ꓟ˗ꓗꓴ ꓟꓮꓴ ꓢꓮꓴ 12
12
ꓝꓶʼꓐꓲ ꓢꓴꓠ ꓓꓥ ꓗꓰ
1ꓧꓮꓴ ꓘꓴꓠ ꓓꓥ ꓗꓰ ꓰ ꓬꓥ ꓬꓥ ꓟꓳ ꓡꓰ ꓔꓮꓲ ꓧꓶ ꓰ ꓖꓶ꓾ ꓐꓬꓴ ꓣ ꓬꓴ ꓝꓶʼꓐꓲ ꓢꓴꓠ ꓧꓳ ꓔꓳ ꓡꓪꓲ꓾ ꓡꓲꓥ ꓘꓬꓴꓽ ꓟ ꓘꓬꓟꓸꓽ ꓗꓬꓟꓺ ꓔꓳ ꓡꓰ ꓰ꓾ ꓝꓶʼꓐꓲ ꓕꓴꓥ ꓓꓴ ꓔꓳ ꓡꓪꓲ꓾ ꓚꓲ ꓣ ꓡꓴꓟ ꓢꓮꓲ ꓔꓳ ꓡꓪꓲ꓾ ꓢꓴꓠ ꓢꓮꓲ ꓰ ꓐꓬꓴ ꓑꓰ ꓡꓰ ꓐꓳꓲ ꓐꓲ ꓔꓳ ꓡꓪꓲ꓾ ꓖ ꓟꓶꓥ ꓫꓴꓔ ꓰ ꓠꓲ ꓐꓬꓴ ꓰ꓿ 2ꓮ ꓘꓪꓲ ꓬꓟ ꓙꓰ ꓙꓥ꓾ ꓢꓴꓠ ꓢꓮꓲ ꓐꓥ ꓰ ꓡꓳ ꓟ ꓧꓮꓴ ꓢꓴꓠ ꓟ ꓫꓲ ꓣ ꓪꓟ ꓪꓳ ꓬꓴ ꓫꓥ ꓖ꓾ ꓢꓴꓠ ꓢꓮꓲ ꓐꓥ ꓚꓥ ꓫꓴꓔ ꓙꓴꓠ ꓣ ꓬꓴ ꓡꓰ ꓠꓥ ꓗꓔ ꓰ꓿ 3ꓬꓥ ꓟꓳ ꓬꓴ ꓖꓶ꓾ ꓬꓥ ꓡꓰ ꓚꓴꓑ ꓬꓴ ꓡꓪꓲ꓾ ꓠꓴ ꓡꓪꓲ꓾ ꓮ ꓗꓳꓟ ꓠꓥ ꓗꓔ ꓗꓳ ꓰ꓿ 4ꓙꓴꓠ ꓖꓳ ꓬꓴ ꓡꓰ ꓬꓥ ꓬꓥ ꓟꓳ ꓚꓥ ꓫꓴꓔ ꓓꓴꓟ ꓠꓥ ꓗꓔ ꓰ꓾ ꓧꓮꓴ ꓬꓴ ꓰ ꓴ ꓡꓴꓟ ꓡꓰ ꓬꓥ ꓟꓳ ꓠꓴ ꓛꓰ ꓐꓲ ꓡꓪꓲ꓾ ꓬꓥ ꓡꓰ ꓮ ꓧꓳ ꓮ ꓧꓶ ꓡꓳꓸ ꓒꓴ ꓗꓳ ꓰ꓿ 5ꓖꓳ ꓔꓴ ꓡꓰ ꓓꓴꓟ ꓠꓥ ꓗꓔ ꓡꓰ꓾ ꓬꓥ ꓟꓳ ꓧꓮꓴ ꓬꓴ ꓡꓰ ꓢꓔ ꓑꓬꓟ ꓗꓳ ꓰ꓿ ꓖꓳ ꓐꓥ ꓟꓬꓳ ꓟꓬꓳ ꓡꓰ ꓬꓥ ꓠꓥ ꓗꓔ ꓗꓳ ꓡꓥ꓾ ꓬꓥ ꓟꓳ ꓣ ꓪꓟ ꓡꓰ ꓠꓴ ꓡꓪꓲ꓾ ꓣ ꓪꓟ ꓡꓰ ꓖꓶ ꓢꓔ ꓑꓬꓟ ꓗꓳ ꓰ꓿ 6ꓬꓥ ꓚꓲꓔ ꓓꓑ ꓰ ꓬꓥ ꓜꓳ ꓣ ꓬꓴ ꓠꓲ ꓮ ꓫꓲ꓾ ꓬꓥ ꓡꓰ ꓡꓰ ꓣ ꓟꓶꓥ ꓕꓥ ꓟ ꓬꓥ ꓟꓳ ꓚꓥ ꓒꓬꓥ ꓫꓴꓔ ꓠꓥ ꓗꓔ ꓰ ꓥꓴꓔ ꓟꓴ꓾ ꓬꓥ ꓟꓳ ꓖꓶ ꓥ ꓜꓳ ꓡꓰ ꓖꓶ ꓖꓬꓴ ꓒꓮꓴ ꓗꓳ ꓣ꓾ ꓖ ꓡꓪꓲ꓾ ꓟꓲꓔ ꓔꓳ ꓰ꓿ 7ꓢꓴꓠ ꓢꓮꓲ ꓰ ꓐꓥ ꓖꓶ꓾ ꓫꓲꓺ ꓬꓴ ꓖꓶ ꓲ ꓢꓴꓔ ꓲ ꓖꓠ ꓢꓶꓥ ꓣ ꓢꓴ ꓥꓴꓔ ꓡꓰ꓾ ꓡꓰ ꓗꓰ꓾ ꓬꓥ ꓡꓰ ꓢꓔ ꓑꓬꓟ ꓫꓥ꓾ ꓧꓮꓴ ꓘꓴꓠ ꓫꓰ ꓬꓥ ꓰ ꓲ ꓢꓴꓔ ꓲ ꓖꓠ ꓲ ꓠꓴꓥ ꓪꓳ ꓬꓴ ꓣ ꓥꓴꓔ ꓡꓰ꓾ ꓖ ꓡꓪꓲ꓾ ꓫꓶʼꓓ ꓐꓳꓥ ꓡꓴꓟ ꓗꓳ ꓰ꓿ 8ꓧꓮꓴ ꓟꓴ ꓡꓪꓲ꓾ ꓬꓥ ꓟꓳ ꓬꓥ ꓡꓰ ꓚꓴꓑ ꓬꓴ ꓡꓪꓲ꓾ ꓢꓔ ꓑꓬꓟ ꓟꓴ꓾ ꓢꓴꓠ ꓡꓴꓔ ꓫꓴꓔ ꓓꓴ ꓑꓬꓟ ꓗꓳ ꓰ꓿ 9ꓧꓮꓴ ꓬꓠ ꓟꓮꓲ ꓝꓶʼꓐꓲ ꓢꓴꓠ ꓬꓴꓟ ꓢꓶꓥ ꓖꓶ ꓘ ꓢꓴ ꓗꓴꓔ ꓗꓳ ꓣ ꓕ꓿ ꓬꓥ ꓙꓰ ꓰ ꓡꓪꓲ꓾ ꓢꓴꓠ ꓢꓮꓲ ꓰ ꓐꓥ ꓡꓰ ꓢꓔ ꓑꓬꓟ ꓡꓪꓲ꓾ ꓧꓮꓴ ꓢꓴꓠ ꓐꓬꓴ ꓖꓳ ꓬꓴ ꓡꓰ ꓕꓳꓔ ꓐꓲ ꓐ ꓣ꓿ 10ꓧꓮꓴ ꓕꓳ ꓮ ꓗꓳ꓾
ꓬꓴꓟ ꓝꓴ ꓐꓥ ꓘꓲꓠ ꓑꓬꓟ ꓰ ꓡꓴ ꓖꓳꓗ ꓖꓶ꓾ ꓕꓴꓥ ꓚꓴꓠ ꓕꓥ ꓟ ꓡꓴ ꓖꓳꓗ ꓓꓴꓔ ꓡꓳ ꓐꓰ꓿
11ꓧꓮꓴ ꓖꓶ ꓧꓮꓴ˗ꓬꓴꓟ˗ꓢꓶꓥ ꓬꓠ ꓟꓮꓲ ꓗꓴꓔ ꓡꓳ ꓰ ꓥꓴꓔ ꓡꓪꓲ꓾ ꓲ ꓠꓴꓥ ꓧꓶ ꓟ ꓟꓮꓴ ꓒꓳ ꓮ ꓟꓴ ꓥꓴꓔ ꓔꓳ ꓡꓰ꓾
ꓖ ꓰ ꓟꓮꓴ ꓢꓮꓴ ꓡꓰ ꓡꓥ ꓠꓴꓥ ꓟꓳ ꓮ ꓥꓑ ꓪꓴ ꓗꓳ ꓡꓴ꓾ ꓖ ꓰ꓿ 12ꓧꓮꓴ ꓬꓠ ꓟꓮꓲ ꓬꓥ ꓟꓳ ꓖꓶ ꓬꓥ ꓡꓰ ꓚꓴꓑ ꓬꓴ ꓣ ꓧꓳ ꓗꓳ ꓡꓥ ꓫꓶʼꓪ ꓐꓬꓴ ꓑꓰ ꓡꓰ ꓖꓬꓴ ꓔꓳ ꓮ ꓖꓳ꓾ ꓘ ꓢꓴ ꓟꓴ ꓖ ꓡꓰ꓾ ꓫꓲ ꓓꓥ ꓗꓰ ꓡꓰ ꓬꓥ ꓟꓳ ꓰ ꓘꓬꓳ ꓬꓥ ꓔꓮꓲ ꓠꓲ ꓰ ꓖꓶ꓾ ꓬꓥ ꓟꓳ ꓢꓰ ꓖꓬꓳ ꓗꓳ ꓰ꓾ ꓧꓮꓴ ꓘꓴꓠ ꓬꓥ ꓟꓳ ꓬꓥ ꓡꓰ ꓑꓬꓟ ꓔꓳ ꓡꓪꓲ꓾ ꓕꓳ ꓐꓬꓴ ꓡꓳ ꓗꓳ ꓰ꓿
ꓒ˗ꓣꓲ˗ꓫꓰ ꓑꓰ ꓖꓶ ꓬꓰ˗ꓢꓴ ꓡꓰ ꓚꓟ ꓪꓴ ꓗꓳ ꓰ
