Nar 7
7
1An ieremera le nuhwasigenan nerereni, Nar min uk rol mok lan?
2An netereni, Piak min mene Tata min, Aiteleg in. Wuhgin te nevitan remier to riputar Ebraham loanian ramemarik Mesopotemia, aupan in narikan tahan Haran,
3An netereni ton, Ier le ten taham mene le neramam mua le ten tiapetikun ik lan.
4An neterier le ten te nerem Kaldia, neteramarik Haran. An remin reknemis ita, an (Wuhgin) neterir ita in iken miripa le ten uk kamiar neknamairik iken towe mene.
5An remesofenan nowanveri ten lan ker kam in, resolan moma nowanverin rauker in nami nelikin, an neterenita moma terepofen kam in moma tapol tahan ena mene taha namipun oatisig in, loanian nerin remuka.
6An Wuhgin rameni mok moma namipun teparol iapsupus in ilar le ten pusupus ker, an moma teparol ilar kama nolatkokun nar mepailekiamta ilar le nu 400.
7An Wuhgin rameni, Io tiafhwaprai nahuto ka ilar teparol atkokun nar ton, an oatisig le nar min uk ilar teparier meihwak kam io le ten uk.
8An neterofen kam in nimtatin to nasigipenan; an rol mok lan netereles Aisak masigipen in ie nian ierem rol katilum mekisil. An Aisak netereles remi nahuto katilum katilum mekiu.
9An remi nahuto min ka netakarerer Josef ma maiurai pen in le ten Ijipt.
10An Wuhgin ramemarik ton, mamevita in to netetan min tahan, an ramofen kam in nevitan mene nalbakauan le nemri Fero ieremera Ijipt, an ramep in reremera le Ijipt mene le nimwa petum tahan.
11An noumus neteravan le ten petum Ijipt mene Kenan, an netetan ramibor; an riputar min kamesaihman nauganan.
12Mero Jekob netererou moma korn ramarik Ijipt, an neterhalipen riputar min paupan.
13An netakaruan maru kiu, an Josef neterol apu in to pian min; an nerama Josef kenol apu to Fero.
14An Josef neterhalipen maunin remin Jekob ton mene neraman etahun, neremim 75.
15An Jekob neteratite muan Ijipt. An neteremis, in mene riputar min.
16An netakos kavan Shekem an kahlau le nepag Ebraham ramos nemrin le silver to nereri Hamor Shekem.
17Mero nian te nar kamenita reknua iwaket, ierem Wuhgin ramenita to Ebraham, neremim neteribor mol nahuto le Ijipt,
18Meroatis nian ieremera pusen ramail meremera le Ijipt, ierem remeshinatinan Josef.
19Ierem uk rameuhiatin nerematar min, an neteramalikiamta riputar min moma teparheatou koveamtemta min tenilar moma tesarikan.
20Loanian ka Moses ramait, an ramavit le nemri Wuhgin; an kamemaugan in le nimwa te remin le mouk kisil.
21An kamelakiatou in, an beresuas neri Fero neterosit in mamaugan mamol nerin lan.
22An kametikun Moses le nalbakauan min te nerem Ijipt, an ramesanen le nakaran mene nolan min tahan.
23Mero niboran tahan iwaket am nu 40, neteret le nekin moma teruan muagatin pian min nereri Israel.
24An neterahm ker kakamol tehwaga mul lan, neterasitu lan malipun ierem kamalikiamta in, neterho ierem Ijipt.
25An nekin neterakahmo moma pian min teparhinatin mama Wuhgin terepofen nemihwan kam ilar le nelimin, mero ilar kamesarhinatinan.
26An lauk in neterier pa to ilar le namouan tenilar, an rama terol ut ilar le nemelinuan, netereni, Nerem apa, kamiar piamiar min, retol nakamarol tehwaga mul le kamiar min?
27Mero ierem ramol tehwaga mul le pian netererkikalin in mameni, Pehe ramehlau ik moma tenakaremera muhwaprai nar to kamar?
28Nakama tenakho io rolkoma nemho ierem Ijipt nenau?
29An Moses neterakam to nakaran ka, neteramarik le ten Midian, iken netereles nerin kiu.
30An nu 40 neterua muan agelo neterier pa ton le numnan le towar Sainai le namnamin nekam le nik.
31An Moses neterahm nanumun neterakamuka to nar reknahm. An neterakavan iwaket moma terahm, an nakaran te Ieremera neterua,
32Io Wuhgin te ripum min, Wuhgin te Ebraham mene Aisak mene Jekob. An Moses neteramasiouh magen to nahman.
33An Ieremera netereni ton, Risin nar le nelikam mero in kar iken nakamail iken ten ausim.
