Matiyu 1

Isa jilijaalu

Luka 3.23-38

1Masa Tɔɔmasenin Isa jilijaalu le ne. Isa tɛɛ Masakɛ Dawuda ni Nabi Ibulahima bɔzɔn ne le.

2Ibulahima ka Isiyaka sɔlɔn.

Isiyaka ka Janguba sɔlɔn.

Janguba ka Juda sɔlɔn ani a badenmakɛ tɔlu.

3Juda ka Pɛlɛzi ni Zela sɔlɔn, minu ba tɔɔ yi ko Tamali.

Pɛlɛzi ka Hɛzilon sɔlɔn.

Hɛzilon ka Alamu sɔlɔn.

4Alamu ka Aminadabu sɔlɔn.

Aminadabu ka Nason sɔlɔn.

Nason ka Salimɔn sɔlɔn.

5Salimɔn ka Obɛdi sɔlɔn, min ba tɔɔ yi ko Lahabu.

Bowazi ka Obɛdi sɔlɔn, min ba tɛɛ Lutu le.

Hobedi ka Jese sɔlɔn.

6Jese ka Masakɛ Dawuda sɔlɔn.

Masakɛ Dawuda ka Masakɛ Sulimana sɔlɔn, min ba tɛɛ Uliya moso le.

7Masakɛ Sulimana ka Lehobohamu sɔlɔn.

Lehobohamu ka Abiya sɔlɔn.

Abiya ka Asafu sɔlɔn.

8Asafu ka Jehosafati sɔlɔn.

Jehosafati ka Jolamu sɔlɔn.

Jolamu ka Uziya sɔlɔn.

9Uziya ka Jotamu sɔlɔn.

Jotamu ka Ahazi sɔlɔn.

Ahazi ka Ezekiyasi sɔlɔn.

10Ezekiyasi ka Manase sɔlɔn.

Manase ka Amɔn sɔlɔn.

Amɔn ka Josiya sɔlɔn.

11Josiya ka Jekoniya ni a badenmakɛlu sɔlɔn. Jekoniya tele lɔ, Babilɔnkalu ka Bani Isilankalu mina waate min nɔ ka taa ai le jɔnya lɔ Babilɔn jamana lɔ.

12Bani Isilankalu sen kɔ Babilɔn jamana lɔ:

Jekoniya ka Salatiyɛli sɔlɔn.

Salatiyɛli ka Zolobabɛli sɔlɔn.

13Zolobabɛli ka Abihudi sɔlɔn.

Abihudi ka Eliyakimu sɔlɔn.

Eliyakimu ka Azoli sɔlɔn.

14Azoli ka Zadoki sɔlɔn.

Zadoki ka Akimu sɔlɔn.

Akimu ka Eliyudi sɔlɔn.

15Eliyudi ka Eleyazali sɔlɔn.

Eleyazali ka Matan sɔlɔn.

Matan ka Janguba sɔlɔn.

16Janguba ka Jusufu sɔlɔn, min moso tɛɛ Mɔyamu le. Mɔyamu wo le ka Isa sɔlɔn, ai y'a fɔla min ma ko Masa Tɔɔmasenin.

17Ka damina Nabi Ibulahima ma ka sii Masakɛ Dawuda la, jilijaa tan ni naani (14) le ka timin. Ka damina Masakɛ Dawuda ma ka na sii Bani Isilankalu mina waate la ka taa jɔnya lɔ Babilɔn jamana lɔ, jilijaa tan ni naani (14) le ka timin. Ka damina ai mina waate ma Babilɔn jamana lɔ ka na sii Masa Tɔɔmasenin Isa la, jilijaa tan ni naani (14) le ka timin kɔtunun.

Isa sɔlɔnnin teme

Luka 1.26-38; 2.1-7

18 # Luka 1.27. Masa Tɔɔmasenin Isa sɔlɔnnin teme, wo le ne: A ba Mɔyamu maminayine tɛɛ Jusufu bolo, kɛɛ jani a yi taa kɛlasii la, wo k'a talan, a tɛɛ vɛ kɔnɔ ta Nii Sɛnɛyanin sabu la. 19Komi Jusufu tɛɛ mɔɔ telennin ne le, ani a tɛɛ tɛ a fɛ ka Mɔyamu lamaloya, wo le k'a kɛ, a ka miliya ta ko a yi ban a lɔ doon nɔ. 20Jusufu ka to a milila wo ma, mɔ Tii ya mɛlɛka k'a jɛlɛ jiya a la kibalo lɔ. A vɛɛ a yɛ: «Jusufu, Dawuda bɔzɔn, i kà siyan Mɔyamu fuluko lɔ, kamasɔlɔn a na kɔnɔ tala Nii Sɛnɛyanin ne sabu la. 21#Luka 1.31.A kɛtɔ denkɛ sɔlɔnna. I y'a tɔɔla ko Isa, kamasɔlɔn ale le kɛtɔ aa mɔɔlu lakisila k'ai bɔ aiya julumbulu lɔ.» 22Wo bɛ ka kɛ fɔsa mɔ Tii ya kuma min fɔnin kela bolo, wo ma yi fa teme, ko:

23«Singbilini min ma kɛ́ ko lɔn ba bene,

wo kɛtɔ kɔnɔ tala ka denkɛ sɔlɔn.

Ai kɛtɔ a fɔla a ma ko Emanuwɛli.»

Emanuwɛli kɔlɔ le ko: «Ala yi mɔ fɛ.»

24Jusufu k'i wuli sunɔɔ lɔ mingɛ, a k'a kɛ iwo mɔ Tii ya mɛlɛka k'a fɔ a yɛ teme. A ka taa Mɔyamu ta ka na a le aa bon na k'a kɛ a moso le. 25#Luka 2.21.Kɛɛ ai ma kafonɲɔɔya kɛ haan fɔɔ Mɔyamu ka denkɛ sɔlɔn. Ado Jusufu ka den tɔɔla ko Isa.

Jelenleg kiválasztva:

Matiyu 1: MBT2023

Kiemelés

Megosztás

Másolás