Wikhikən 10
10
1Ŭleyo, yəholekw, tan wen skat weciksahakw kliyakənək əsipi wawiyahkalosonhasik, kenok wecitkwatowet tama sekiw, nət kəmotənesks nocikəmotənesks.
2Kenok tan weciksəhat khakənək, nət nekəm əsihpi nociyankewotakewin.
3Nociskhakəneyatəc opantehtowan khakən əsipək ocisətowawəl elewistolit, otəsipəm onəstoha, noteh nikanawtikewa.
4Toci kisi notephat otəsihpəm, onikanawtewa, əsihpək onosokowawal, ipəcəl onəstowawal.
5Pilowahkewin skat onosokowawiwal, kenok awonehe osimotowawal. Ipəcəl skat onəstowawiwol pilowahkewin.
6Yot kwilowewestowakən Sesohs iyahat. Kenok skat onəstəmoniya nestomahkohtit.
7Nit tehc Sesohs apc 'tiya: Leyo, yəholekw, nil əsihpək okəhakənomowa.
8Msiw tanik petapasitsəpənik təmk meskw nil pekəcihawan, kəmotənesksək, noci kəmotənesksək; kenok əsihək skat ciksətowa wiwapənihi.
9Nil khakən. Wen ociksəhat nil nhəkek, kikehc, ksehehih notəhehc oməskəmənc mihihmək.
10Kəmotənesks weci pəkəciyat tepəkt okəmotəwan onepatikan, wekəlokan. Nil weci pəkəcihay otiyeniya pəmawsowakən, mehc oməsihtoniya akwamk.
11Nil nit kəlowəsiwsihpi ankewotakewin. Kəlowəsit osihpiyankewotakewin otəliponmən opəmawsowakən ociyətihp.
12Kenok tan metəmihmot, skat osipiyankewotakewinowo, tan wət skat tepelmakw əsihp, nət nemihat malsəmol weckowihalit, onəkəla əsihp, osimoka, malsəm oməsəma osisehtekowah əsihp.
13Tan metəmihmot osimoka ipəcəl tepəkt mətəmima, skat otəmitəhamawi əsihp.
14Nil nkəlowos əsipiyankewotakewin, nəwowak ntəsihpəmək, nocikcicikos ntəsihpəm ikək.
15Elikcicihit Nmihtakws, nit elikihicihok Nmihtakws, npəmawsowakən ntəliponmən ociyəsihpək.
16Kətəkik əsihpək ntiwak, tanik skat təleyak yot wawiyakəlosənəhasik. Nekəmaw naka ntacowipeciphak, notakokc eltakwsi, nkwəcimənihiyəkc, apiskowiwəc əsipi ankewotakewin.
17Nit tehc Nmihtakws mosahlit, ipəcəl npəmawsowakən ntəliponmən welaman apcəp nkwiwehtonp.
18Skat wen nkwehtakowən, kenok niləte ntəlkimsin ntəliponəmən. Tpeltəmowakən ntin ntəliponmən ətpiltəmowakən, ntin nwikwehton apih. Yot ətplotəmowakən nocimsənəmən Nmihtakws.
19Nit apc cəcepehlətowakən ikehe Leswihsək ohəkeyewak oci yotəl kəlosowakənəl.
20Ktanakwsowək nit itəmotowək: Məcəhantowəl otepiwal, wənatəminey: kekw weci ciksətowekw?
21Kətəkik itəmotowək: Skat yohtəl kəlosowakənəl tan məcohantowal ewowət. Məcəhantəp kisi pantehtowanəl osiskol nehkapilicil?
22Wikəpaltimək olacimkewe Selosalemk poniw.
23Sesohs pəmohsi kci himiyewikwamək Saləmən otahtosanək.
24Nit tehc Leswihsək wiwnikwawal, 'tiyawal: Tan kəti kwoni esolehtəhasikinen? Niweskowiwən papehkikehine.
25Sesohs 'tasitema: Kisi kisiyəholniyapən, kenok skat kolamsətəmotipa. Lokwekənəl tanil elahtahkiyanil Nmihtakws wisowənək, nihtəl nespiwolamewikil.
26Kenok skat kilowaw kolamsətəmotipa ipəcəl skat kilowaw notəsihpəmiwnək, tahalo tan yəholekwpən.
27Ntəsihpəmək ociksətəməniyal nkəlosowakənəl, nənakok, nosowahkakok.
28Nmilan askəmawsowakən, skatəc wənmaci mehcinhətiwiyək; skatəc wen ntapkwilcehləkowən.
29Nmihtakws tan militpənihi piyeminəkəmkil skatək msiw. Skat wen kisiyap wihkwehltowal Nmihtakwsəl.
30Nil Nmihtakws npeskowihpən.
31Nit tehc Leswihsək apc wikwehtoniyal pənapskol opənapskohaniya.
32Sesohs 'tasitema: Kisi mesowehtolniyapənil ktanakotol lohkewakənəl kelowəkil Nmihtakws. Tan yot nihtəl lohkewakənəl weci kəti pənapskwahiyekw?
33Leswihsik 'tasitemawal: Skat kocipənapskoholohpən kelowak lohkewakən; kenok ipəcəl ktalmima Kelowəsit ipəcəl kil eliskitapewiyən Kelowəsit wehləs.
34Sesohs 'tasitema: Skat əlowikhasiw ktəplotəmowakən ikowak: Ntitəmopən kilowaw kelowəsitoltihpa.
35Liwihatsəpən nekəmaw kəlowəsitək tanik ohəkewikowak Kelowəsit okəlosowakənəl ikehehpən, Kelowəsitewe Wikhikən skat ki si skwoskehtasiw,
36Ŭktəlimawa nekəm tan Nmihtakws elkimat skitkəmikw, Kil ktalmima Kelowəsit, ipəcəl ntitəmopən, Nil Kelowəsit 'Kwəssəl?
37Skat əlokewan Nmihtakws otəlohkewakənəl mosahk wəlamsətowiwekw.
38Kenok əlokiyan, ihikaw skat wəlamsətowiwekw, lohkewakənəl olamsətəmok. Welaman kəcicitoniyap Nmihtakws iyo nhkek, nil nti Nmihtakws ohəkek.
39Nit tehc apc otəkweciyətkonawal; kenok ocimacehiyəl opitinowawikowak.
40Apc əlihi kamiw sihpok Soltenk, tan təmk Sapatis etlipapteysowehlowetpən, nit eyit.
41Ŭktanakwsowək pitapasiniyal, itəmotowək: Sapatis cətehlo kətama kisehtonewihpən kinowaskoltikən; kenok msiw kekwsal tanil Sapatis elakəni matpən yohtəl oskitapiyəl, leyowəl.
42Ŭktanakwsowək wilamsətəkik ohəkek nit.
Jelenleg kiválasztva:
Wikhikən 10: PQM2014
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Maliseet Gospel of John © Canadian Bible Society, 2014
