Izere - 2006 WBT (NT) Drama

<div class="version vid2070 iso6393izr" data-vid="2070" data-iso6393="izr">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s">&#193;tom &#225; ta ne nufe aYohana aner abatisma</div><div class="r">(aLuk 7.18-35)</div><div class="p"> 1Nama aYeso t&#225; gang kutaas alimazhiri wu kuso&#817;k be afa'me ike&#817;re&#817; ba tana nye, iyong a dorok a t&#225; be niben aGalili nong a ta tsang a bo&#817;so&#817;p &#225;nerawe'me ne a ku nye ba awazi kaye&#817;e&#817;r iwo&#817;p ba'me.</div><div class="p"> 2Nizen iyong, aYohana aner abatisma ta se nitso&#817;m, a fok ike&#817;re&#817; iya aKiristi t&#225; nye, iyong a tom &#225;limazhiri wu 3nong &#225; t&#225; su ku rip ye, wu ne a nye aya a t&#225; fe&#817; ye, a ta be&#817; ame ka ba ra tor akak ze&#817;e&#817;r e&#817;?</div><div class="p"> 4aYeso fe&#817; be ba ye, &#8220;Kubun yin ta se tak yin aYohana ame ike&#817;ng iya yin t&#225; di yin ne i foos yin: 5&#225;kpato&#817;o&#817;n se&#817; kudi karo&#817; ne &#225;kun tseng, &#225;kparo&#817;ng te atser ne &#225;gbato fok ato ne ikom dorok be kutser ne a nye afe rizor awazi Rife&#817; Ritek'e. 6Aner riye&#817; rikan ne a nye aner aya a tin be agak riye&#817; natoon mi ba&#42892;.&#8221;</div><div class="p"> 7Nizen &#225;limazhiri aYohana'me t&#250; ku bun, aYeso san i taas rigwo&#817;m &#225;nerawe'me itak natoon aYohana. &#8220;Nizen iya yin t&#225; wuruk yin ni iwe&#817;ng, yin se di yin akye&#817; e&#817;? Yin tseng yin i ta se di yin agam aso&#817;p'ong kuwun ta fe&#817;se&#817;m a? 8Ke anong ba&#42892;, to&#817;, yin tseng i ta se di yin akye&#817; e&#817;? Aner a tan te ares atek a? Wayo, aner kasa rigwo&#817;m ne a tes ares atek. 9To&#817;, iyong yin se di yin akye&#817; e&#817;? Aner kuzarap a? Ei, won ta ka tak yin, a nar aner kuzarap. 10Ayu ne a nye aya a t&#225; zibir itak natoon wu ye,</div><div class="q1">&#8220; &#8216;Di, mi ta tom atom mi nasho&#817;o&#817;n wu</div><div class="q2">aya a tana ka nye iren.&#8217;</div><div class="p"> 11&#8220;Katsak'e ne mi ta ka tak yin, kaye&#817;e&#817;r kazatse a kun tes aner akak a t&#225; nar aYohana aner abatisma yiik ba&#42892;. Gip be anong aya a ta nye ahiir'e kaye&#817;e&#817;r rigwo&#817;m kaza tu nar yiik. 12Kum nizen aYohana aner abatisma ma kyo&#817;o&#817;rna rigwo&#817;m kaza so&#817; risam, &#225;kardak aner'e shim a tin shan. 13Kamok &#225;ner kuzarap cice&#817;r ne Itsi aMusa nye kuzarap ma aYohana t&#225; ra be&#817;. 14Ke yin shim yin ne i ni no&#817;o&#817;k yin katsak rife&#817; na ye, aYohana nye Iliya aya a t&#225; fe&#817; ye a t&#225; be&#817;. 15Won afe a ta be ato kufok a ra fok.</div><div class="p"> 16&#8220;Be akye&#817; ne mi tin maas &#225;nerawe izam iyu e&#817;? A se kyo&#817;ndi inoon a ta sosok naro&#817; rizhik ne &#225; yis &#225;fudang ba ye,</div><div class="q1"> 17&#8220; &#8216;Yir t&#225; bom yin abom riye&#817; rikan</div><div class="q2">ko yin to yin ba&#42892;,</div><div class="q1">yir t&#225; bom yin abom riyo&#817;m</div><div class="q2">ko yin tos yin ba&#42892;.&#8217;</div><div class="p"> 18&#8220;Kamok aYohana sor dar kute naya nanu ne a sor dar ku so&#817; ashi anap amma &#225;nerawe fe&#817; ye a be amaan kabik. 19Igon Anerawe be&#817; a yas ne a so&#817;, yong ba fe&#817; ye a ma ka yas ne a so&#817;, ne a nye rime&#817; be &#225;fe kushashang itso&#817;m iben ne &#225;fe rine&#817;n. Gip be anong mi di kukyem Adakunom be itomong wu.&#8221;</div><div class="s">Iwo&#817;p i ta gaar kushan Rife&#817; aYeso</div><div class="r">(aLuk 10.13-15)</div><div class="p"> 20Ayong aYeso kpaan kuzhe&#817;e&#817;r &#225;fe iwo&#817;p iya wu tu ku nye itomong azhing whe&#817;re&#817;, kamok &#225; t&#225; gaar ku shishing kuse ba. 21&#8220;Awo&#817; be yin &#225;ner aKorasi. Awo&#817; be yin &#225;ner aBatseda, ke a fa fe&#817; ye a nye itomong azhing kuri iya a t&#225; nye nufe yin kaye&#817;e&#817;r iwo&#817;p aTaya be aSidon ke ba shishing kuse ba gbugbang ne &#225; tes agye&#817;e&#817;r ares ne a korok itong nuro&#817;m ba. 22Won ta ka tak yin, katuk igang'e, amok aTaya ne &#225;fe aSidon t&#224; ra ku se be afe yin. 23Be wan kuwo&#817;p aKapanum gip, wan di ye, a ta ka te yiik ma naza a? Wayo, a ta te be wan fe&#817;re&#817; ma naro&#817; &#225;fe a t&#225; kus tu ku se. A fa fe&#817; ye, a nye kuri itomong azhing a t&#225; nye nufe yin kaye&#817;e&#817;r kuwo&#817;p aSodom, ke ku ruresek ma kyo&#817;o&#817;rna. 24Won ta ka tak yin, katuk igang'e, amok &#225;ner aSodom t&#224; ra ku se be &#225;fe yin.&#8221;</div><div class="s">Be yin nunaan cice&#817;r yin nong t&#224; se&#817; yin kufan</div><div class="r">(aLuk 10.21-22)</div><div class="p"> 25Nizen iyong aYeso fe&#817; ye, &#8220;Mi be riye&#817; rikan Ada, Agwo&#817;m &#193;gwo&#817;m atek kaza be kaben, kamok wan ta ne&#817;r &#225;ya a ta be ritseng ne &#225;ya a ta ren ike&#817;ng, ike&#817;re&#817; na ne i tonong &#225;ya a ta be kumees rice. 26Ei, Ada, kamok iyu ne i nye kushim riye&#817; wan.</div><div class="p"> 27&#8220;Ada mi, min won ike&#817;re&#817; na cei. Ko akak ren Igon'e ba&#42892;, ma Ada'me tsek. Akak ren Ada'me ba&#42892;, ma Igon'e tsek be aya Igon'e ta kasa nong a tu ku tonong ba.</div><div class="p"> 28&#8220;Be&#817; yin nunaan, cice&#817;r yin &#225;ya i tan ro&#817;ro&#817;ng yin be acer yin, mi t&#224; ka no&#817;o&#817;k yin kufan. 29Kuus yin ike&#817;ng iya mi ta fe&#817;, i bo&#817;so&#817;p yin nunaan, kamok mi se whiwhe&#817; ne i be kabik kumees rice, yin ta se&#817; yin kameneng riye&#817;. 30Kamok risam mi gop ba&#42892;, ne acer'i gaar ba&#42892;.&#8221;</div>
 </div>
 </div>
</div>

