Mateus 1
1
ONTOPORUA 1.
1Embo rjezimo rja Jesus Kristus, Omumua David, ngu omumua Abraham.
2Abraham okua vara Isaak, Isaak ta vara Jakob, nde Jakob ta vara Judas naamuahina.
3Judas ta vara Fares na Zara omu Tamar, nde Fares ta vara Esron, nde Esron ta vara Aram.
4Aram ta vara Aminadab, Aminadab ta vara Nason, nde Nason ta vara Salmon.
5Salmon ta vara Booz omu Rahab, Booz ta vara Obed omu Rut, Obed ta vara Jesse, nde Jesse ta vara David omukuaniirua.
6David omukuaniirua ta vara Salmon omomukiintu gua Urias.
7Salmon ta vara Roboam, Roboam ta vara Abias, nde Abias ta vara Asa.
8Asa ta vara Josafat, Josafat ta vara Joram, nde Joram ta vara Ozias.
9Ozias ta vara Johatam, Johatam ta vara Akaz, nde Akaz ta vara Ezekias.
10Ezekias ta vara Manases, Manases ta vara Amon, nde Amon ta vara Josias.
11Josias ta vara Jekonias naamuahina perara rjetembukiro ku Babilon.
12Konima hetembukiro ku Babilon Jekonias ta vara Salatiel, nde Salatiel ta vara Zorobabel.
13Zorobabel ta vara Abiud, Abiud ta vara Eliakim, nde Eliakim ta vara Azor.
14Azor ta vara Sadok, Sadok ta vara Akim, nde Akim ta vara Eliud.
15Eliud ta vara Eleazar, Eleazar ta vara Matan, nde Matan ta vara Jakob.
16Jakob ta vara Josef, ngu omurumentu gua Maria, ngu a vara Jesus, ti icanua Kristus.
17Ano omazimo ageshe okuza ku Abraham sigo David ogo omazimo omurongo na gane; okuza ku David sigo etembukiro ku Babilon omurongo na gane; okuza ketembukiro sigo Kristus omurongo na gane.
Okuvarua kua Jesus
18Okuvarua kua Jesus okue epururua ngii: Hina he Maria, sho a ri a henderua ku Josef, okua dimbururua, manka inaa ha puamue, nokutja ohe omusimba nare kOmbepo Ondjapuki.#1:18 Ezimo ndika arishe orja fa omango, tahi manga etestamente epe nekuru. David okua shunganekerua uukuaniirua uarushe. (2 Sam 7), nde Abraham a rombuerua: Mu ngueje aantu ajeshe otaa ka jambekua.
19Ndere Josef, omurumentu gue, morua shi a ri h’u uuka, h’ina ara a popirue neji, ota diradira e mu rareke mofuci.
20Nde manka ta diradira ngii, tara, omujengeli gua Muene okue mu orokere mondjodi, ta ti: Josef, omumua David, ino tira okueta Maria, omukiintu guohe ku ngueje, oshoka shi tsha tshitirua mu he, otsha za kOmbepo Ondjapuki.
21He ota ka vara okamati, nde nguee to mu ruku edina Jesus, oshoka ota ka kurira orudi rue keendjo daruo.
22Ajishe mbi oja ningua, opo tshi guanicue po, shi tsha popiua ku Muene momuprofeti, ta ti:
23Tara, omukadona ota ka tuumba, he ta ka vara omona omumati, otaa mu ruku edina rje Emanuel, nokutja Karunga puamue na sse.
24Josef ano, sho a penduka meemposi, okua ninga ngashi omujengeli gua Muene e mu rombuera, nde te eta omukiintu gue maandje.
25Ndere ine mu dimburura, manka ina vara omona otsheeri tshe. H’ote mu ruku edina Jesus.
Jelenleg kiválasztva:
Mateus 1: KWM
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Omission Heklesia Ekatolika, 1951. Namibian Catholic Bishops Conference.
