Maskelynes - 2013 Edition (Non-Drama NT)

<div class="version vid1247 iso6393klv" data-vid="1247" data-iso6393="klv">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">AYesu igol avan sua imaur len n&#477;wai a Petsata</div><div class="p"> 1Husur n&#477;bo&#331; enan, aYesu evi m&#477;hat vi Jerusalem van h&#477;n n&#477;hanan sua seJu gail. 2Ale len naut a Jerusalem, p&#477;pada&#331; h&#477;n nametl&#477;kau lotokisi h&#477;n Nametl&#477;kau Nasipsip, ikad nab&#771;iltib&#771;urhuwai lilos tokad nav&#477;rada torim todar visi, nah&#477;san Petsata#5.2 Natosian galevis ta sutuai len nasoruan ta Kris luke Betesta. len nasoruan seIpru gail. 3-4N&#477;vanuan isob&#771;ur lotom&#477;sah lupat pipiv&#477;rada galenan, ametb&#771;esw gail, galevis narielit togau mai galevis nahudhubelit tomat.#5.3-4 Natosian galevis ta sutuai losuhud h&#477;n nategai: Lupat vir n&#477;wai b&#771;i&#331;alu&#331;alw, 4 husur a&#331;el siNasub&#771; eg&#477;m len n&#477;bo&#331; galevis, ebul h&#477;n n&#477;wai, ale n&#477;vanuan tovi lan n&#477;wai met&#477;kav, dereh timaur. 5Ikad esua topat ei tom&#477;sah len nasihau tovi 38 tia. 6AYesu eris atenan topat ei, el&#477;boii ke tom&#477;sah tob&#477;lav tia, ale eusi ke, &#8220;Gol&#477;&#331;on ke gimaur a?&#8221; 7Aten tom&#477;sah isor vari ke, &#8220;Nasub&#771;, n&#477;s&#477;kad avan ideh tovi tarh&#477;t sagw h&#477;n n&#477;b&#771;evi lan n&#477;wai n&#477;bo&#331; to&#331;alu&#331;alw. N&#477;bo&#331; notohisi h&#477;n n&#477;b&#771;evi pan lan, avan tile am akis ibar n&#477;wai a m&#771;o, beti ginau.&#8221; 8AYesu ikel mai ke, &#8220;Gile m&#477;hat, gebul h&#477;n n&#477;bateh sam&#771;, pati, ale yar van.&#8221; 9V&#477;ha-sua &#331;ai aten imaur. Ipat n&#477;bateh san ale iyaryar van, avil n&#477;bo&#331; enan evi n&#477;Sappat. 10Imaienan, alat lotoil a m&#771;o h&#477;n naJu gail lusor lan aten tomaur. Luke, &#8220;Dam&#477;&#331; n&#477;Sappat bogai! N&#477;bo&#331; gotopat n&#477;mel sam&#771;, gob&#771;ur kotov nalo tokai tas nauman!&#8221;#Neh 13.19; Jer 17.21 11Isor var galit ke, &#8220;Avan togol notomaur ikel mai ginau ke, &#8216;Pat n&#477;mel sam&#771;, yar van.&#8217;&#8221; 12Lousi ke, &#8220;Ase ikel mai gaiug h&#477;n g&#477;b&#771;igol maien h&#477;ni?&#8221; 13Avil aten tomaur sal&#477;boii, husur aYesu ivan v&#477;masig len naluv&#771;oh len naut enan.</div><div class="p"> 14Len namityal tovan, aYesu isab&#771; atenan len nahol&#477;vat todar vis naim siGot ale ikel maii ke, &#8220;Geris, gagai gumaur, be sagigol n&#477;saan am h&#477;n asike natideh tosa s&#477;hor ta m&#771;o b&#771;evisi h&#477;n gaiug.&#8221; 15Beti naulum&#771;an ia kel mai alat lotoil a m&#771;o h&#477;n naJu gail ke aYesu boh togole tomaur. 16Imaienan lotub&#771;at m&#477;das bun aYesu sil togol natgalenan len n&#477;Sappat. 17Be aYesu isor var galit ke, &#8220;AT&#477;magw eumum van v&#477;bar gagai, ale ginau tu noum van.