Matu 6

Bu'a

1 # Mat 23.25 “Mini ya ti ya wan ita ya itesuŋɔ nɛreba nɛŋan ti ba nyɛta ya. La han ana bala, ya ka le tara yɔɔrɛ ya Sɔ en boi saazuo ha la zi'an.

2“Bala zuo, ya han ni bɔ'ɔra bo'olum, da ŋmɛ' ya luŋa wuu birekɔgenduma la en iti se'em ba zamehegɔ yiya la sadɔtɔ zuto ti nɛreba pɛgɛ ba la. Yelemɛŋerɛ ti n yɛta ya wa, bamam pun to'e ba yɔɔrɛ mɛ. 3Gee ya han ni bɔ'ɔra bo'olum, da bahɛ ti ya gɔbega nu'o mina zuɔ nu'o la en iti sɛla. 4Bala ti ya bo'olum la wan sugɛ, ti ya Sɔ la en nyɛti sɛla en sugɛ la wan yɔ ya.

Pu'uhegɔ

(Luki 11.2-4)

5 # Luk 18.10-14 “Ya ni han yeti ya pu'uhɛ, da ni ani ya wuu birekɔgenduma la. Bama nɔŋɛ la ba ni dooe zɛ'a saazuo zamehegɔ yiya la puan, la sadɔtɔ kãra zi'ihi woo puan, pu'uha ti nɛreba nyɛ ba. N yeti ya la yelemɛŋerɛ wa, ti ba pun to'e ba yɔɔrɛ mɛ. 6Gee ya han ni yeti ya pu'uhɛ, kɛ̃ ya bɔ'ɔ, la ya yu' kuleŋa, gee pu'uhɛ ya Sɔ la en nyɛti sɛla en sugɛ la, ti ya sɔ la en nyɛti sɛla n sugɛ la, wan yɔ ya.

7“Yamam han ni pu'uha, da kɔ'ɔm yeen kɔ'ɔm bebele ya sɛla en ka tari vuurɛ wuu sɛba en ka zoti Yinɛ en iti se'em la. Ba ti'ihɛ ti yetɔgum woko la ti Yinɛ wan wum. 8Da ani ya wuu bamam la, se'ere en sɔi la, ya Sɔ la pun mina yan eere sɛla mɛ, gee ti ya baŋɛ sɔkera en la.

9“Bala zuo, ni pu'uheri ya ŋwana:

Tu Sɔ en boi saazuo ha,

Fum yu'urɛ dɛna tuulum gana sɛla woo.

10Fum sɔ'ɔlum wa'am na.

Fum sumboolum tum,

tiŋa wa zuo wuu lan tuni saazuo ha se'em la.

11Bo' tu tu zina dabeherɛ dia.

12Gee bahɛ tu sama bo' tu,

wuu tumam n baheri tu taaba sama se'em la.

13Da tari tu kɛ̃ magehegɔ puan

gee faaɛ tɔ be'em daana la nu'uhen bahɛ. [Sɔ'ɔlum la dela fum dinɛ, paŋa suŋa, wuuha wuuha, Amɛn. Yia yia gulehɛgɔ la tuseto ka tari ka'lam]

14 # Mak 11.25 Ya han bahɛ ya taaba tuure bo' ba, ya Sɔ en boi saazuo ha me wan bahɛ ya tuure bo' ya. 15Gee yamam han ka bahɛ ya taaba tuure bo' ba, ya Sɔ la me kan bahɛ ya tuure bo' ya.

Nɔlurɛ yɛla

16“Ya han luta nuurɛ, da ni zuŋe ya nɛhi wuu birekɔgenduma la, se'ere en sɔi la, ba ni zuŋe ba nɛhi la bala ti ba pa'alɛ la nɛreba ti bamam luti la nuurɛ. Yelemɛŋerɛ ti n yɛta ya wa, ba pun to'e ba yɔɔrɛ mɛ. 17Gee yamam han luta nuurɛ, ni sɔ̃ ya zuto la kaam, gee pee ya nɛhi. 18Ŋwana ti nɛreba kan baŋɛ ya nɔlurɛ la, gee ya Sɔ la en nyɛti sɛla en sugɛ la ma'a. Ya Sɔ la en nyɛti sɛla n sugɛ la wan yɔ ya lan nari se'em.

