Lukö Bhɔlɩ

Bhɔlɩ

Nyɩkpɔɔ ‑ɔ ‑jɩjlä lä 'bɔɔgʋnʋ nä, ɔɔ' ‑wʋ ɔ yëku 'ŋnö ‑zɛɛ ‑mä nyɩkpaa ‑wa ‑zɛɛ lä ʋʋ' 'mnö wälɩɩ tɛɛ nä, wamää‑ cii‑ lä nynä ‑mä ɔmɔ wa laa Lukö ‑mä ɔ ‑glö bhä ‑dɔtä (Kolɔ 4.14). Ɔ ‑klää Pɔlʋ ‑Laagɔ‑lebhee 'mnö (2 Timo 4.11; File 24). Lowlii Pɔlʋ ‑mʋ lä 'mnö nä, Lukö ‑fänöɔ 'sɔnalɩɩ 'mnö ‑blɔkʋ.

Lukö nä, ɔ ‑jɩjlä 'bɔɔgwɩ 'sɔ, ɩɩ' lʋʋ ‑bhlo plöo‑ lä ‑nʋnʋ. 'Sɔnalʋʋ 'mʋʋ‑ plöö‑ lä Zozii' lobho lobhonyʋaa' Nʋnʋgbɩɩ' 'bɔɔgʋʋ.

Ɔ ‑jɩjlä lä ɔɔ' 'bɔɔgwɩɩ 'sɔ nä, nyɩkpɔ ‑bhlo ɔ ‑fɩɩ. ‑Lɔɔ' nyɩkpɔɔ ‑glö bhä waa' 'bhlɛsʋʋ 'mnö 'govlaa' nyɩkpa 'kädɔ. Ɔmɔ wa laa Teofilö. Lukö nä, ɔmɔ 'titii 'yii ‑wʋ Zozii 'yi nii‑ ‑mä, kɔ ‑tään lä wälɩnɩ. Ɔ ‑tänɩɩ 'nɩä 'nɩä, 'nɩ ɔ ylää‑ ‑wa 'nii‑ lä ɩɩ' dä 'nɩ ‑wa nii‑ lä Zozii 'yi nä.

'Nägädönöö' 'bɔɔgʋʋ 'mnö nä, kɔ panö‑anyɩ lä nynä Zozii ‑glö 'ylʋzɔɔ' nyɩkpaa 'fɩɩn Puënyɔ ‑mä ɔɔ' ‑wʋ 'Zufʋnyʋä ‑bhloo' ‑za ‑yi. Ɔ lä kɔ ‑yi lä ‑yä nyɩkpaa‑ ‑too lä nä, ɔ 'kwa tään ‑yä ɔ 'kwa 'ni ‑yä ɔ 'kwa ‑lɔɔ nëë' ‑sä (15; 19.10).

Lukö ‑bhɔ lä ɔɔ' jɩjlälɩɩ' nä, ɔ cii‑ Zään Badisöö' gäälɩɩ' wälɩ, 'nɩ ɔ cii‑ 'sɩɩ Zozi Klisöö' gäälɩɩ' wälɩ (1–2). Sä Zään Badisö ŋʋʋ‑ lä Zozii 'nyu 'wlu nä, 'nɩ sä 'Dëvlo ‑yi 'nɩ ʋ nyɛɛ‑ lä Zozii ‑zɔɔpälɩ nä, ɔ cii‑ (3.1–4.13).

Lukö sonö‑anyɩ 'sɩɩ nynä ‑mä Zozii ‑nʋ ‑Laagɔ‑lebhe Galilee‑bhlɩɛ 'mnö. Ɔ ‑sää ‑mɔɔ Laagɔɔ' 'Leyiduu' yëkuu' 'Nägädöö, 'nɩ ɔ ‑yamä gupanyʋää' nü nü nü. Ɔ lä Zozii cɩa‑ 'sɩɩ kpänyɩ nyɩkpa ‑nyädlöö'.

Ɔ cii‑ 'sɩɩ nynä Zozii ‑sä nyɩkpa 'kʋgbä 'sɔ nynä wa 'güo 'kʋ wa ‑yɔsɔ 'kä lebhe nʋ. 'Nɩ ɔ ‑lobhuwa 'sɩɩ nynä wa mʋ ‑yä wa ‑sää Laagɔ 'Leyiduu 'mnö 'Nägädöö, ɩyä wa yamä gupanyʋä (4.14–9.50).

Ɔ cii‑ 'sɩɩ nynä Zozii ‑bha Galilee' ‑aaa 'nɩ ɔ ‑mʋ Zolizalɛmʋduu' (9.51–19.28).

Bhlüüda nä, 'klüü 'fɩɩn‑ plöö‑ lä gbäbhɩädaa' 'sɔlɩcëa 'mnö 'kʋ nä, ɩyä Zozii' 'kwiee ‑yä ɔɔ' 'kuëë glɔɔlɩɩ' wälɩɩ kä Lukö ‑sänɩ (19.28–24.53) 'nɩ ɔ yi bhlü.

Jelenleg kiválasztva:

Lukö Bhɔlɩ: god

Kiemelés

Megosztás

Másolás

Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be

Tudj meg többet a következőről: GOD - u2

Lukö Bhɔlɩ

Népszerű bibliai igeversek innen:
Lukö Bhɔlɩ

Biblia:

Godié

Fordítás: GOD - u2 - god

Lukö Bhɔlɩ

Lukö Bhɔlɩ

Népszerű bibliai igeversek innen: Lukö Bhɔlɩ

Biblia:

Godié

Fordítás: GOD - u2 - god

Lukö Bhɔlɩ

Népszerű bibliai igeversek innen:
Lukö Bhɔlɩ