1 Mose 7
7
Nowa kotidi mu masuwa
1Landila momo, Yave wukamba Nowa: «Kota mu masuwa, ngeyo ayi nzo aku yiyo, bila ngeyo kaka mbueni wusonga va meso mami mu batu ba thangu aku. 2Wukibongila mu bibulu bibio bivedila#7.2 Bulu bivedila (3 Mos 11): Biawu bivanunu minsua mu dia voti muyoka nkayilu mu Minsiku mi Mose. tsambudi di bibulu biole biole, mbakala ayi kheto. Vayi mu bibulu bilembolo vedila, bonga bibiole, kimbakala ayi kikheto. 3Bonga mu zinuni phe, tsambudi md bibulu biole biole, mbakala ayi kheto, mu diambudi kambu sukisa nkuna va ntoto wumvimba. 4Diambudi tsambudi yi bilumbu kaka yisiedi buna ndieka nokisa mvula va ntoto mu makumi maya ma bilumbu ayi makumi maya ma builu, ndieka fukisa bima bibio bindivanga va ntoto.» 5Buna Nowa wuvanga mambu mamo nadede banga Nzambi kantumina.
Khuka nlangu yinene
6Nowa wuba khama sambanu zimimvu mu thangu mvula ngolo, khuka minlangu bu ziyiza va ntoto. 7Nowa wukota mu masuwa, niandi veka ayi bana bandi babakala, nketo andi ayi bazitu bandi mu tina khuka nlangu. 8Mu bibulu bivedila ayi bikambu vedila, mu zinuni ayi bibio bindiatilanga mu vumu va ntoto, 9biole biole, bimbakala ayi bikheto, bikota kudi Nowa mu masuwa, banga Nzambi katumina Nowa. 10Lumbu tsambodi bivioka, khuka nlangu yiyiza fuka ntoto.
11Mu mvu khama sambanu zi Nowa, mu ngonda yinzole mu lumbu kikumi tsambudi mu ngonda, kiawu lumbu zi tho zizio zi phinda minlangu zizibuka, zi nela zi zulu phe zizibuka. 12Mvula yinoka va ntoto mu makumi maya ma bilumbu ayi makumi maya ma builu. 13Mu lumbu beni, Nowa wukota mu masuwa ayi bana bandi ba babakala: Semi, Hami ayi Yafeti, nketo andi, ayi bazitu bandi batatu. 14Ayi phila zizio zi bibulu binsitu, biyodama, bifioti binzanzalanga va ntoto, phila yi zinuni zizio, ayi bibio bintilumukanga bidi mavavi. 15Biole biole, mu bibio bidi moyo, biyiza kudi Nowa mu khati masuwa. 16Mintindu mimio mi bima bimvumunanga mbakala ayi kheto mikota banga butumina Nzambi kudi Nowa. Buna Yave wumbindikila muelo.
17Khuka nlangu yizingila va ntoto mu makumi maya ma bilumbu. Nlangu wuwala ayi wunanguna masuwa ayi mawu malalama va mbata nlangu wuba va ntoto. 18Nlangu wuwala mu ngolo zizio, wukuma ngolo va ntoto, ayi masuwa malalama va mbata minlangu. 19Nlangu wuluta kuma mu ngolo zizio va ntoto. Miongo mimio minda ku tsi zulu mimana diama. 20Nlangu wukuma viokila metele tsambudi va yilu miongo ayi miongo mifukama mu nlangu. 21Buna bibio biba moyo va mbata ntoto ayi bindiatanga: zinuni, bibulu biyodama ayi binsitu, bifioti bindiatilanga mu vumu va ntoto bimana fua ayi batu babo. 22Bibio bimvumunanga ayi biba va ntoto wuyuma, bifua. 23Nzambi wufukisa bibio biba va mbata ntoto: tona mu batu nate mu bibulu ayi mu zinuni zintilumukanga bimana fukila va ntoto, vayi Nowa kaka wuvuka ayi babo baba yandi mu masuwa.
Nowa totukidi mu masuwa
24Nlangu wutatamana wala va ntoto mu khama mosi ayi makumi matanu ma bilumbu.
Jelenleg kiválasztva:
1 Mose 7: YOM-CD
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
©2024 Seed Company in coordination with Forum Communautaire des Traducteurs de la Bible et Alphabétisation
