoni jevari</div><div class="p"> 43Ikanta omonkarataka apite kitaite isaikapaake Jes&#250;s Samaria-ki, avisanake iriyaatero Galilea-ki. 44Tema iri Jes&#250;s kantajaantaintsi: &#8220;Aparoni kamantantaneri te iri&#241;aapinkathayeeteri inampijanoriki.&#8221; 45Ikanta jareetaa Galilea-ki, osheki jaakameethayeetavairi janta, tema ari ikaratake jiyaataiyake Jerusal&#233;n joimoshirenkiro Anankoryaantsi, ji&#241;aakero maaroni jantayetakeri Jes&#250;s janta.</div><div class="p"> 46Ari jareetaari Jes&#250;s janta Can&#225;-ki saikatsiri Galilea-ki, tsika ipeyakero ji&#241;aa okempivaitanakaro jimireetari. Tzimatsi janta aparoni iriiperori jevari, mantsiyataintsiri itomi janta Capernaum-ki. 47Ikanta irika jevari ikemakotakeri Jes&#250;s ari jareeta Galilea-ki ipo&#241;agaaro Judea-ki, jiyaatashitanakeri iri&#241;eeri. Ipankinatapaakari, iriyaate ipankoki, irovashinchagairi itomi, irootaintsi inkamake. 48Ari ikantanake Jes&#250;s: &#8220;&#191;Opaitama kaari pikempisantantana eerokaite? Pikovajaantziya no&#241;aakemiro kaari pi&#241;aapiintzi pairani, pikovajaantzi notasonkaventantavake.&#8221; 49Iro kantacha jevari ikantanakeri: &#8220;Pinkathar&#237;, thameeta iro&#241;aaka, tekera ikamanakeeta notomi.&#8221; 50Ipo&#241;a ikantzi Jes&#250;s: &#8220;Pimpiye pipankoki. Eshitakotai pitomi.&#8221; Ikempisantanake shirampari okaratzi ikantakeriri Jes&#250;s, piyanaka. 51Ipiyaminthaita ipankoki, jomonthaakari iromperataneete, ikantavairi: &#8220;&#161;Eshitakotai pitomi!&#8221; 52Josampitanakeri irirori tsika joveraa ooryaa jamataakoneentantanaari itomi, ikantaiyini iromperatane: &#8220;Chapinki, itainkanakera ooryaatsiri, ari avisanakeri ikatsirinkavaitzi.&#8221;#4.52 Kantakotachari jaka &#8220;itainkanake ooryaa,&#8221; irootake ikantayeetziri pairani &#8220;hora 7.&#8221; 53Ari ikinkishiretanakero ashitariri aritake joveraakari ooryaatsiri chapinki ikantakeri Jes&#250;s: &#8220;Eshitakotai pitomi.&#8221; Iroora ikempisantantanakari irirori, ari okempitanakari eejatzi maaroni isheninkamirinkaite irirori ikempisantanakeri Jes&#250;s. 54Irootakera apitetaintsiri jo&#241;aakantziro Jes&#250;s itasonkaventantzi jareetaara Galilea-ki ipo&#241;agaaro Judea-ki.</div>
 </div>
 </div>
</div>

Ikanta Fariseo-payeeni ikemaiyake, ikantaitzi: “Tzimake osheki iriyotaane Jesús, joviinkaatake osheki atziriite, janaanakeri Juan.” Jiyotake irirori Jesús okaratzi ikemaiyakerini Fariseo. (Kaarimacheeni Jesús oviinkaatantatsine, aña iriyotaaneete inatzi.) Irootake Jesús ishitovantanakari Judea-ki, ipiyaaro Galilea-ki. Ari eentathakitziri inkenanairo iipatsiteki Samaria-satzi. Irojatzi jareetantakari aparoni nampitsi saikatsiri Samaria-ki opaita Sicar, iro tsipanampitarori iipatsite pairani Jacob-ni ipanairiri itomi, José. Ari osaikiri jiñaa iiyakotane Jacob-ni. Tema jimakokitakera Jesús janiitake, isaikimotapaakero jiñaa, joveraaka ooryaa tampatzika.
Ari opokake aparoni Samaria-sato onkaye jiñaa. Ikantziro Jesús: “Pimpena jiñaa niravake.” Tema jiyaataiyatziini iriyotaane nampitsiki iramanante ovaritentsi. Maaroni Judío-peroriite te jaapatziyari kameethaini Samaria-satziite. Ari akanakeri tsinane okantanakeri: “¿Tsika pinkenakairoka eeroka, Judío pinatzi, ipoña pikampitana naaka Samaria-sato nompemi jiñaa?” Ari jakanakero Jesús, ikantziro: “Arimi piyote opaita ipantziri Pava, ari piyoterimi kampitakemiri jiñaa, eerokara kampitenanemi naaka. Aritake nompakemiro jiñaa añaakaantatsiri.” Okantanake tsinane: “Pinkatharí, tekachaajatake pinkitantyaari jiñaa, inthomoi okantaka omoro, ¿tsikatya payeroka pimpenari jiñaa añaakaantatsiri? Iri acharineete Jacob-ni panairori pairani iroka jiñaa, irootake jimiretajaantakari irirori, irojatzi jimireyetaka itomipayeeni, jimireyetakaro eejatzi ipiraite. ¿Panayirima eeroka?” Jakanakero Jesús, ikantanakero: “Maaroni miretarori iroka jiñaa, eero opeya imiretzi. Iriima itzimi miretakyaarone jiñaa nomperiri naaka, eerora jimirenetai. Tema jiñaatatsiri nopantziri naaka ari oshitovaashiretantaiyaari onkempivaityaaro oshitovaatantatyeeyaarimi jiñaa añaakaantatsiri.” Okantzi tsinane: “Pinkatharí, pimpenaro naaka iroka jiñaatatsiri, eero napiitantaaro nomiretai, eero nopipiyavaitanta jaka nonkaye jiñaa.”
Ari ikantziro Jesús: “Piyaate, pinkaimeri piime, impoña pimpiyake jaka.” Okantzi tsinane: “Tekatsi noime.” Ikantziro Jesús: “Kameetha pikantake, te intzime piime, tema tzimavetaka pairani ikaratzi 5 piime. Iriima itzimi pitsipatari iroñaaka, kaarira piime. Omaperora okaratzi pikantake.” Okemavakera ikantakero, okantanake tsinane: “Pinkatharí, niyotanakemi naaka kamantantaneri pinatzi. Pairani nocharineete Samaria-satziite jiñaapinkathatapiintakeri Pava jaka, otzishikira. Iro kantamaitacha eerokaite Judío-perori pikantaiyini janta Jerusalén-ki, ari añaapinkathatapiintairiri.” Ikantanakero Jesús: “Pinkempisantavake tsinane, irootaintsira piñaapinkathayetairi eerokaite Ashitairi, eero okovajaanta pimpoke jaka otzishiki, eero okovajaanta piyaate eejatzi Jerusalén-ki. Omaperovetatya, te piyotaiyerini eerokaite ipaita piñaapinkathatapiintziri. Irooma naakaite niyotziri itzimi noñaapinkathatziri. Tema irika intzime ovavisaakotantatsine, judío irinatye. Iro kantacha, irootzimataintsi. Iriitake iroñaakara ñaapinkathatajaantziriri Ashitairi itzimi ñaapinkathashiretataitziriri. Tema iriiyetake ikoviri Ashitairi ñaapinkathayetairine. Pava iriijatzi Tasorentsinkantsi, kaari koñaatatsine. Inkarate ñaapinkathayetairine, ontzimatye iñaapinkathashiretairi, te onkovajaantaiya irantayetairo koñaayetatsiri.” Okantzi tsinane: “Niyotzi naaka, ari impokakeri Mesías, ipaiyeetziri Cristo. Aririka irareetakya irirori, ari inkamantapaakairo maaroni tsika okantakota.” Ikantzi Jesús: “Naakatake, itzimi ñaanatajaantakemi.”
Ari jareetaiyapaani iriyotaane. Ipampoyaaminthatapaakeri jiñaapaakeri ikinkithavaitakairo tsinane. Iro kantamaitacha tekatsi osampitapaakerine opaita okoviri tsinane, tsikarika opaita ikinkithavaitakairori. Ari ookanakero tsinane oyovitenaki, jatake nampitsiki, okantapaakeri atziriite: “Pimpokaiyeni piñeeri aparoni shirampari itzimi iyotakenarori maaroni nantayetakeri pairani. ¿Kaarima ikantaka Cristo?” Ikanta ishitovaiyanakeni atziriite nampitsiki, pokaiyanakeni isaikakera Jesús.
