Kenesis 8
8
1Im Nōbū yĭmentĭme Nōa ĭm tiame sū mori umprokomūrep mov nūrah sū dal iyi ra mumpon ark; miyi Iehōva yĭmtamūli nĭmetagi worelĭmse ra nemap im nū sū yi?-?mīis. 2Mov nenum sū ra netekonlas, mov namtah sū ūnpōkop dūti sumpat, ĭm nebĭb yĭmnē ūnpōkop yeti norūleki.
3Im nū sū dūmīis marugi nemap, ĭm ra nĭsah en dan sū wun hunder ĭm fĭfti nū sū dūtĭn tīsep.
4Ran dan seventin, ra itīs seven, ark mori iyep ra numpūo sū Ararat. 5Im nū sū yumīis mefeli ra itīs narōlĭm ugi, ĭm ran dan nōbūm ra itīs narolĭmugi numpūnda ōvun numpūo sū yeti nĭvsok.
6Mō metepū sugkū ra nĭsah en dan forti Nōa itī pelah nilara ra ark mori iyi yĭpmumpi. 7Miyi yĭmtamūli ilat sī ūmelekom mori yive mō ĭmpelum, mefeli nĭmpugon nū sū dūlx marugi nemap. 8Miyi yĭmtamūli ilat sī umpon worokili nagkū nū sū dūtĭn tīsep marugi nemap. 9Umpon mori yetōkesi nemĭndog gi mumpon nōwon eni; miyi yōĭmtorĭleki pugi ūnesog ark, popō wo nū sū dūmūtĭndōwi ra nemap omwi sū, miyi yēevan gi nokoben eni mō ĭmpī umpon mori ūnesog ark.
10Miyi yōmetĭndōwi dan seven mōmū mō ĭmtamūli ilat umpon mori marugi ark, 11ĭm umpon mori yōĭmtorĭleki pugi pōarap, ĭm pah, iyi yelĭnterugi ugi numpūnugon eni nugkelĭn nē olĭv; ĭm Nōa yokili ma nū sū dūti nīis marugi nemap. 12Miyi yōmetĭndōwi dan sū seven mōmū, mō ĭntamūli ilat umpon mori yōmetūtorĭleki pugi.
13Mō metepū sugkū ĭsūma nevi sū sĭks hunder ĭm wun, mitīs sīugi, ĭm dan itīs sīugi, nū sū dūtĭn lx marugi nemap; ĭm Nōa yivī pelah woreseni ark, miyi yĭmokesi, ĭm pah! nemap yetĭn lx, 14ĭm ra itīs dūrūgi ran dan twenti‐seven ra itīs mori nemap yetĭn lx.
15Miyi Nōbū yōmenūwi pugi Nōa me mokū, 16Eve marugi ark, kĭk im retepmi mōv un nĭtumo, mōvun reteponeme en irora ōvun nĭtumo dal kĭk. 17Tōr‐ōra omwisū dal kĭk mori umūrep marugi fanda omwisū, ra menōk, mov nūrah sū, ĭm tiame sū mori umĭntavekarara ra nemap ma irora wonelegetevtevi mō mūtandam sah ra nemap.
18Im Nōa ive ilat mōvun nĭtnĭme eni ĭm retepon, mōvun reteponeme en irora ōvun nĭtnĭme eni dal iyi. 19Mōv nūrah sū momwi sū mori umĭntavekarara mōvun menōk sū momwi sū mori umĭntavekarara ra nemap ugi potnĭmpe en irora dūmūve ilat marugi ark.
20Im Nōa yĭmumpi sī nefati iran Iehōva mō ĭmpī marokonda ov nūrah sū sĭntevi ves, mō ĭm sokowar ugi irora ra mumpon nom ran tan nefate mori, ĭm pah! 21Iehōva yĭmorĭgi nĭmpen‐eves, ĭm Iehōva yĭmesepen enūwi ūnōwan eni memokū, Ya otū ōmen umpi navoret ra nemap popōwo ugi neteme; tarū sū ūnōwanda ōveteme sū oti sat marugi nĭmpugon irora ov alalx, ĭm ya otūōmĭntī en tiame sū mori umūrep sugkū yx mĭpmumpi. 22Polekū nemap antĭndōwi sī nĭmpugon worōwi, ĭm nĭmpugon woralekon sĭmsĭ mugi nevag, im nenora, ĭm neteponta, im nenum, ĭm nakas, ĭm dan, ĭm pūmrok, wantĭndōwi.
Jelenleg kiválasztva:
Kenesis 8: ERGOT
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Published by the British and Foreign Bible Society: Genesis in 1914, and Ruth in 1932.