Tarega

(Luki 12.33-34)

19 # Yem 5.2-3 “Da kã'ahera ya lɔgerɔ biŋera ya mɛhi timpaberɛ wa zuo, zi'an ti guŋa wan mɔgɛ, ti tiŋan-ziim di, bii nageyigehi kɔ' kɛ̃ zu. 20Gee tugum boti ya ya lɔgerɔ biŋera saazuo ha, zi'an ti guŋa kan ta'am mɔgɛ, ti tiŋanziim kan ta'am di, bii nageyigehi kɔ' kɛ̃ zu. 21Se'ere en sɔi la, fum lɔgerɔ n boi zi'an la, fum suure boi la bilam.

Niho

(Luki 11.34-36)

22“Niho n de niifum bo' inganɛ wa za'a. Bala zuo, fum niho han ana suŋa, fum iŋa za'a tari niifum mɛ. 23Gee fum niho han ka barɛ, fum iŋa za'a boi la lika puan. Niifum la en boi fum puan la han dɛna lika, lika kaŋa wan ba' sobege!

Kpɛ'ɛnduma ba yi' tarega

(Luki 16.13; 12.22-31)

24“Nɛra kan ta'am tuna bɔ'ɔra kpɛ'ɛnduma bayi', se'ere en sɔi la, a wan ba'afum yaaɛ ayima gee nɔŋɛ ayima, bii a ba' tuna bɔ'ɔra ayima gee bahera ayima. Ya kan ta'am dɛna yameŋa bo' Yinɛ la lɔgerɔ buyina.

Da fabele ya

25“Bala, mam yeti, ya da fabela vom wa yɛla, sɛla ti ya wan di bii sɛla ti ya wan nyu, bii ya iŋa wa yele, sɛla ti ya wan yɛ. Nyɔvore wa ka gani dia, ti inganɛ wa gana futo? 26Bihɛ ya niihe wa en ɛgeri saazuo wa, ba ka buti bii kɛ̃'ɛ̃ra, bii lageha sũna bã puan, gee ya Sɔ en boi saazuo ha wa en diihe ba. Yamam ka tari tibehum gana bana wa? 27Gee ya se'em fabelegɔ wan ta'am dikɛ gogo kaareŋa ayina pa'ahɛ a vom yuure puan? 28Gee ŋwani ti ya fabela futo yɛla? Bihɛ ya mɔpuuro wa n boi bɔ'en wa, ban zo'ore se'em, ba ka tuni, ba ka wugeri futo, 29#1 Nad 10.4-7; 2 Yel 9.3-6 gee n yele ya yeti, la naba Solomɔn la a na'am suŋa la za'a ka ye' mɔpuuo la kuyina suŋa puan na. 30Ti Yinɛ han yɛɛla samana zuo muurɔ en boi zina ma'a gee ti beere ti ba yuuhɛ ba nyɔ, ŋwani ti a kan yɛɛlɛ yamam gaŋɛ bala, sakerɛ pɔ'ɛ ya duma wa? 31Bala zuo, da fabele ya yeti ‘Tu wan di la beni? Bii tu wan nyu la beni? Bii tu wan yɛ la beni?’ 32Sɛba en ka dole Yinɛ la en mu'ɛ nini la yele ana. Gee yelemɛŋerɛ, yamam Sɔ la en boi saazuo ha la pun mina ti ya nari yele ana za'a. 33Gee tugum tiregɛ ya ɛɛra Yinɛ sɔ'ɔlum la puan kɛ̃'a la bu tuuntɔɔ vom la yɛla yia, gee lɔge tuna za'a wan dikɛ pa'ahɛ ya.

34“Bala, da fabela ya beere yele, gee beere mɛŋa wan baŋɛ de mɛŋa yele. Gee zina daaŋɔ la pun seke zina mɛ.

Jelenleg kiválasztva:

Matu 6: GBTP

Kiemelés

Megosztás

Másolás