Matayo 1

Mazhalane aka Jeso

1Ngaaza Malembe a mazhalane aka Jeso Kilisito wa luhubo lwaka Devidi lwakahwa kwa shaakale Abulahamu: 2Abulahamu nguwakazhala Aizeki, aze Aizeki nguwakazhala Jakobo, Jakobo nguwakazhala Juda u banina, 3Juda nguwakazhala ba Pelezi u Zela nokwabo katewa ati Tama, Pelezi nguwakazhala Heziloni, Heziloni, wakazhala Alamu, 4Alamu wakazhala Aminadabu, Aminadabu wakazhala Nashoni, Nashoni wakazhala Salumoni, 5Salumoni wakazhala Bowazi kwa Lahabu, aze Bowazi wakazhala Obedi kwa Lute, Obedi nguwakazhala Jesi, 6#2 Bami 24:14, 15; 2 Maka 36:10; Jele 27:20aze Jesi wakazhala mwami Devidi. Devidi wakazhala Solomoni ku mukaintu waakuli muka Uliya, 7Solomoni wakazhala Lehoboamu, Lehoboamu wakazhala Abija, Abija wakazhala Asa, 8Asa wakazhala Jehoshafati, Jehoshafati wakazhala Jolamu, Jolamu wakazhala Uziya, 9Uziya wakazhala Josamu, Josamu wakazhala Ahazi, Ahazi wakazhala Hezekiya, 10Hezekiya wakazhala Manase, Manase wakazhala Amosi, Amosi wakazhala Josiya. 11Josiya wakazhala Jekoniya u banina ku ciindi cabuzhice mu Babiloni. 12Nibwakamana buzhice mu Babiloni Jekoniya wakazhala Shilutiyeli, Shilutiyeli wakazhala Zelubabeli, 13Zelubabeli wakazhala Abiyudi, Abiyudi wakazhala Eliyakimu, Eliyakimu wakazhala Azo, 14Azo wakazhala Zadoki, Zadoki wakazhala Akimu, Akimu wakazhala Eliudi, 15Eliudi wakazhala Eliyeza, Eliyeza wakazhala Matani, Matani wakazhala Jakobo, 16Jakobo wakazhala Jozefu mulumi Maliya wezo wakazhala Jeso uutewa ati Kilisito. 17Nkukwaamba ati kaali mazhalane ali ikumi u mazhalane one antoomwi kuhwa kwa Abulahamu kushika kwa Devidi, Ulimwi kuhwa kwa Devidi kushika ku buzhice bwamu Babiloni kaali ikumi umazhalane one, ulimwi kakuli mazhalane ali ikumi umazhalane one kuhwa ku buzhice mu Babiloni kushika kukuzhalwa kwa Kilisito.

Kuzhalwa kwa Jeso

(Luka 2:1-7)

18 # Lk 1:27 Mbubolya mbwaakazhalwa Jeso Kilisito#1:18 Kilisito:calo caamba ati munanike waka Leza. Maliya baina Jeso kaseselwe kwaamba atwalwe kwa Jozefu, pele kabatana ukala antoomwi wakayanwa ulimishi kwiita mu Moza Usalala. 19Ukaambo kakuti Jozefu mulumi kali muntu ululeme, wiina kuzanda kumusampula kaanzambwene, wakayana muzeezo wakumuleka kumabali buumwine.

20Inzho naakaakucitelaika muzeezo wezu, ngoonaawo anjelo wa Leza wakeza kwakwe muciloto u kumwaambila ati, “Jozefu u mwanakwe Devidi, utatiyi kumutwala Maliya mwinako nkaambo ceco ncaamishi nca Moza Usalala. 21#Lk 1:31Ulakazhala mwana mweembezhi ngukaaulika izhina lya Jeso,#1:21 Jeso:calo caamba ati Mwami ulahuna nkaambo ulakanununa bantu kuhwa ku shibi shabo.”

22Sheshi shoonse shakacitika kuzuzucizha ngaakaamba Mwami kwiita mu mushinshimi Aizaya aakuti, 23#Aiz 7:14“Nakalindu ulakemita, ulakazhala mwana mweembezhi ngubakaaulika ati ‘Imanuwelo’ calo caamba ati, ‘Leza uli aswe’”.

24Naakabuka Jozefu wakacita ceco anjelo wa Leza ncaakalailila u kumukokola Maliya. 25#Lk 2:21Pele bayina nibakaswaangana kushikila naakamuzhala mweembezhi amane wamuulika izhina ati ngu Jeso.

Jelenleg kiválasztva:

Matayo 1: ILL

Kiemelés

Megosztás

Másolás