13ꓧꓮꓴ ꓕꓥ꓾ ꓬꓥ ꓰ ꓓꓥ ꓟ ꓬꓥ ꓡꓰ ꓡꓳꓟ ꓔꓳꓥ ꓬꓴ ꓫꓥ ꓖ꓾ ꓬꓥ ꓟꓳ ꓖꓶ ꓒ˗ꓣꓲ˗ꓫꓰ ꓑꓰ ꓰ ꓧꓰ˗ꓣꓳ˗ꓓꓲ ꓖ ꓐꓥ ꓣ ꓪꓟ ꓡꓰ ꓬꓥ ꓚꓥ ꓫꓴꓔ ꓠꓥ ꓗꓔ ꓗꓳ ꓰ꓿ 14ꓧꓮꓴ ꓘꓴꓠ ꓬꓥ ꓟꓳ ꓙꓰ ꓡꓪꓲ꓾ ꓢ ꓣ ꓰ꓾ ꓠꓥ ꓓꓲꓥ ꓟꓠ ꓠꓲ ꓡꓰ ꓰ꓾ ꓳ ꓡꓰ ꓡꓰ ꓮ ꓖꓟ ꓠꓲ ꓰ ꓖꓶ꓾ ꓥ ꓟꓳ ꓢꓰ ꓐꓰ꓾ ꓐꓬꓴ ꓰ ꓟꓬꓳ ꓓꓳꓥ ꓡꓰ ꓠꓥ ꓮ ꓘꓲꓠ ꓬꓴ ꓰ ꓜ꓾ ꓗ˗ꓣꓮꓲ ꓗ˗ꓢꓥ ꓰ ꓘꓬꓳ ꓡꓰ ꓓꓲꓥ ꓟꓠ ꓰ ꓓꓳꓥ ꓠꓬꓳ ꓟꓳ ꓠꓲ ꓣ꓿ ꓗꓰ˗ꓕ ꓘꓳ ꓘꓟ ꓡꓰ ꓘꓠ ꓢꓰ ꓖꓰ ꓗꓔ ꓣ ꓡꓴ꓿ 15ꓥ ꓟꓳ ꓗꓔ ꓣ ꓡꓴ꓾ ꓮ ꓗꓔ ꓣ ꓡꓴ꓾ ꓖ ꓡꓪꓲ꓾ ꓬꓥ ꓡꓰ ꓟꓲ ꓗꓳ ꓰ꓿ ꓬꓥ ꓬꓴ ꓖꓶ ꓬꓥ ꓟꓳ ꓰ ꓲ ꓟꓲꓔ ꓲ ꓑꓬꓟ ꓐꓳ ꓰ ꓡꓰ ꓢꓰ ꓡꓪꓲ꓾ ꓠꓴꓥ ꓟꓳ ꓧꓮꓲ ꓟꓴ ꓥꓳ ꓡꓰ ꓚꓟ ꓪꓴ ꓠꓲ ꓮ ꓗꓳ ꓕ꓿ ꓥꓳ ꓪꓴ ꓪꓴ ꓐ꓾ ꓧꓮꓴ ꓥꓴꓠ ꓣ ꓛꓑ ꓥ ꓚꓥ ꓬꓴ ꓡꓳ ꓪꓴ ꓗꓰ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓰ꓿ 16ꓧꓮꓴ ꓟꓴ ꓡꓪꓲ꓾ ꓬꓥ ꓟꓳ ꓬꓴ ꓡꓳ ꓪꓴ ꓗꓳ ꓰ꓾ ꓧꓮꓴ ꓘꓴꓠ ꓬꓥ ꓖꓶ꓾ ꓳ ꓰ ꓮ ꓡꓳ ꓰ ꓟʼꓢꓔ ꓟꓮꓴ ꓢꓮꓴ ꓓꓑ ꓡꓰ ꓡꓴ꓾ ꓖ ꓡꓪꓲ꓾ ꓟꓲ ꓙꓥ꓾ ꓬꓥ ꓟꓳ ꓖꓶ꓾ ꓗꓰ˗ꓕ ꓰ ꓮ ꓡꓳ ꓰ ꓟʼꓢꓔ ꓥꓴꓔ ꓡꓰ꓾ ꓖ ꓡꓪꓲ꓾ ꓬꓥ ꓡꓰ ꓔꓴ ꓗꓳ ꓰ꓿ 17ꓧꓮꓴ ꓟꓴ ꓡꓪꓲ꓾ ꓬꓰ˗ꓢꓴ ꓖꓶ꓾ ꓗꓰ˗ꓕ ꓰ ꓢꓰꓥ ꓰ ꓡꓰ ꓖꓶ꓾ ꓗꓰ˗ꓕ ꓡꓰ ꓐꓲ ꓗꓰ꓿ ꓗ˗ꓣꓮꓲ ꓗ˗ꓢꓥ ꓰ ꓢꓰꓥ ꓰ ꓡꓰ ꓡꓰ꓾ ꓗ˗ꓣꓮꓲ ꓗ˗ꓢꓥ ꓡꓰ ꓐꓲ ꓗꓰ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓰ꓿ ꓬꓥ ꓟꓳ ꓬꓴ ꓖꓶ ꓬꓥ ꓰ ꓘꓬꓳ ꓡꓰ ꓙ ꓟꓮꓴ ꓐꓬꓴ ꓗꓳ ꓰ꓿
