1 Mose 5
5
Nkanda wu bakulu tona mu Adami nate mu Nowa
1Tala nkanda wu kikhulu ki nsamu wu batu batotukila mu Adami. Nzambi bukavanga mutu, wumvanga mu kifuani kiandi.
2Nzambi wubavanga bakala ayi nketo. Wubasakumuna ayi wubavana dizina batu, mu lumbu kiokio ki phangulu#5.2 Tala 1.27-28, Mat 19.4, Mal 10.6. awu.
3Adami bu kaba khama mosi ayi makumi matatu ma mimvu, wubuta muana wu bakala wuba banga niandi, mu kifuani kiandi. Yandi wunvana zina di Seti. 4Lumbu bi Adami landila mbutukulu yi Seti biba khama nana yimimvu. Wubuta bana bankaka babakala ayi babaketo. 5Lumbu bibio bizinga Adami biba khama vua ayi makumi matatu ma mimvu ayi wuyiza fua.
6Seti wuzinga khama mosi ayi mvu ntanu ayi wubuta Enosi. 7Landila mbutukulu yi Enosi, Seti wuzinga khama nana ayi mvu tsambudi, wubuta bana babakala ayi babaketo. 8Lumbu bibio bizinga Seti biba khama vua ayi kumi mvu miole ayi wufua.
9Enosi wuzinga luvua lu mimvu ayi wubuta Kenani. 10Landila mbutukulu Kenani, Enosi wuzinga khama nana ayi kumi mvu ntanu ayi wuyiza buta bana babakala ayi babaketo. 11Lumbu bibio bizinga Enosi biba khama vua ayi mvu ntanu ayi wufua.
12Kenani wuzinga lusambudi lumimvu ayi wubuta Mahalaleli. 13Kenani wuzinga landila mbutukulu yi Mahalaleli khama nana ayi makumi maya mamimvu ayi wubuta bana babakala ayi babaketo. 14Lumbu bibio bizinga Kenani biba khama vua ayi kumi dimimvu ayi wufua.
15Mahalaleli wuzinga makumi masambanu ayi mvu mintanu bukabuta Yeledi. 16Mahalaleli bu kayiza ba se di Yeledi, wuzinga diaka khama nana ayi makumi matatu ma mvu. Wubuta bana babakala ayi babaketo. 17Mahalaleli wuzinga khama nana luvua ayi mvu ntanu ayi wufua.
18Yeledi wuzinga khama ayi makumi masambanu mvu miole ayi wuyiza ba se di Enoki. 19Bu kayiza ba se di Enoki, Yeledi wuzinga khama nana yi mimvu, wubuta bana babakala ayi babaketo. 20Yeledi wuzinga khama vua makumi masambanu ayi mvu miole ayi wufua.
21Enoki wuzinga makumi masambanu mvu mintanu ayi wubuta muana, Metusala. 22Landila mbutukulu yi Metusala, Enoki wutatamana diata ayi Nzambi yi kedika khama tatu zimimvu ayi wubuta bana babakala ayi babaketo. 23Lumbu bibio bizinga Enoki biba khama tatu makumi masambanu ayi mvu mintanu. 24Enoki wudiata ayi Nzambi yi kedika, kasibuela monika diaka ko kudi batu bila Nzambi wunzamuna#5.24 Tala Ebe 11.5, Yud 14..
25Metusala wuzinga khama mosi lunana mvu tsambodi ayi wuyiza ba se di Lemeki. 26Bu kabuta Lemeki, Metusala wuzinga khama tsambodi lunana ayi mvu miole. Buna wubuta bana babakala ayi babaketo. 27Metusala wuzinga khama vua makumi masambanu vua dimimvu buna wufua.
28Lemeki wuzinga khama mosi lunana ayi mvu miole ayi wuyiza ba se di muana wu bakala. 29Wumvana zina Nowa#5.29 Nowa: Makabomba.. Wukamba: «Muana wawu makatubomba mu bisalu bieto ayi mu salu biphasi bimioko mieto va ntoto wawu wusingu kudi Yave.» 30Bu kayiza ba se di Nowa, Lemeki wuzinga khama tanu luvua ayi mvu mintanu, wubuta bana bababakala ayi babaketo. 31Lemeki wuzinga khama tsambudi lusambudi ayi tsambudi ki mimvu buna wufua.
32Nowa wudukisa khama tanu ki mimvu, wubuta Semi, Hami ayi Yafeti.
Jelenleg kiválasztva:
1 Mose 5: YOM-CD
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
©2024 Seed Company in coordination with Forum Communautaire des Traducteurs de la Bible et Alphabétisation