&#8221; 18Imaienan, alat lotoil a m&#771;o h&#477;n naJu gail ludas p&#771;isal am h&#477;n l&#477;b&#771;igole b&#771;imat. Savi husur tob&#771;ur kotov n&#477;-kai-tasi-an h&#477;n n&#477;Sappat &#331;ai, be husur tokel ke aGot tovi aT&#477;man san, imaienan, ike gai gabag top&#771;itp&#771;itov&#771; mai aGot.</div><div class="s">AYesu ikel v&#477;hoti ke tovi aNatun aGot</div><div class="p"> 19&#330;a aYesu isor var galit ke, &#8220;Kitin, nokitin mai gamit ke, aNatun aGot ed&#477;das b&#771;igol natideh s&#477;b&#771;on, el&#477;boi b&#771;igol &#331;a n&#477;sa toris aT&#477;man togole. Husur n&#477;sa aT&#477;man togole, aNatun am igole. 20Husur aT&#477;man el&#477;mas bun aNatun ale ev&#771;usani h&#477;n natit p&#771;isi gai togole, ale dereh tev&#771;usani h&#477;n natit gail lotos&#477;hor natgalenan h&#477;n m&#477;tb&#771;ima&#331;ma&#331; lan. 21Hum ke aT&#477;man togol n&#477;vanuan lotomat lule m&#477;hat, tolav n&#477;mauran mai galito, aNatun am ilav n&#477;mauran mai avan ideh gai tol&#477;&#331;on b&#771;ilavi maii. 22Husur aTata s&#477;sab&#771; s&#477;hoti ke avan ideh b&#771;ipanis, aoa eri&#331;i len aNatun h&#477;n b&#771;isab&#771; s&#477;hoti ke n&#477;vanuan gail l&#477;b&#771;ipanis, 23h&#477;n n&#477;vanuan p&#771;isi l&#477;b&#771;eputsan aNatun len n&#477;nauan salito hum lotoputsan aTata a m&#477;hat. Asike g&#477;b&#771;eputsan aNatun len n&#477;nauan sam&#771;, g&#477;saputsan aTata tos&#477;vati len n&#477;nauan sam&#771;.</div><div class="p"> 24&#8220;Kitin, nokitin mai gamito, avan ideh tos&#477;s&#477;lo&#331; h&#477;n nasoruan sagw, tokad nad&#477;lomian len aGot tos&#477;vat ginau, gai ikad n&#477;mauran vi sutuai, asike eb&#771;is len n&#477;panismen, be imakuv tia dan n&#477;matan vi lan n&#477;mauran. 25Kitin nokitin mai gamito, len n&#477;bo&#331; b&#771;eg&#477;mai, hun n&#477;bo&#331; tog&#477;m tia, dereh alat lotomat les&#477;s&#477;lo&#331; h&#477;n nadoldol siNatun aGot, ale alat lotos&#477;s&#477;lo&#331; h&#477;ni, dereh likad n&#477;mauran. 26Husur aTata tovi n&#477;kadun n&#477;mauran, gai eri&#331;i len aNatun am h&#477;n b&#771;evi n&#477;kadun n&#477;mauran. 27Ale eri&#331; n&#477;da&#331;an len nav&#477;lan h&#477;n b&#771;ikot h&#477;n n&#477;vanuan gail, husur evi aNatun N&#477;vanuan. 28Samtip&#771;a&#331; len natgalenan, husur ikad n&#477;bo&#331; tog&#477;mai h&#477;n alat lotomat len nab&#771;ur n&#477;matan salito l&#477;b&#771;es&#477;s&#477;lo&#331; h&#477;n nadolon aNatun aGot, 29ale dereh lile m&#477;hat dan nab&#771;ur n&#477;matan. Alat lotogol tovoi, dereh lile m&#477;hat h&#477;n l&#477;b&#771;imaur t&#477;tas. Avil alat lotogol tosa, dereh lile m&#477;hat h&#477;n l&#477;b&#771;es&#477;s&#477;lo&#331; l&#477;boi n&#477;panismen salito.