Diketso 13
13
Diketso 13
1Jwale Antioke ho ne ho ena le baporofeta le baruti ba bang phuthehong ya teng. e le Barnabase, le Simeone, ya bitswang Nigere, le Lusiase wa Cyrene, le Manaene, ya neng a hodisitswe le Heroda, le Saule.
2Yare ha ba ntse ba sebeletsa Morena, mme ba itima dijo, Moya o Halalelang wa re: Nkgetheleng Barnabase le Saule bakeng sa mosebetsi oo ke ba bileditseng wona.
3Eitse hobane ba itime dijo, ba rapele, ba bea matsoho hodima bona, ba ntoo ba kgutlisa.
4Yaba bona, kahobane ba romilwe ke Moya o Halalelang, ba theohela Selosia; ba tloha teng ka sekepe, ba ya Sipera.
5Eitse ha ba fihla Salami, ba bolela lentswe la Modimo masinagogeng a Bajuda;
6Eitse ha ba haola le sehlekehleke ho ya fihla Pafose, ba fumana monna e mong wa senohe, moporofeta wa bohata, wa Mojuda, ya bitswang Barjesu.
7O ne a ena le mmusisi Seregiase Pauluse, monna ya masene; a bitsa Barnabase le Saule, mme a rata ho utlwa lentswe la Modimo.
8Empa Elimase wa senohe, (hobane lebitso la hae le fetolelwa jwalo) a ba hanyetsa, a batla ho kgelosa mmusisi tumelong.
9Yaba Saule, ya bitswang Pauluse, a tletse Moya o Halalelang, a mo tadima.
10A re: “Wena ngwana wa Diabolose, wena ya tletseng mano wohle le bolotsana bohle, wena sera sa ho loka hohle, na o ke ke wa lesa ho kgopamisa ditsela tse lokileng tsa Morena na?
11Mme jwale, bona, letsoho la Morena le hodima hao, mme o tla foufala, o sa bone letsatsi ka nakwana. Yaba moholi le lefifi tsa wela hodima hae hang-hang; mme a pota-pota a batla ba ka mo tsamaisang ka letsoho.
12Mmusisi, ha a bona se etsahetseng, a dumela, a hloletswe ke thuto ya Morena.
13Pauluse le sehlopha sa hae ha ba tloha Pafose, ba fihla Perga e Pamfilia; ’me Johanne a tloha ho bona a khutlela Jerusalema.
14Empa ha ba tloha Perga, ba fihla Antioke e Pisidia, ba kena sinagogeng ka tsatsi la Sabatha, ba dula.
15Eitse hobane ho balwe Molao le Baporofeta, balaodi ba sinagoge ba romela ho bona, ba re: Banna ba heso, ekare ha le ena le lentswe la kgothatso bakeng sa setjhaba, le bolele.
16Paulo a ema, a ba hwehla ka letsoho, a re: Banna ba Iseraele, le lona ba tshabang Modimo, mamelang.
17Modimo wa setjhaba sena sa Iseraele o ikgethetse bontata rona, mme o phahamisitse setjhaba sena ha se ne se ahile naheng ya Egepeta, mme ka letsoho le phahameng a se ntsha teng.
18Mme ka nako e ka bang dilemo tse mashome a mane a mamella mekgwa ya bona feelleng.
19Eitse hobane a timetse ditjhaba tse supileng lefatsheng la Kanana, a ba arolela naha ya tsona ka lotho.
20Kamora tseo, a ba nea baahlodi ka dilemo tse ka bang makgolo a mane le mashome a mahlano, ho fihlela ho Samuele moporofeta.
21Kamora tseo, ba kopa morena, mme Modimo wa ba nea Saule, mora Kishe, monna wa leloko la Benjamine, ka dilemo tse mashome a mane.
22Eitse hobane a mo tlose, a ba hlahisetsa Davida, hore e be morena wa bona; mme a mo pakela, a re: Ke fumane Davida, mora Jese, monna ya ka pelong ya ka, ya tla phetha thato ya ka yohle.
23Lelokong la monna eo, ka pallo ya wona, Modimo o hlahiseditse Iseraele Mopholosi, e leng Jesu.
24Eitse ha Johanne a eso ho tle, a bolelle setjhaba sa Iseraele kaofela kolobetso ya pako.