Nama aYeso tá gang kutaas alimazhiri wu kuso̱k be afa'me ike̱re̱ ba tana nye, iyong a dorok a tá be niben aGalili nong a ta tsang a bo̱so̱p ánerawe'me ne a ku nye ba awazi kaye̱e̱r iwo̱p ba'me.
Nizen iyong, aYohana aner abatisma ta se nitso̱m, a fok ike̱re̱ iya aKiristi tá nye, iyong a tom álimazhiri wu nong á tá su ku rip ye, wu ne a nye aya a tá fe̱ ye, a ta be̱ ame ka ba ra tor akak ze̱e̱r e̱?
aYeso fe̱ be ba ye, “Kubun yin ta se tak yin aYohana ame ike̱ng iya yin tá di yin ne i foos yin: ákpato̱o̱n se̱ kudi karo̱ ne ákun tseng, ákparo̱ng te atser ne ágbato fok ato ne ikom dorok be kutser ne a nye afe rizor awazi Rife̱ Ritek'e. Aner riye̱ rikan ne a nye aner aya a tin be agak riye̱ natoon mi baꞌ.”
Nizen álimazhiri aYohana'me tú ku bun, aYeso san i taas rigwo̱m ánerawe'me itak natoon aYohana. “Nizen iya yin tá wuruk yin ni iwe̱ng, yin se di yin akye̱ e̱? Yin tseng yin i ta se di yin agam aso̱p'ong kuwun ta fe̱se̱m a? Ke anong baꞌ, to̱, yin tseng i ta se di yin akye̱ e̱? Aner a tan te ares atek a? Wayo, aner kasa rigwo̱m ne a tes ares atek. To̱, iyong yin se di yin akye̱ e̱? Aner kuzarap a? Ei, won ta ka tak yin, a nar aner kuzarap. Ayu ne a nye aya a tá zibir itak natoon wu ye,
“ ‘Di, mi ta tom atom mi nasho̱o̱n wu
aya a tana ka nye iren.’
“Katsak'e ne mi ta ka tak yin, kaye̱e̱r kazatse a kun tes aner akak a tá nar aYohana aner abatisma yiik baꞌ. Gip be anong aya a ta nye ahiir'e kaye̱e̱r rigwo̱m kaza tu nar yiik. Kum nizen aYohana aner abatisma ma kyo̱o̱rna rigwo̱m kaza so̱ risam, ákardak aner'e shim a tin shan. Kamok áner kuzarap cice̱r ne Itsi aMusa nye kuzarap ma aYohana tá ra be̱. Ke yin shim yin ne i ni no̱o̱k yin katsak rife̱ na ye, aYohana nye Iliya aya a tá fe̱ ye a tá be̱. Won afe a ta be ato kufok a ra fok.
“Be akye̱ ne mi tin maas ánerawe izam iyu e̱? A se kyo̱ndi inoon a ta sosok naro̱ rizhik ne á yis áfudang ba ye,
“ ‘Yir tá bom yin abom riye̱ rikan
ko yin to yin baꞌ,
yir tá bom yin abom riyo̱m
ko yin tos yin baꞌ.’
“Kamok aYohana sor dar kute naya nanu ne a sor dar ku so̱ ashi anap amma ánerawe fe̱ ye a be amaan kabik. Igon Anerawe be̱ a yas ne a so̱, yong ba fe̱ ye a ma ka yas ne a so̱, ne a nye rime̱ be áfe kushashang itso̱m iben ne áfe rine̱n. Gip be anong mi di kukyem Adakunom be itomong wu.”