#Dan 12.2</div><div class="p"> 30&#8220;Ginau nod&#477;das n&#477;b&#771;igol natideh len ginau s&#477;b&#771;ogw. Nop&#477;pehun navoian dan n&#477;saan hum aTata tokele. Ale nap&#477;pehwan sagw inor husur n&#477;sagole husur nal&#477;&#331;onian sagw, be nugole husur nal&#477;&#331;onian sitenan tos&#477;vat ginau.&#8221;</div><div class="s">Na-kel-koti-an husur aYesu</div><div class="p"> 31AYesu isor am mai naJu gail ke, &#8220;Ginau s&#477;b&#771;ogw &#331;ai n&#477;tasor l&#477;boi ginau, nasoruan sagw asike takitin. 32Avil ikad atesual am tosor vi tarh&#477;t sagw, ale nol&#477;boii ke na-sor-l&#477;boii-an san husur ginau ekitin. 33M&#477;tos&#477;vat galevis tia van h&#477;n aJon, ale gai ikel ur nakitinan.#Jon 1.19-27, 3.22-30 34Be n&#477;sari&#331; gat n&#477;logw len na-sor-vi-tarh&#477;te-an n&#477;vanuan tokele, ao, nusor husuri &#331;ai h&#477;n m&#477;tb&#771;imakuv dan n&#477;saan samito. 35AJon ehum nam&#771;ial topa&#331;, tom&#771;ial. Ale gamit m&#477;tulekis h&#477;n m&#477;tb&#771;itoh k&#477;kereh len nam&#771;ial san, h&#477;n m&#477;tb&#771;eh&#477;hav&#771;ur. 36AJon ikel kot ginau, avil ikad na-kel-koti-an tos&#477;hor esan. Husur natit gail aTata tolav mai ginau h&#477;n n&#477;b&#771;igol p&#771;is gail, natgalenan notogole, lov&#771;usan nakitinan husur ginau, ke aTata tos&#477;vat ginau. 37Ale aTata tos&#477;vat ginau, gai isor l&#477;boi ginau. Gamit m&#477;tsas&#477;s&#477;lo&#331; h&#477;n nadolon, m&#477;tsak&#477;ta l&#477;boi gai tomabe. 38Ale nasoruan san s&#477;pat savoi len n&#477;lomito husur m&#477;tsad&#477;lom ginau, ginau boh, aTata tos&#477;vat ginau g&#477;mai. 39M&#477;tudo&#331;do&#331; n&#477;mauran vi sutuai len natosian siGot bathut m&#477;tunau ke n&#477;mauran vi sutuai topat lan. Be natosian galenan lukel nakitinan husur ginau! 40Wake m&#477;tsal&#477;&#331;on m&#477;tb&#771;eg&#477;m h&#477;n ginau h&#477;n m&#477;tb&#771;ikad n&#477;mauran enan.</div><div class="p"> 41&#8220;N&#477;bo&#331; m&#477;ttosal suh ginau, n&#477;-sal-suhi-an samito savi natideh len ginau 42husur nol&#477;boi m&#477;tsal&#477;mas bun aGot len n&#477;lomito. 43Ginau nog&#477;m len nah&#477;san aT&#477;magw ale m&#477;tom&#477;tahun ginau, m&#477;tsah&#477;hav&#771;ur h&#477;n ginau. Be naut k&#477;mas avan ideh am b&#771;eg&#477;m len nah&#477;san gabag &#331;ai, dereh mitidam&#771; h&#477;ni, m&#477;teh&#477;hav&#771;ur h&#477;ni. 44Imabe m&#477;tod&#477;das m&#477;tb&#771;ed&#477;lom ginau? M&#477;tuke mitisal suh gamit gabag be m&#477;tom&#477;tahun n&#477;-sal-suhi-an tog&#477;m len gai tovi aGot s&#477;b&#771;on &#331;ai. 45Samtinau ke evi ginau n&#477;b&#771;ikel kot n&#477;saban samito van h&#477;n aT&#477;magw len nakotan san. Ao, ikad atesua b&#771;igole, gai n&#477;lomit toda&#331; lan, aMoses boh! Dereh gai tikel kot n&#477;saban samito.#5.45 N&#477;bo&#331; tosor husur aMoses, isor husur nalob&#771;ulat torim aMoses totosi lotovi nalob&#771;ulat met&#477;kav torim len nasoruan siGot. 46Avil m&#477;ttad&#477;lom aMoses tia, m&#477;ttad&#477;lom ginau tia bathut gai m&#771;au itos husur ginau. 47Be asike m&#477;tb&#771;ed&#477;lom n&#477;sa gai totosi husur ginau, mitimabe h&#477;n m&#477;tb&#771;ed&#477;lom n&#477;sa notokele?&#8221;</div>