ꓢ˗ꓓꓴ˗ꓗꓰ ꓑꓰ ꓖꓶ ꓬꓰ˗ꓢꓴ ꓡꓰ ꓚꓟ ꓪꓴ ꓗꓳ ꓰ
18ꓧꓮꓴ ꓕꓥ꓾ ꓓꓴꓟ ꓓꓪꓲ ꓔꓳ ꓡꓳ ꓣ ꓘꓬꓳ ꓮ ꓙꓳ꓾ ꓖ ꓡꓪꓲ꓾ ꓔꓮꓲ ꓠꓲ ꓰ ꓢ˗ꓓꓴ˗ꓗꓰ ꓑꓰ꓾ ꓬꓥ ꓚꓥ ꓫꓴꓔ ꓧꓪꓲ ꓰ ꓡꓳ ꓡꓪꓲ꓾ ꓟꓲ ꓴ ꓚꓥ ꓔꓮꓲ ꓰ ꓖꓶ꓾ 19ꓢ ꓣ ꓰ꓾ ꓐꓬꓴ ꓣ ꓬꓴ ꓬꓴ ꓰ ꓲ ꓟꓥ ꓪ꓾ ꓜꓳ ꓮ ꓓꓑ ꓫꓲ ꓰ ꓫꓲ ꓐꓬꓴ ꓡꓪꓲ꓾ ꓛꓪꓲ ꓟꓳ ꓟꓳ ꓠꓲ ꓡꓰ꓿ ꓬꓥ ꓰ ꓬꓥ ꓖꓴ ꓖꓶ ꓧꓮꓴ ꓛꓪꓲ ꓟꓳ ꓡꓰ ꓖꓴ ꓬꓴ ꓣ ꓥꓴꓔ ꓡꓪꓲ꓾ ꓬꓥ ꓟꓥ ꓟʼꓔꓴ ꓟʼꓣ ꓞꓳ ꓐꓲ ꓫꓥ ꓖ꓾ ꓖ ꓡꓪꓲ꓾ ꓟꓳ˗ꓫꓲ ꓥ ꓟꓳ ꓡꓰ ꓗ ꓔꓳ ꓐꓲ ꓐꓰ꓿ 20ꓲ ꓢꓴ ꓓꓴꓔ ꓰ ꓠꓲꓗ ꓔꓥ ꓪꓲ ꓠꓲꓔ ꓬꓴ ꓥꓴꓔ ꓔꓳ ꓮ ꓗꓳ꓾ ꓧꓶ ꓟ ꓢꓴ ꓖꓶ ꓟꓲ ꓬꓴ ꓡꓪꓲ꓾ ꓟʼꓔꓴ ꓟʼꓣ ꓮ ꓓꓑ ꓰ ꓫꓲ ꓐꓬꓴ ꓐꓰ꓿ 21ꓕꓥ ꓟ ꓢꓴ ꓧꓮꓴ ꓟꓲ ꓪꓰ ꓡꓰ ꓖꓴ ꓡꓪꓲ꓾ ꓟʼꓔꓴ ꓟʼꓣ ꓮ ꓓꓑ ꓡꓰ ꓫꓲ ꓐꓬꓴ ꓐꓰ꓾ ꓢꓴꓟ ꓬꓴ ꓥꓴ ꓣ ꓢꓴ ꓡꓰ꓾ ꓧꓮꓴ ꓰ ꓣ ꓙꓴꓥ ꓜ ꓓꓴꓔ ꓐꓬꓴ ꓐꓰ꓿ 22ꓧꓮꓴ ꓢꓴ ꓟꓴ ꓧꓮꓴ ꓠꓲꓗ ꓔꓥ ꓠꓲꓔ ꓬꓴ ꓟʼꓔꓴ ꓟʼꓣ ꓮ ꓓꓑ ꓗꓳ꓾ ꓡꓴꓥ ꓡꓥ ꓐꓥ ꓕꓥ ꓕꓴꓥ ꓟ ꓧꓮꓴ ꓟꓲ ꓪꓰ ꓜꓳ ꓡꓰ ꓫꓲ ꓐꓬꓴ ꓡꓳ ꓐꓰ꓿ 23ꓮ ꓘꓪꓲ ꓧꓮꓴ ꓓꓴꓟ ꓓꓪꓲ ꓔꓳ ꓡꓳ ꓰ ꓟ ꓧꓮꓴ ꓐꓥ ꓚꓥ ꓟ ꓳ ꓬꓴ ꓰ ꓬꓥ ꓟꓲ ꓬꓥ ꓓꓴꓔ ꓣ ꓡꓴ꓾ ꓘ ꓢꓴ ꓟꓴ ꓖ ꓡꓰ꓾ ꓐꓬꓴ ꓠꓲꓔ ꓬꓴ ꓬꓥ ꓟꓲ ꓬꓥ ꓓꓴꓔ ꓪꓴ ꓐꓰ꓾ ꓖ ꓗꓳ ꓰ꓿ 24ꓬꓰ˗ꓢꓴ ꓖꓶ꓾ ꓧꓮꓴ ꓚꓴꓟ ꓟꓮꓴ ꓢꓮꓴ ꓰ ꓗ˗ꓣꓮꓲ ꓗ˗ꓢꓥ ꓰ ꓪꓴꓟ ꓳ ꓡꓰ ꓠꓴꓥ ꓟꓳ ꓮ ꓢꓰ ꓗꓳ ꓰ ꓬꓠ ꓟꓮꓲ꓾ ꓠꓴꓥ ꓟꓳ ꓘꓬꓳ ꓥꓳ ꓠꓲ ꓮ ꓗꓳ ꓡꓴ꓿ 25ꓫꓲ ꓰ ꓐꓥ ꓓꓴꓟ ꓓꓪꓲ ꓔꓳ ꓡꓳ ꓙꓥ ꓟꓲ ꓬꓴ ꓟꓲ ꓐꓲ ꓡꓴꓟ ꓣ ꓮ ꓥꓴꓔ꓾ ꓬꓥ ꓟꓳ ꓖꓶ ꓟꓮꓴ ꓘꓴꓥ ꓕꓳ ꓟ ꓟꓮꓴ ꓟꓥ ꓑꓰ ꓰ ꓣ ꓙꓴꓥ ꓜ ꓓꓴꓔ ꓠꓲ ꓗꓳ ꓣ꓿ 26ꓧꓮꓴ ꓕꓳ ꓖꓳ ꓔꓴ꓾ ꓫꓲ ꓐꓬꓴ ꓰ ꓐꓥ ꓓꓴꓟ ꓓꓪꓲ ꓔꓳ ꓡꓳ ꓣ ꓘꓬꓳ꓾ ꓗ˗ꓣꓮꓲ ꓗ˗ꓢꓥ ꓖꓶ ꓧꓮꓴ ꓜꓴ ꓐꓬꓑ ꓬꓟ ꓟ ꓟꓳ˗ꓫꓲ ꓡꓰ꓾ ꓥꓳ ꓖꓶ ꓮ˗ꓐꓣ˗ꓧꓟ ꓰ ꓗ˗ꓣꓮꓲ ꓗ˗ꓢꓥ꓾ ꓲ˗ꓢꓗ ꓰ ꓗ˗ꓣꓮꓲ ꓗ˗ꓢꓥ꓾ ꓬ˗ꓗꓴ ꓰ ꓗ˗ꓣꓮꓲ ꓗ˗ꓢꓥ ꓥꓴꓔ ꓔꓳ ꓡꓰ꓾ ꓖ ꓰ ꓓꓥ ꓡꓰ꓾ ꓠꓴꓥ ꓟꓳ ꓟꓳ˗ꓫꓲ ꓰ ꓟꓮꓴ ꓢꓮꓴ ꓟ ꓮ ꓥꓑ ꓪꓴ ꓗꓳ ꓡꓴ꓿ 27ꓗ˗ꓣꓮꓲ ꓗ˗ꓢꓥ ꓚꓮꓴ ꓖꓶ꓾ ꓫꓲ ꓐꓥ ꓰ ꓗ˗ꓣꓮꓲ ꓗ˗ꓢꓥ ꓮ ꓥꓴꓔ꓾ ꓣꓴ ꓓꓪꓲ ꓠꓲ ꓐꓥ ꓰ ꓗ˗ꓣꓮꓲ ꓗ˗ꓢꓥ ꓫꓰ ꓥꓴꓔ ꓡꓰ꓾ ꓠꓴꓥ ꓟꓳ ꓘꓬꓳ ꓙ ꓫꓴꓔ ꓐꓬꓴ ꓐ ꓗꓳ꓾ ꓖ ꓔꓮꓲ ꓰ꓿
ꓟꓮꓴ ꓢꓮꓴ ꓗ ꓢ ꓣ ꓖꓶ ꓬꓰ˗ꓢꓴ ꓡꓰ ꓚꓟ ꓪꓴ ꓗꓳ ꓰ
28ꓧꓮꓴ ꓘꓴꓠ ꓟꓮꓴ ꓢꓮꓴ ꓗ ꓢ ꓣ ꓣ ꓬꓴ ꓙꓰ ꓡꓰ ꓡꓪꓲ꓾ ꓬꓥ ꓟꓳ ꓧꓶ ꓡꓴꓟ ꓰ ꓘꓬꓳ ꓪꓳ ꓖꓬꓳ ꓡꓰ ꓰ꓾ ꓬꓰ˗ꓢꓴ ꓬꓥ ꓟꓳ ꓡꓰ ꓡꓳꓟ ꓔꓴ ꓰ ꓓꓥ ꓬꓳ ꓰ ꓡꓰ ꓢꓰ ꓰ ꓬꓠ ꓟꓮꓲ꓾ ꓢꓥ ꓔꓳ ꓰ ꓓꓥ ꓐꓠ ꓫꓳ ꓟ ꓘ ꓡꓴꓟ ꓙꓰ ꓗꓳ ꓡꓰ ꓕ꓾ ꓖ ꓡꓪꓲ꓾ ꓬꓥ ꓡꓰ ꓟꓲ ꓗꓳ ꓰ꓿ 29ꓬꓰ˗ꓢꓴ ꓖꓶ꓾ ꓲꓢ˗ꓣ˗ꓰꓡ ꓮ ꓟꓬꓴ ꓰ꓾ ꓖꓬꓳ ꓬꓴ ꓗꓰ꓾ ꓲ ꓠꓴꓥ ꓰ ꓬꓴꓟ ꓢꓶꓥ ꓗ˗ꓣꓮꓲ ꓗ˗ꓢꓥ ꓖꓶ ꓬꓴꓟ ꓢꓶꓥ ꓣ ꓬꓴ ꓜ ꓥꓴꓔ ꓔꓳ ꓡꓰ꓿ 30ꓧꓮꓴ ꓬꓴꓟ ꓢꓶꓥ ꓠꓥ ꓰ ꓗ˗ꓣꓮꓲ ꓗ˗ꓢꓥ ꓡꓰ ꓠꓥ ꓴꓥ ꓘꓮꓴ ꓲ ꓟꓲꓔ ꓡꓴꓥ ꓡꓥ ꓰ꓾ ꓠꓥ ꓰ ꓲ ꓟꓲꓔ ꓠꓲꓗ ꓡꓴꓟ ꓡꓴꓥ ꓡꓥ ꓰ꓾ ꓠꓥ ꓰ ꓲ ꓟꓲꓔ ꓲ ꓟꓥ ꓐꓠ ꓫꓳ ꓰ꓾ ꓠꓥ ꓰ ꓪꓴꓟ ꓳ ꓐꓠ ꓫꓳ ꓰ꓾ ꓠꓥ ꓚꓲꓔ ꓓꓑ ꓲ ꓟꓲꓔ ꓪꓳ ꓣ ꓣ ꓡꓰ꓾ ꓖ ꓰ ꓓꓥ ꓖꓶ ꓙꓰ ꓗꓳ ꓰ ꓓꓥ ꓥꓴꓔ ꓔꓳ ꓡꓰ꓿ 31ꓕꓥ ꓟ ꓓꓥ ꓡꓴꓟ ꓖꓶ꓾ ꓠꓥ ꓰ ꓬꓴꓟ ꓗꓬꓳ ꓪ ꓡꓰ ꓠꓥ ꓖꓴꓥ ꓰ ꓣ ꓙꓴꓥ ꓜ ꓠꓥ ꓚꓲꓔ ꓓꓑ ꓲ ꓟꓲꓔ ꓪꓳ ꓣ ꓣ ꓡꓰ꓾ ꓫꓲ ꓓꓥ ꓲ ꓘꓴꓠ ꓟ ꓙꓰ ꓗꓳ ꓰ ꓢꓥ ꓔꓳ ꓰ ꓓꓥ ꓮ ꓙꓳ꓾ ꓖ ꓡꓪꓲ꓾ ꓔꓴ ꓰ꓿ 32ꓧꓮꓴ ꓟꓮꓴ ꓢꓮꓴ ꓗ ꓰ ꓢ ꓣ ꓖꓶ꓾ ꓮ ꓣ꓾ ꓥꓴꓔ ꓐꓰ꓾ ꓢ ꓣ ꓰ꓾ ꓗ˗ꓣꓮꓲ ꓗ˗ꓢꓥ ꓖꓶ ꓣ ꓬꓴ ꓜ ꓥꓴꓔ ꓔꓳ ꓡꓰ ꓰ꓾ ꓬꓥ ꓟꓮꓲ ꓖꓳ ꓙꓰ ꓳ ꓮ ꓠꓲ ꓡꓳ꓾ ꓠꓥ ꓔꓮꓲ ꓰ ꓓꓥ꓾ ꓖꓰ ꓖꓰ ꓔꓰꓥ ꓔꓳ ꓣ꓿ 33ꓧꓮꓴ ꓕꓳ ꓟ ꓖꓳ ꓔꓴ꓾ ꓴꓥ ꓘꓮꓴ ꓲ ꓟꓲꓔ ꓡꓴꓥ ꓡꓥ ꓰ꓾ ꓲ ꓟꓲꓔ ꓒ ꓚꓲ ꓡꓴꓥ ꓡꓥ ꓰ꓾ ꓪꓴꓟ ꓳ ꓡꓴꓥ ꓡꓥ ꓐꓠ ꓫꓳ ꓰ꓾ ꓬꓥ ꓡꓰ ꓚꓲꓔ ꓓꓑ ꓡꓪꓲ꓾ ꓬꓴꓟ ꓢꓶꓥ ꓰ ꓬꓴꓟ ꓗꓬꓳ ꓪ ꓡꓰ ꓬꓴꓟ ꓢꓶꓥ ꓰ ꓖꓴꓥ ꓓꓴ ꓰ ꓣ ꓙꓴꓥ ꓜ ꓚꓲꓔ ꓓꓑ ꓰ ꓖꓶ꓾ ꓟꓲ ꓥꓬꓰ ꓘꓴꓥ ꓖ ꓰ ꓘꓴꓥ ꓖ ꓮ ꓟꓬꓴ ꓐꓠ ꓫꓳ ꓟ ꓙꓰ ꓗꓳ ꓰ ꓥꓴꓔ ꓔꓳ ꓡꓰ꓾ ꓖ ꓡꓪꓲ꓾ ꓬꓥ ꓡꓰ ꓔꓮꓲ ꓰ꓿ 34ꓧꓮꓴ ꓬꓴ ꓖꓶ ꓗꓴꓥ ꓒꓠ ꓲ ꓟꓲꓔ ꓰ ꓔꓴ ꓰ ꓡꓰ ꓬꓰ˗ꓢꓴ ꓢꓰ ꓙꓥ꓾ ꓠꓥ ꓖꓶ ꓗ˗ꓣꓮꓲ ꓗ˗ꓢꓥ ꓟꓶꓥ ꓓꓠ ꓰ ꓪꓰ ꓠꓲ ꓡꓰ ꓮ ꓥꓴꓔ ꓡꓳ꓾ ꓖ ꓡꓪꓲ꓾ ꓬꓥ ꓡꓰ ꓔꓴ ꓰ꓿ ꓧꓮꓴ ꓕꓥ꓾ ꓳ ꓡꓰ ꓬꓥ ꓡꓰ ꓧꓮꓲ ꓡꓥ ꓮ ꓪꓟ ꓟꓲ ꓡ ꓗꓳ꓿
