পত্থম আজল্ কধাগান
আজল্ কধাগান
পবিত্র বাইবেলর পৌইল্যা বোইবো অলঅ পত্তম্ বোই, আরাম্ভ বা শুরু ওইয়্যে বোই। ইয়োত্ আগেদে মরদ, মিলে, জড়া বানানা, পাপ, উৎসর্বর অনুষ্ঠান, শঅর্, বেব্সা, চাজ্বাস, গান-বাজনা, উবোসনা, নানান্ ভাষা, জাদ আরঅ দেজ্ ইয়ানির আরাম্ভর লেখ্যে কধা। পৌইল্যা ১১ লামাত্ ইয়ানি পৌইদ্যেনে আরাম্ভর কধা লেগা আঘে। ১২-৫০ লামাত্ ইস্রায়েল জাদর আরাম্ভর কধা কূয়ো ওইয়্যে। পৌইল্যা বাপ্ অব্রাহাম আহ্ তার পুয়ো ইস্হাক আর তার নাদিন্ যাকোব জিংকানি আহ্ যাকোবর বারজন পুয়োর (বিশেজ্ গুরিনে যোষেফর) জিংকানিত্তুন্ যে বিজগর্ কধানি পাহ্ যায় সিয়োত্তুন্ পড়িয়্যেগুনে এজাল্ পান্। বাদবাগি পবিত্র বোইয়ুন্ দোলেদালে বুঝিবাত্যেই পৌইল্যা বোইবো গমেদালে হবর্ পানা দরকার। পত্তম্ বোইবো অলঅ মোশির লেখ্যে পাচ্ছো বোইয়ো ভিদিরে পৌইল্যা বোই। এ বোইয়ুনোরে একসমারে মাঝে মোধ্যে রীদি-সুদোমর্ বোইঅ কুয়ো অয়।
মুলুক্ মুলুক্ কধাগানি:
(ক) গোদা পিত্থিমীয়ানর্ বিজগর্ আরাম্ভ (১-১১ লামা)
(১) সৃট্টি (১ ও ২ লামাত্)
(২) মানুচ্চুনোর্ পাবত্ পরানাত্তুন্ ধুরি দাঙর পানিবান সং (৩-৫ লামাত্)
(৩) দাঙর পানিবানর্ কধা (৬-৯ লামাত্)
(৪) নানান্ জাদ্ আর বাবিলর অজল্ ঘর (১০-১১ লামাত্)
(খ) ইস্রায়েল জাদর্ আগঅ বাপ্পুন্ (২-৫০ লামাত্)
(১) অব্রাহাম (১২-২৫)
(২) ইস্হাক (২৬ লামাত্)
(৩) যাকোব (২৭-৩৬ লামাত্)
(৪) যোষেফ (৩৭-৫০ লামাত্)
Jelenleg kiválasztva:
পত্থম আজল্ কধাগান: CBT
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Copyright © 2021 Bangladesh Bible Society