 </div>
 </div>
</div>

Husur nǝboŋ enan, aYesu evi mǝhat vi Jerusalem van hǝn nǝhanan sua seJu gail. Ale len naut a Jerusalem, pǝpadaŋ hǝn nametlǝkau lotokisi hǝn Nametlǝkau Nasipsip, ikad nab̃iltib̃urhuwai lilos tokad navǝrada torim todar visi, nahǝsan Petsata len nasoruan seIpru gail. Nǝvanuan isob̃ur lotomǝsah lupat pipivǝrada galenan, ametb̃esw gail, galevis narielit togau mai galevis nahudhubelit tomat. Ikad esua topat ei tomǝsah len nasihau tovi 38 tia. AYesu eris atenan topat ei, elǝboii ke tomǝsah tobǝlav tia, ale eusi ke, “Golǝŋon ke gimaur a?” Aten tomǝsah isor vari ke, “Nasub̃, nǝsǝkad avan ideh tovi tarhǝt sagw hǝn nǝb̃evi lan nǝwai nǝboŋ toŋaluŋalw. Nǝboŋ notohisi hǝn nǝb̃evi pan lan, avan tile am akis ibar nǝwai a m̃o, beti ginau.” AYesu ikel mai ke, “Gile mǝhat, gebul hǝn nǝbateh sam̃, pati, ale yar van.” Vǝha-sua ŋai aten imaur. Ipat nǝbateh san ale iyaryar van, avil nǝboŋ enan evi nǝSappat. Imaienan, alat lotoil a m̃o hǝn naJu gail lusor lan aten tomaur. Luke, “Damǝŋ nǝSappat bogai! Nǝboŋ gotopat nǝmel sam̃, gob̃ur kotov nalo tokai tas nauman!” Isor var galit ke, “Avan togol notomaur ikel mai ginau ke, ‘Pat nǝmel sam̃, yar van.’” Lousi ke, “Ase ikel mai gaiug hǝn gǝb̃igol maien hǝni?” Avil aten tomaur salǝboii, husur aYesu ivan vǝmasig len naluṽoh len naut enan.
Len namityal tovan, aYesu isab̃ atenan len naholǝvat todar vis naim siGot ale ikel maii ke, “Geris, gagai gumaur, be sagigol nǝsaan am hǝn asike natideh tosa sǝhor ta m̃o b̃evisi hǝn gaiug.” Beti naulum̃an ia kel mai alat lotoil a m̃o hǝn naJu gail ke aYesu boh togole tomaur. Imaienan lotub̃at mǝdas bun aYesu sil togol natgalenan len nǝSappat. Be aYesu isor var galit ke, “ATǝmagw eumum van vǝbar gagai, ale ginau tu noum van.” Imaienan, alat lotoil a m̃o hǝn naJu gail ludas p̃isal am hǝn lǝb̃igole b̃imat. Savi husur tob̃ur kotov nǝ-kai-tasi-an hǝn nǝSappat ŋai, be husur tokel ke aGot tovi aTǝman san, imaienan, ike gai gabag top̃itp̃itoṽ mai aGot.

Ŋa aYesu isor var galit ke, “Kitin, nokitin mai gamit ke, aNatun aGot edǝdas b̃igol natideh sǝb̃on, elǝboi b̃igol ŋa nǝsa toris aTǝman togole. Husur nǝsa aTǝman togole, aNatun am igole. Husur aTǝman elǝmas bun aNatun ale eṽusani hǝn natit p̃isi gai togole, ale dereh teṽusani hǝn natit gail lotosǝhor natgalenan hǝn mǝtb̃imaŋmaŋ lan. Hum ke aTǝman togol nǝvanuan lotomat lule mǝhat, tolav nǝmauran mai galito, aNatun am ilav nǝmauran mai avan ideh gai tolǝŋon b̃ilavi maii. Husur aTata sǝsab̃ sǝhoti ke avan ideh b̃ipanis, aoa eriŋi len aNatun hǝn b̃isab̃ sǝhoti ke nǝvanuan gail lǝb̃ipanis, hǝn nǝvanuan p̃isi lǝb̃eputsan aNatun len nǝnauan salito hum lotoputsan aTata a mǝhat. Asike gǝb̃eputsan aNatun len nǝnauan sam̃, gǝsaputsan aTata tosǝvati len nǝnauan sam̃.