ꓬꓰ˗ꓢꓴ ꓬꓥ ꓟꓳ ꓡꓰ ꓑꓴ ꓔꓮꓲ ꓰ
35ꓮ ꓘꓪꓲ ꓬꓰ˗ꓢꓴ ꓠꓳ ꓗꓴ ꓙꓳꓥ ꓘꓮꓴ ꓫꓴꓔ ꓠꓬꓳ ꓟꓳ ꓠꓲ ꓡꓰ ꓑꓴ ꓔꓮꓲ ꓰ ꓖꓶ꓾ ꓘꓣꓲꓢ˗ꓔꓴ ꓖꓶ ꓓ˗ꓪꓲ ꓬꓥ ꓫꓴ ꓜꓳ ꓥꓴꓔ ꓡꓰ ꓖ ꓡꓪꓲ꓾ ꓟꓮꓴ ꓢꓮꓴ ꓗ ꓰ ꓢ ꓣ ꓑꓰ ꓘ ꓢꓴ ꓟꓴ ꓔꓮꓲ ꓔꓳ ꓮ ꓗꓳ ꓕ꓿ 36ꓓ˗ꓪꓲ ꓬꓥ ꓖꓴꓥ ꓧꓮꓴ ꓚꓳꓲ ꓬꓴꓥ ꓪꓳꓲ ꓠꓲ ꓟ
ꓧꓮꓴ ꓬꓴꓟ ꓢꓶꓥ ꓥ ꓬꓴꓟ ꓢꓶꓥ ꓡꓰ ꓔꓮꓲ ꓰ ꓖꓶ꓾ ꓠꓥ ꓰ ꓖꓴꓟ ꓡꓮꓴ ꓑꓰ ꓡꓰ ꓠꓥ ꓰ ꓘꓲ ꓪꓥ ꓟ ꓥꓳ ꓔꓳ ꓔꓳ ꓰ ꓙꓰ ꓫꓳ꓾ ꓥ ꓰ ꓡꓳ ꓬꓳ ꓫꓴꓔ ꓣꓴ ꓜꓴꓥ ꓠꓲ ꓫꓲ ꓮ꓾
ꓖ ꓡꓪꓲ ꓔꓮꓲ ꓠꓲ ꓣ꓿ 37ꓓ˗ꓪꓲ ꓬꓥ ꓖꓴꓥ ꓬꓥ ꓧꓮꓴ ꓘꓣꓲꓢ˗ꓔꓴ ꓡꓰ ꓬꓴꓟ ꓢꓶꓥ ꓖ ꓰ꓾ ꓧꓮꓴ ꓢꓴ ꓥꓴꓔ ꓡꓰ ꓖꓶ꓾ ꓬꓥ ꓰ ꓬꓥ ꓫꓴ ꓜꓳ ꓘ ꓢꓴ ꓟꓴ ꓥꓴꓔ ꓣ ꓖ ꓕ꓾ ꓖ ꓔꓮꓲ ꓰ꓿ ꓫꓶʼꓪ ꓐꓬꓴ ꓑꓰ ꓚꓮꓴ ꓖꓶ ꓗ ꓐꓴ ꓖ ꓣ ꓡꓰ ꓰ ꓬꓥ ꓡꓰ ꓖꓬꓳ ꓠꓮꓴ ꓐꓲ ꓗꓳ ꓰ꓿
ꓬꓰ˗ꓢꓴ ꓖꓶ ꓟꓮꓴ ꓢꓮꓴ ꓗ ꓢ ꓣ ꓡꓰ ꓠꓬꓳ ꓟꓳ ꓰ
38ꓓꓴꓟ ꓠꓬꓳ ꓟꓳ ꓠꓲ ꓴ ꓚꓥ ꓬꓰ˗ꓢꓴ ꓔꓮꓲ ꓰ ꓖꓶ꓾ ꓟꓮꓴ ꓢꓮꓴ ꓗ ꓢ ꓣ ꓑꓰ ꓡꓰ ꓢ ꓓꓲ ꓠꓲ ꓗꓰ꓾ ꓬꓥ ꓟꓳ ꓐꓴ ꓧꓶꓥ ꓪꓴꓔ ꓴ ꓚꓥ ꓢꓳ ꓡꓟ ꓠꓮꓴ ꓡꓪꓲ꓾ ꓖꓮꓲ ꓘ ꓖꓳꓠ ꓰ ꓡꓰ꓿ 39ꓔ ꓣ ꓙꓳꓥ ꓘ ꓟ ꓙꓰ ꓟꓬꓥ ꓰ ꓔꓥ ꓟꓬꓥ ꓑꓰ ꓡꓰ ꓡꓰ꓾ ꓑꓳꓲ ꓘ ꓟ ꓰ ꓙꓰ ꓘꓶꓗ ꓰ ꓜꓴꓥ ꓙꓥ ꓑꓰ ꓡꓰ ꓳ ꓠꓮꓴ ꓔꓳ ꓮ ꓗꓳ꓿ 40ꓛꓪꓲ ꓟꓳ ꓛꓪꓲ ꓜꓳ ꓬꓴꓟ ꓑꓰ ꓡꓰ ꓬꓥ ꓟꓳ ꓒꓬꓳ ꓜꓳ ꓒꓬꓳ ꓫꓴ ꓡꓪꓲ꓾ ꓗꓬ ꓟꓲꓔ ꓰ ꓖ ꓧꓶꓥ ꓖ ꓟꓬꓥ ꓮ ꓗꓬꓴ ꓓꓴꓥ ꓮ ꓗꓳ꓾ ꓧꓮꓴ ꓐꓥ ꓖꓶ ꓓꓳ ꓓꓠ ꓑꓬꓟ ꓰ ꓙꓰ ꓡꓪꓲ ꓧꓪꓲ ꓐꓴ ꓗꓳ ꓣ꓾ ꓖ ꓰ꓿
