Matayo 13
13
OLUGANI LW’OMUBIBI.
1Ha lunaku olwo Yezu nahuruka mu nzu naikara ha mbarama y’enanza. 2Embaga ningi y’abantu nemwekumiliramo, natamwa naza mu bwto naikara, embaga yona neyemerera ha chambu. 3Nabagambirira bingi mu ngani, nagira ati: Omubibi akahuruka kuza kubiba. 4Ka yatandikire kubiba, embibo endi negwa ha muhanda, enoni zo mw’igulu niziza nizigilya. 5Endi negwa ha lukili, aho neburwaho itaka lingi, nemera kachwi n’ako, obwo etazire kuzima mw’itaka; 6nawe izoba ka lyayakire, nehotoka, kai obwo yaliga etali na mizi, neyoma. 7Endi ekagwa mu mahwa; amahwa ka gakuzire, nigaginiga. 8Kai endi negwa mw’itaka izima, netunga, endi igana, endi makumi mukaga, endi makumi asatu. 9Ali n’amatwi go kuhulira, ahulire.
10Aho abahemba nibaza kumugambira bati: Wabagambirira ki mu ngani? 11Wenene nasubamo nabagambira ati: Kuba imwe mukahabwa kumanya ebiserekire by’obukama bwo mw’igulu, nawe bonene tibakiherwe. 12Kuba ali nabyo niwe akuhabwa, kai yasagasagwa, nawe atali nabyo akwakwa n’ako akuba atali nako#13, 12 Omuntu mutunga akuhicha kukanisya ebintu bye, byaba kingaha; nawe omuhabi, ebintu bye ka bilageruka, naba nabuhu kimo. Abahemba ba Yezu, abayolekererwe Yezu wenene, basusanaga n’abantu abatungire ebintu bingi. Nawe abakutimatimya ebigambo bye bakususana n’abantu abali n’ebintu bike.. 13Nicho nkubagambirira mu ngani, kuba bakulora, nawe tibakubona, kai bakuhuliriza, nawe tibakuhulira, hona tibakusombokerwa. 14Mbe byahika hali bonene ebyo Izaiya yalagire nagira ati: Mukuhuliriza n’amatwi ganu, nawe timukusombokerwa; mukulora n’ameso ganu, nawe timukubona. 15Kuba omutima gw’abantu banu gugumire, amatwi gabo galengahere kuhulira, ameso gabo baganagirize, niho baleke kubonesy’ameso no kuhuliz’amatwi, hona babure kusombokerwa n’omutima, batahinduka nkabakiza. 16Nawe ameso ganu gali n’omugisa, obwo gakubona, n’amatwi ganu, obwo gakuhulira#13, 16 Mu bigambo ebyo omulagi Izaiya akulaga echemo ch’Abayahudi abalyanga obuchunguzi obuliletwa Omwana wa Mungu. Omwoyo gwabo gwomire nk’ibale, kai Mungu akubema enema ze, obwo bazigayire.. 17Koto nkubagambira nti: Abalagi bengi n’abazima bakayegonga kubona ebyo mukubona, nawe tibabibwene, no kuhulira ebyo mukuhulira, nawe tibabihulire#13, 17 Abalagi n’abantu bazima bona ba kara bakalindirira nibategeza Omuchunguzi, nawe tibamubwene, kai tibamuhulirize. Mbe abahemba ba Yezu bali n’omugisa mwingi kukira abantu abo bona..
18Mbe imwe nimuhulire olugani lw’Omubibi. 19Buli muntu akuhulira ebigambo by’obukama, akabura kubyanankura, omubi akwiza nakura ebyabibirwe mu mutima gwe; ogwo niwe ayabibirwe ha muhanda. 20Nawe ayabibirwe ha lukili, ogwo n’akuhulira ebigambo, akabyanankuraho aho n’aho no kusemererwa; 21nawe atali na mizi muli wenene, ni muhindahinduki, enaku zo kunaranara zikamwizira ha bw’ebigambo, nasitara. 22Kai ayabibirwe mu mahwa, ogwo n’akuhulira ebigambo, nawe ebitekateko byo mu nsi no kulembalembwa ebintu bikuniga ebigambo, mbe nibibura kuraba. 23Nawe ayabibirwe mw’itaka izima, ogwo niwe akuhulira ekigambo akasombokerwa, akaraba, ahandi igana, ahandi makumi mukaga, ahandi makumi asatu.
OLUGANI LW’EMBAYA. — ENZUMA YA HARDARI. — ITUMBYO LY’OMUKATE.
24Nabaganira olugani lundi, nagira ati: Obukama bwo mw’igulu bukususana nk’omuntu ayabibire embibo nzima mu nsambu ye. 25Nawe abantu ka banagire, omuhate we naiza nabiba embaya mu ngano honene, nagenda. 26Mbe embibo ka yakuzire, neyanika, aho embaya yona neboneka. 27Mbe abantu ba nineka nibeza nibamugambira bati: Tatabugeni, si tiwabibire embibo nzima mu nsambu yawe? Kai si embaya yaruga hai? 28Nabagambira ati: Omuntu muhate niwe yakozire ebyo. Abantu be nibamugambira bati: Raba noyenda, tugende tugikuremo? 29Nagira ati: Pai, kuba mukakura embaya, hamo mukulirane n’engano. 30Muleke zikulire hamo kuhika h’igesa; mbe mu naku z’igesa nkeze kugambira abagesi nti: Mutandike kusororamo embaya, mugibohe, mugyoche; nawe engano mugihunike mu bitara byange#13, 30 Yezu omwene akwatula ensonga z’olugani olwo; lora Matayo 13, 37–43..