25Eitse ha Johanne a phetha leeto la hae, a re: Le reng ke mang? Ha ke eena. Empa bonang, ho tla e mong kamorao ho nna, eo ke sa lokelang ho lokolla dieta tsa hae maotong a hae.
26Banna, banabeso, bana ba leloko la Abrahama, le ba hara lona ba tshabang Modimo, lentswe la poloko ena le rometswe ho lona.
27Hobane ba ahileng Jerusalema, le babusi ba bona, kahobane ba ne ba sa mo tsebe, leha e le mantswe a baporofeta a balwang ka Sabatha se seng le se seng, ba a phethahaditse ka ho mo ahlola.
28Le hoja ba sa ka ba fumana molato wa lefu ho yena, ba kopa Pilato hore a bolawe.
29Eitse hobane ba phethe tsohle tse ngodilweng ka yena, ba mo theola sefateng, ba mmea lebitleng.
30Empa Modimo o mo tsositse bafung;
31A bonwa ka matsatsi a mangata ke ba neng ba nyolohetse le yena ho tloha Galelea ho ya Jerusalema, bao e leng dipaki tsa hae pela setjhaba.
32Mme rona re le bolella molaetsa o molemo wa tshepiso e ileng ya etsetswa baholoholo ba rona.
33Modimo o se phethahaditse ho rona bana ba bona, ka ho tsosa Jesu bafung; jwalokaha ho ngodilwe pesalemeng ya bobedi, ho thwe: O Mora wa ka, kajeno ke o tswetse.
34Haele taba ya hore o mo tsositse bafung, a se ke a hlola a kgutlela ho boleng, o itse: Ke tla le nea mehauhelo e tiileng ya Davida.
35Ke ka baka leo le pesalemeng e nngwe o re: O ke wa lesa Mohalaledi wa hao a bona ho bola.
36Hobane Davida, eitse hobane a sebeletse moloko wa hae ka thato ya Modimo, a ithoballa, mme a patwa ho bontatae, mme a bona ho bola.
37Empa eo Modimo o mo tsositseng, ha a ka a bona ho bola.
38“Ka baka leo, ho ke ho tsejwe ke lona banna ba heso, hore ka yena enwa le bolellwa tshwarelo ya dibe.
39Mme botlhe ba ba dumelang ba siamisiwa ka ene mo dilong tsotlhe tse lo neng lo ka se ka lwa siamisiwa mo go tsone ka molao wa ga Moše.
40Iponeleng ke hona, le tle le se ke la hlahelwa ke taba e boletsweng ke baporofeta;
41Bonang, lona banyatsi, le makale, mme le timele;
42Eitse hobane Bajuda ba tswe sinagogeng, baditjhaba ba kopa hore ka Sabatha e tlang ba bolellwe mantswe ana.
43Eitse hobane phutheho e qhalane, Bajuda ba bangata le basokolohi ba borapedi ba latela Pauluse le Barnabase;
44Ka Sabatha e hlahlamang, ha batla ho phutheha motse kaofela ho utlwa lentswe la Modimo.
45Empa Bajuda ha ba bona bongata, ba tlala mohono, ba hanyetsa tse bolelwang ke Pauluse, ba nyefola.
46Yaba Pauluse le Barnabase ba bua ka sebete, ba re: Ho ne ho loketse hore lentswe la Modimo le bolelloe lona pele;
47Hobane Morena o re laetse jwalo, a re: Ke o beile lesedi la ditjhaba, o tle o be poloko ho isa pheletsong tsa lefatshe.
48Yare ha baditjhaba ba utlwa hoo, ba thaba, ba tlotlisa lentswe la Morena, mme bohle ba neng ba kgethetswe bophelo bo sa feleng ba dumela.
49Lefoko la Morena la utlwala mo lefatsheng lotlhe.
50Empa Bajuda ba hlohlelletsa basadi ba borapedi, ba hlomphuwang, le baholo ba motse, ba tsosetsa Pauluse le Barnabase hloriso, mme ba ba leleka naheng ya bona.
51Empa bona ba ba hlohlorela lerole la maoto a bona, ba ya Ikonio.
52Barutuwa ba tlala thabo le Moya o Halalelang.
Jelenleg kiválasztva:
Diketso 13: SothoNT
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Copyright of City Bible Foundation in cooperation with Baasraak Bible Translation from Baasraak Media © 2023.