ꓮ ꓡꓴ ꓢʼꓓꓰꓗ ꓟ ꓮ ꓡꓴ ꓗꓔ ꓐꓴꓟ ꓗꓳ ꓰ
41ꓧꓮꓴ ꓕꓥ ꓧꓮꓴ ꓮ ꓡꓴ ꓢʼꓓꓰꓗ ꓓꓪꓲ ꓓꓪꓲ ꓟ ꓬꓥ ꓜꓴꓥ ꓔꓳ ꓡꓪꓲ꓾ ꓫꓶʼꓪ ꓐꓬꓴ ꓑꓰ ꓧꓮꓴ ꓮ ꓡꓴ ꓢʼꓓꓰꓗ ꓟ ꓕꓲꓥ ꓛꓑ ꓗꓔ ꓗꓳ ꓰ ꓡꓰ ꓪꓴ ꓠꓲ ꓡꓰ꓾ ꓲ ꓢꓴꓔ ꓪꓳ ꓐꓥ ꓟꓬꓳ ꓟꓬꓳ ꓪ꓾ ꓟꓬꓳ ꓟꓬꓳ ꓡꓰ ꓗꓔ ꓐꓴꓟ ꓗꓳ ꓰ꓿ 42ꓧꓮꓴ ꓘꓴꓠ ꓮ ꓫꓳ ꓮ ꓪꓲ ꓓꓴꓔ ꓰ ꓛꓪꓲ ꓟꓳ ꓟꓲ ꓣ ꓬꓴ ꓡꓰ ꓡꓪꓲ꓾ ꓐꓬꓰꓗ ꓢꓠ ꓣ ꓡꓴꓟ ꓖꓶꓥ ꓰ ꓖꓲ ꓕꓲꓥ ꓛꓑ ꓲ ꓡꓴꓟ ꓗꓔ ꓐꓰ꓿ 43ꓧꓮꓴ ꓬꓠ ꓟꓮꓲ ꓬꓥ ꓰ ꓡ ꓖꓬꓳ ꓪꓲ ꓡꓰ ꓬꓥ ꓪꓴꓔ ꓬꓴ ꓡꓪꓲ꓾ ꓠꓴꓥ ꓟꓳ ꓡꓰ ꓥꓳ ꓔꓰꓥ ꓔꓰꓥ ꓔꓮꓲ ꓗꓬꓳ ꓡꓰ꓾ ꓫꓲ ꓮ ꓫꓳ ꓮ ꓪꓲ ꓟꓴ ꓰ ꓛꓪꓲ ꓟꓳ ꓟꓲ ꓖꓶ꓾ ꓮ ꓡꓴ ꓢʼꓓꓰꓗ ꓟ ꓗꓔ ꓔꓳ ꓰ ꓐꓥ ꓐꓠ ꓫꓳ ꓟ ꓙꓰ ꓟꓬꓳ ꓡꓪꓲ ꓗꓔ ꓗꓔ ꓐꓰ꓿ 44ꓘ ꓢꓴ ꓟꓴ ꓖ ꓡꓰ꓾ ꓬꓥ ꓟꓳ ꓡꓴꓥ ꓡꓥ ꓐꓥ ꓬꓴꓟ ꓢꓶꓥ ꓮ ꓖꓴꓠ ꓮ ꓖꓳ ꓪꓳ ꓰ ꓕꓳ ꓟ ꓟꓲꓔ ꓰ ꓡꓰ ꓗꓔ ꓔꓳ ꓮ ꓗꓳ꓾ ꓬꓥ ꓚꓮꓴ ꓖꓶ ꓬꓥ ꓮ ꓫꓳ ꓮ ꓪꓲ ꓟꓴ ꓰ ꓟ ꓪꓳ ꓟ ꓪꓳ ꓐꓠ ꓫꓳ ꓡꓰ ꓥꓴꓔ ꓐꓰ꓾ ꓬꓥ ꓰ ꓮ ꓢꓗ ꓐꓮꓴ ꓣ ꓜꓰ ꓡꓴꓥ ꓡꓥ ꓡꓰ ꓗꓔ ꓑꓬꓟ ꓐꓰ꓾ ꓖ ꓰ꓿
Jelenleg kiválasztva:
ꓟ˗ꓗꓴ ꓟꓮꓴ ꓢꓮꓴ 12: ATB1938
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
First published in Fraser script in 1938.