“Kitin, nokitin mai gamito, avan ideh tosǝsǝloŋ hǝn nasoruan sagw, tokad nadǝlomian len aGot tosǝvat ginau, gai ikad nǝmauran vi sutuai, asike eb̃is len nǝpanismen, be imakuv tia dan nǝmatan vi lan nǝmauran. Kitin nokitin mai gamito, len nǝboŋ b̃egǝmai, hun nǝboŋ togǝm tia, dereh alat lotomat lesǝsǝloŋ hǝn nadoldol siNatun aGot, ale alat lotosǝsǝloŋ hǝni, dereh likad nǝmauran. Husur aTata tovi nǝkadun nǝmauran, gai eriŋi len aNatun am hǝn b̃evi nǝkadun nǝmauran. Ale eriŋ nǝdaŋan len navǝlan hǝn b̃ikot hǝn nǝvanuan gail, husur evi aNatun Nǝvanuan. Samtip̃aŋ len natgalenan, husur ikad nǝboŋ togǝmai hǝn alat lotomat len nab̃ur nǝmatan salito lǝb̃esǝsǝloŋ hǝn nadolon aNatun aGot, ale dereh lile mǝhat dan nab̃ur nǝmatan. Alat lotogol tovoi, dereh lile mǝhat hǝn lǝb̃imaur tǝtas. Avil alat lotogol tosa, dereh lile mǝhat hǝn lǝb̃esǝsǝloŋ lǝboi nǝpanismen salito.
“Ginau nodǝdas nǝb̃igol natideh len ginau sǝb̃ogw. Nopǝpehun navoian dan nǝsaan hum aTata tokele. Ale napǝpehwan sagw inor husur nǝsagole husur nalǝŋonian sagw, be nugole husur nalǝŋonian sitenan tosǝvat ginau.”

AYesu isor am mai naJu gail ke, “Ginau sǝb̃ogw ŋai nǝtasor lǝboi ginau, nasoruan sagw asike takitin. Avil ikad atesual am tosor vi tarhǝt sagw, ale nolǝboii ke na-sor-lǝboii-an san husur ginau ekitin. Mǝtosǝvat galevis tia van hǝn aJon, ale gai ikel ur nakitinan. Be nǝsariŋ gat nǝlogw len na-sor-vi-tarhǝte-an nǝvanuan tokele, ao, nusor husuri ŋai hǝn mǝtb̃imakuv dan nǝsaan samito. AJon ehum nam̃ial topaŋ, tom̃ial. Ale gamit mǝtulekis hǝn mǝtb̃itoh kǝkereh len nam̃ial san, hǝn mǝtb̃ehǝhaṽur. AJon ikel kot ginau, avil ikad na-kel-koti-an tosǝhor esan. Husur natit gail aTata tolav mai ginau hǝn nǝb̃igol p̃is gail, natgalenan notogole, loṽusan nakitinan husur ginau, ke aTata tosǝvat ginau. Ale aTata tosǝvat ginau, gai isor lǝboi ginau. Gamit mǝtsasǝsǝloŋ hǝn nadolon, mǝtsakǝta lǝboi gai tomabe. Ale nasoruan san sǝpat savoi len nǝlomito husur mǝtsadǝlom ginau, ginau boh, aTata tosǝvat ginau gǝmai. Mǝtudoŋdoŋ nǝmauran vi sutuai len natosian siGot bathut mǝtunau ke nǝmauran vi sutuai topat lan. Be natosian galenan lukel nakitinan husur ginau! Wake mǝtsalǝŋon mǝtb̃egǝm hǝn ginau hǝn mǝtb̃ikad nǝmauran enan.
“Nǝboŋ mǝttosal suh ginau, nǝ-sal-suhi-an samito savi natideh len ginau husur nolǝboi mǝtsalǝmas bun aGot len nǝlomito. Ginau nogǝm len nahǝsan aTǝmagw ale mǝtomǝtahun ginau, mǝtsahǝhaṽur hǝn ginau. Be naut kǝmas avan ideh am b̃egǝm len nahǝsan gabag ŋai, dereh mitidam̃ hǝni, mǝtehǝhaṽur hǝni. Imabe mǝtodǝdas mǝtb̃edǝlom ginau? Mǝtuke mitisal suh gamit gabag be mǝtomǝtahun nǝ-sal-suhi-an togǝm len gai tovi aGot sǝb̃on ŋai. Samtinau ke evi ginau nǝb̃ikel kot nǝsaban samito van hǝn aTǝmagw len nakotan san. Ao, ikad atesua b̃igole, gai nǝlomit todaŋ lan, aMoses boh! Dereh gai tikel kot nǝsaban samito. Avil mǝttadǝlom aMoses tia, mǝttadǝlom ginau tia bathut gai m̃au itos husur ginau. Be asike mǝtb̃edǝlom nǝsa gai totosi husur ginau, mitimabe hǝn mǝtb̃edǝlom nǝsa notokele?”

Լսել Jon 5