Ayong aYeso kpaan kuzhe̱e̱r áfe iwo̱p iya wu tu ku nye itomong azhing whe̱re̱, kamok á tá gaar ku shishing kuse ba. “Awo̱ be yin áner aKorasi. Awo̱ be yin áner aBatseda, ke a fa fe̱ ye a nye itomong azhing kuri iya a tá nye nufe yin kaye̱e̱r iwo̱p aTaya be aSidon ke ba shishing kuse ba gbugbang ne á tes agye̱e̱r ares ne a korok itong nuro̱m ba. Won ta ka tak yin, katuk igang'e, amok aTaya ne áfe aSidon tà ra ku se be afe yin. Be wan kuwo̱p aKapanum gip, wan di ye, a ta ka te yiik ma naza a? Wayo, a ta te be wan fe̱re̱ ma naro̱ áfe a tá kus tu ku se. A fa fe̱ ye, a nye kuri itomong azhing a tá nye nufe yin kaye̱e̱r kuwo̱p aSodom, ke ku ruresek ma kyo̱o̱rna. Won ta ka tak yin, katuk igang'e, amok áner aSodom tà ra ku se be áfe yin.”


Nizen iyong aYeso fe̱ ye, “Mi be riye̱ rikan Ada, Agwo̱m Ágwo̱m atek kaza be kaben, kamok wan ta ne̱r áya a ta be ritseng ne áya a ta ren ike̱ng, ike̱re̱ na ne i tonong áya a ta be kumees rice. Ei, Ada, kamok iyu ne i nye kushim riye̱ wan.
“Ada mi, min won ike̱re̱ na cei. Ko akak ren Igon'e baꞌ, ma Ada'me tsek. Akak ren Ada'me baꞌ, ma Igon'e tsek be aya Igon'e ta kasa nong a tu ku tonong ba.
“Be̱ yin nunaan, cice̱r yin áya i tan ro̱ro̱ng yin be acer yin, mi tà ka no̱o̱k yin kufan. Kuus yin ike̱ng iya mi ta fe̱, i bo̱so̱p yin nunaan, kamok mi se whiwhe̱ ne i be kabik kumees rice, yin ta se̱ yin kameneng riye̱. Kamok risam mi gop baꞌ, ne acer'i gaar baꞌ.”

Լսել aMatiyu 11