Ari ipankiventaiyarini iriyotaane, ikantziri: “¡Rabí, poya!” Ikantzi Jesús: “Tzimatsi opaita novari naaka, te piñeeyeroni eeroka.” Ari josampitavakaayetanaka iriyotaane: “¿Tzimatsima ipaita amakeneriri irovarite?” Iro kantacha Jesús, ikantanake: “Iro nokempitakaantari novarite naaka nantero ikoviri itzimi otyaantakenari, ontzimatye nonthonkero eejatzi antavairentsi ipakenari. Jiroka pikantapiintaiyini eeroka: ‘Kapatapaaka 4 kashiri osampatantyaari pankirentsi.’ Iro kantacha naaka nonkantemi pamene pankirentsimashiki, aritake sampainkatake ontzimatye aavatya. Inkarate antavaitatsine iraavatero pankirentsi ari impinayeetairi. Okaratzi pankirentsi iraavayeetairi iriiyetakera oshiyakaaventacha inkarate kañaanetatsineri. Iroora inkimoshiretantaiyaari itzimi pankitakerori intsipataiyaari itzimi aavatairori. Tema omaperotatya iroka joshiyakaaventaitakeri, ikantaitzi: ‘Tzimatsi aparoni itzimi pankitakerori, tzimatsi pashine intzime aavatairone.’ Notyaantakemi naaka piyaate eerokaite paavayetairo kaari pipomerentsiventa pantavaiventero. Tema tzimayetatsi pashine pankiventakarori jantavaiventakero. Eerokayetake anintagaarori irantavaitane irikaite.”
Tema osheki Samaria-satzi saikatsiri nampitsiki kempisantavakeriri Jesús okantakaantziro tsinane okantantapaake: “Jiyotakenarori maaroni nantayetakeri pairani.” Ikanta Samaria-satziite, jareetaiyapaakani ipankinatapaakari Jesús isaikimotanakeri inampiki. Ari jimatakero Jesús, apite kitaite isaikanake, osheki pashine kempisantanaintsi ikemajaantakerira iriroriite okaratzi ikantayetziri Jesús. Ari ikantayeetanakero tsinane: “Kempisantayetaana naaka iroñaaka, tera iro intaani nonkempisantantaiyaari okaratzi pikamantapaakena, aña naaka kemajaantairi okaratzi ikantayetziri. Niyotaiyeerini eejatzi omaperotatya iriitake ovavisaakoshiretantaatsine jaka kipatsiki, iriitake Cristo.”

Ikanta omonkarataka apite kitaite isaikapaake Jesús Samaria-ki, avisanake iriyaatero Galilea-ki. Tema iri Jesús kantajaantaintsi: “Aparoni kamantantaneri te iriñaapinkathayeeteri inampijanoriki.” Ikanta jareetaa Galilea-ki, osheki jaakameethayeetavairi janta, tema ari ikaratake jiyaataiyake Jerusalén joimoshirenkiro Anankoryaantsi, jiñaakero maaroni jantayetakeri Jesús janta.
Ari jareetaari Jesús janta Caná-ki saikatsiri Galilea-ki, tsika ipeyakero jiñaa okempivaitanakaro jimireetari. Tzimatsi janta aparoni iriiperori jevari, mantsiyataintsiri itomi janta Capernaum-ki. Ikanta irika jevari ikemakotakeri Jesús ari jareeta Galilea-ki ipoñagaaro Judea-ki, jiyaatashitanakeri iriñeeri. Ipankinatapaakari, iriyaate ipankoki, irovashinchagairi itomi, irootaintsi inkamake. Ari ikantanake Jesús: “¿Opaitama kaari pikempisantantana eerokaite? Pikovajaantziya noñaakemiro kaari piñaapiintzi pairani, pikovajaantzi notasonkaventantavake.” Iro kantacha jevari ikantanakeri: “Pinkatharí, thameeta iroñaaka, tekera ikamanakeeta notomi.” Ipoña ikantzi Jesús: “Pimpiye pipankoki. Eshitakotai pitomi.” Ikempisantanake shirampari okaratzi ikantakeriri Jesús, piyanaka. Ipiyaminthaita ipankoki, jomonthaakari iromperataneete, ikantavairi: “¡Eshitakotai pitomi!” Josampitanakeri irirori tsika joveraa ooryaa jamataakoneentantanaari itomi, ikantaiyini iromperatane: “Chapinki, itainkanakera ooryaatsiri, ari avisanakeri ikatsirinkavaitzi.” Ari ikinkishiretanakero ashitariri aritake joveraakari ooryaatsiri chapinki ikantakeri Jesús: “Eshitakotai pitomi.” Iroora ikempisantantanakari irirori, ari okempitanakari eejatzi maaroni isheninkamirinkaite irirori ikempisantanakeri Jesús. Irootakera apitetaintsiri joñaakantziro Jesús itasonkaventantzi jareetaara Galilea-ki ipoñagaaro Judea-ki.

Լսել Juan 4