34Iaknahm esas le netetan taha neremim min tahak le Ijipt meknerou nasakan tenilar, an iaknatite mua to nevitean ilar; an ua, tiefhalipen ik nekuan Ijipt.
35In uk Moses ierem ilar kamaipas mamani, Pehe ramehlau ik moma tenakaremera muhwaprai nar? in uk Wuhgin rehmalipen moma tereremera mevita ilar le nelimi agelo ierem remier pa ton le nik.
36Ieremim uk remir iatou ilar mamol narepuk mene nimtatin min le ten Ijipt mene le tehe loulou mene le numnan le nu 40.
37In uk Moses ierem rameni to nereri Israel, Wuhgin tereposit to kamiar profeta ker le piamiar min rolkoma io.
38In uk ierem ramarik le neli nakwak le numnan ilau agelo ierem ramakar kam in le towar Sainai ilar riputar min; ierem ramos nakaran miuh moma terofena kam kamiar,
39Ierem riputar min kamesarolkeikeian mama takarol nowan, mero kamaros ikalin in, an nekin ilar rahwin mun to nar Ijipt,
40Netakani to Eron, Ol kam kamar Wuhgin min ierem min takaiupan in kamar. Mero in ka in uk Moses ierem remir iatou kamar le ten Ijipt iaknatiktik am mama neta kenol lan.
41An netakarol neri kurumatau ker loanian ka, an netakaros nuhwasigenan marua to nanumu nar, an netakamaigien le nar kamarol le nelimin ilar.
42Mero Wuhgin netereleleg mofen ilar to nolatkokunan nar to nahuto le neai, rolkoma kamrai le nawowa te profeta min,
Kamiar nemarhwasigpa kam io natipun mene nuhwasigenan le nu 40 le numnan, kamiar nerem Israel?
43An nemarosit nimwa taha Molok
Mene mahau taha wuhgin Refan,
Nanumu nar ierem min nemarol ilar mama tenakaihwak kam ilar.
An tiapapkita kamiar muan le neutain pen Babilon.
44Nimwa le Nimtatin ramemarik to riputar min le numnan, rolkoma ierem ramakar kam Moses rameni moma terol kama nanumu nar ierem ramahm.
45Ierem riputar min kamemaros mun maros marua ilar Joshua, loanian kamarevita ten to nahuto min Wuhgin ramelhiatou ilar le nemri riputar min, meroatis nian taha Devid.
46Ierem ramemahm nevitan le nemri Wuhgin mamehrapuk moma terahm nimwa ker taha Wuhgin te Jekob.
47Mero Solomon ramol nimwa ton.
48Mero Wuhgin iles aken resarikan le nimwa kamol le nelimitil; rolkoma rameni,
49Neai in thron tahak,
An ten uk nar iakamehlau nelikok lan;
Nimwa neta teneparol kam io, Ieremera rameni,
Wa iken petuan tiakamig iken?
50Resolan moma nelimok ramol naremnar min uk?
51Kamiar nerem nemulkenuamiar rekumukum, an kasasigipenan nekimiar mene nepagtelegemiar, kamiar nakamaru iatou Nanumun Ausim le nian min; rolkoma ripumiar kin kamemarol, kamiar mun.
52Ierem petuan le profeta min ripumiar min kamesailikiamtean? An kamerhwapnin nerem kamemaiusito aupan in nuean te ieremim ut ka ierem kamiar nemaiurai marhwapnin towe mene,
53Kamiar nerem nemaros nowa asul le nolatkokunan nar te agelo min, an nemesarolan.
54An ilar netakairou nar min uk, an nekin ilar neterahma aken, an netakaiuatin nelun ilar ton.
55Mero nekin remet iau le Nanumun Ausim, an nakanemrin neterail hmahma le neai, neterahm nevitan taha Wuhgin mene Iesu ramail le ten matu Wuhgin.
56An netereni, Ahm ru, iakamahm neai kenetita mene Neri Ieremim ramail le ten matu Wuhgin.
57Mero netakaisak le nakarapahman masisiken nepagtelegen ilar, an netakari marua ton le nekin ilar karena.
58Netakahiliatou in leutain iatou le nauanu, netakamaru in le kapiel. An nerem kamaihmesas lan kamahituk nar kamarua lan le neliki temalua ker netigen Saul.
59An netakamaru Stifen ramaunin mameni, Ieremera Iesu, Os nanumok.
60An neterenum noulin mamasak le nakarapahman, Ieremera, tenesehlaupenan tehwaga tat uk le ilar. An netereni nar uk, neterapul.
Jelenleg kiválasztva:
Nar 7: LEN1902
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Published by the British and Foreign Bible Society in 1902, reprinted in 1935.