31Nabachwera olugani lundi, nagira ati: Obukama bwo mw’igulu bukususana nk’enzuma ya hardali ey’omuntu yatwere nagibyara mu nsambu ye. 32Koto ni mbibo noro kukira embibo zona, nawe ka yakuzire, neba mpango kukira zona, niliba iti, n’enoni z’oluguru niziza kutura mu matabi galyo#13, 32 Olugani lunu lukususanisya Eklezia katolika: kutandika yaliga ekehire muno, nawe elikura mpolampola kuhika esugane mu nsi zona..
33Kandi nabagambira olugani lundi, ati: Obukama bwo mw’igulu bukususana nk’itumbyo ly’omukate, elyo omukazi yatwere nalitobatoba mu ndengo isatu z’ensyano, nizibira zona#13, 33 Nikwo n’olugani lunu: abahemba ba Yezu bakugenda nibakana, obwingi bwabo butamwe bukire obw’abarubi b’edini zindi zona..
34Yezu akagambira ebipipi ebyo byona mu ngani; tiyabafumoreraga kundi, nawe mu ngani zonka, 35niho kihike ekigambo echagambirwe omulagi, ati: Ndyasamya akanwa kange mu ngani, ndisokora ebiserekire kuruga obuhangi bw’ensi.
YEZU NASOMBORA OLUGANI LW’EMBAYA.
36Mbe aho ka yasindikire embaga, nagenda mu nzu, abahemba be nibamuzaho nibamugambira bati: Notusomborere olugani lw’embaya yo mu nsambu. 37Wenene nasubamo nabagambira ati: Ayabibire embibo nzima ni Mwana w’omuntu. 38Kai ensambu ni nsi, kandi embibo nzima ni bana b’engoma, kai embaya ni bana babi. 39Hatyo omuhate ayagibibire n’isitani; kai igesa ni kuhwaho kw’ensi; kandi abagesi ni bamalaika. 40Mbe nk’okwo bakusoroza embaya nibagyocha, nikwo haliba hatyo na ha lunaku lwo kumaliza. 41Omwana w’omuntu alituma bamalaika be, balisoroza mu bukama bwe ebikuhenesya byona, n’abakukol’amabi bona fu, 42hatyo balibanaga mu lyokezo ly’omuliro, okwo niyo haliba kulira no kuteranisy’ameno. 43Aho abazima balyaka nk’ezoba mu ngoma y’ese wabo. Ali n’amatwi go kuhulira, ahulire.
OLUGANI LW’ENSABO, N’OLW’ENKWANZI, N’OLW’OMUGONO.
44Engoma yo mw’igulu ekulenganisibwa n’ensabo eserekire mu nsambu, ey’omuntu yakugire akagisereka, kumara nagenda n’amasemererwa mengi, naguza ebye byona ebyo ali nabyo, nagura ensambu egyo.
45Kai hona obukama bwo mw’igulu bukulenganisibwa n’omuntu muhango ayahigaga enkwanzi nzima. 46Mbe ka yabwene enkwanzi emo y’obuguzi bwingi, nagenda naguza byona ebyo ali nabyo, naza kugigula.
47Kandi obukama bwo mw’igulu bukulenganisibwa n’omugono ogwo banagire mu nanza, nigwita buli luganda lwona lw’enfwi. 48Ka gwezwire, nibagusyora ha charo, nibekara nibasoramo enzima nibazita mu nsero, nawe embi nibazinaga mw’iswa. 49Nikwo biliba bityo ha lunaku lwo kuhereruka: bamalaika baliza kusora ababi hagati y’abazima. 50Balibanaga mu lyokezo ly’omuliro. Okwo niyo haliba kulira no kuteranisy’ameno. 51Ebyo byona mwabisombokerwa? Nibamugira bati: Yee. 52Nabagambira ati: Nikwo buli mwandiki ayayolekererwe eby’obukama bwo mw’igulu akulenganisibwa n’omuntu nineka akwiha mu nsabo ye ebihya n’ebihitira#13, 52 Omuntu ogwo ayahitize mu nzu ye ebintu bya buli nyami zona byo kuha abantu niwe Yezu Omwolekerezi mukuru n’Omulisya muzima. Ka yayendaga kwolekerera abantu, yasora engani ezatengwaga ab’era n’aba hati, nabezukiza ebikubagasira, nayatura kuzimazima obwolekerezi bwe..
YEZU NIBAMUGAYA MU CHARO CHABO.
53Mbe Yezu ka yamazire engani ezo, narugayo okwo. 54Naiza mu charo chabo, nabolekerera mu masomero gabo, nibakuma nibagira bati: Onu aihire hai obwenge bunu n’amahano gati? 55Iwe tiwe mwende omubuya w’omusermala? Nina tibamweta bati: Maria? Kai n’abatabani babo ti ba Yakobo na Simoni na Yude? 56Kandi bahara babo bona tibali owetu? Mbe kai ebyo byona abihire hai? 57Hatyo nibasitazibwa. Nawe Yezu nabagambira ati: Tihaliho omulagi akuburwa ikuzo, hatali mu nsi yabo na mu ka yabo. 58Okwo tiyakozireyo amahano mengi kuber’obutekiriza bwabo.
Jelenleg kiválasztva:
Matayo 13: KED1946
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
First published in 1946 by the White Fathers. Published online with the permission of the White Fathers.
