NAANAA 12

Dikiri ona Abramunɛ à bo a bùsun

1Dikiri pì Abramunɛ:

Ǹ bo n bùsun n danɛnɔ tɛ́ n de bɛa,

ǹ tá bùsu kũ mani mɔnnɛn.

2Mani tó n buri kɛ dasi,

mani arubarika dangu mà n tɔ́ bo,

n kĩnaan onigɔ̃ arubarika len.

3Mani arubarika da gbɛ̃ kũ oni sa mana onnɛnɔn,

mani gbɛ̃ kũ oni sa vãni onnɛnɔ ká.

Andunia buri sĩnda pínki ni arubarika le n gãi.

4Akũ Abramu dà zɛ́n lákũ Dikiri ònɛ nà. Lutu gɛ̀ɛ kãao. A wɛ̃̀ baaakɔ̃ akuri awɛɛsɔɔrode gũn à bò Arana 5kũ a nanɔ Saraio kũ a vĩ̀ni nɛ́ Lutuo kũ ń aruzɛkɛ kũ ò vĩnɔ kũ gbɛ̃ kũ ò sɛ̀ gwenɔ. Lɛn ò bò Arana lɛ ò dà Kanaa zɛ́n. Kũ ò kà gwe, 6akũ ò gɛ̃̀tɛ bùsuu pìn ari ò kà Mɔre gbiri lí kĩnaa Sɛkɛmu. Kanaanɔn kú bùsuu pìn gɔrɔ birea. 7Akũ Dikiri bò à sù Abramua à pì: Mani bùsu dí kpá n burinɔamɛ. Akũ à Dikiri gbagbaki bò gwe. 8Kũ à fùtɛ gwe, à mìi pɛ̀ kpi kũ ò kú Bɛtɛli ifãboki kpanɔa, akũ à bùraa kàtɛ gwe, Bɛtɛli kú ifãlɛtɛ kpa, Ai kú ifãboki kpa. À Dikiri gbagbaki bò gwe dɔ, akũ à a sìsi. 9Akũ à dà zɛ́n dɔ à mìi pɛ̀ Nɛgɛvia.

10Kũ nàa kà bùsuu pìn, akũ Abramu gɛ̀ɛ gɔrɔ pla kɛ Misila, zaakũ nàa pìi gɛ̃̀ ɔla. 11Kũ à kà kãni kũ Misilao, à pì a nanɔnɛ: Má dɔ̃ nɔ manamɛ n ũ. 12Tó Misilanɔ n e, oni pi ma nanɔmɛ n ũ, oni ma dɛ oni n tó. 13Ǹ pińnɛ ma dãremɛ n ũ de ò ma sí ɔplapla n yãi. Lákũ ĩni ma mì sí nàn gwe. 14Kũ ò kà Misila, Misilanɔ è nɔgbɛ̃ pì mana gɛ̃̀. 15Kũ Misilanɔ kína Firi'auna ìbanɔ a è, ò a mana gɔ̃̀gɔ̃nɛ, akũ ò a sɛ̀ ò gɛ̃̀ kãao Firi'aunanɛ a bɛa. 16Akũ à Abramu gwà manamana a yãi, à sãnɔ kpàa kũ zùnɔ kũ zaakinɔ kũ gɔ̃gbɛ̃ zĩkɛrinɔ kũ nɔgbɛ̃ zĩkɛrinɔ kũ lakuminɔo. 17Akũ Dikiri gyã pãsĩnɔ kà Firi'aunagu kũ a bedenɔ Abramu nanɔ pì yãi. 18Akũ Firi'auna Abramu sìsi à pìnɛ: Bɔ́ yã n kɛ̀mɛnɛ gwee? Bɔ́ yã mɛ́ à tò ńdi omɛnɛ kũ n nanɔnloo? 19À kɛ̀ dera n pì n dãremɛ, akũ ma a sɛ̀ nɔ ũu? N nɔn di! Ǹ n pɔ́ sɛ́ ǹ táo. 20Firi'auna yã ò a gbɛ̃nɔnɛ Abramu yã musu, akũ ò gɛ̀ɛ ò zɛ̀nɛ kũ a nanɔo kũ a aruzɛkɛnɔ pínki.

Jelenleg kiválasztva:

NAANAA 12: BB2005

Kiemelés

Megosztás

Másolás

Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be

Tudj meg többet a következőről: Bisã Bible 2005

Népszerű bibliai igeversek innen:
NAANAA 12

Videó: NAANAA 12

Áttekintés: Teremtés könyve 12–50. fejezetek (Mózes első könyve | Genezis)

BibleProject

NAANAA 12

Népszerű bibliai igeversek innen:
NAANAA 12

Videó: NAANAA 12

Áttekintés: Teremtés könyve 12–50. fejezetek (Mózes első könyve | Genezis)

Biblia:

Busa

Fordítás: Bisã Bible 2005 - BB2005

NAANAA 12

NAANAA 12

Népszerű bibliai igeversek innen: NAANAA 12

Videó: NAANAA 12

Áttekintés: Teremtés könyve 12–50. fejezetek (Mózes első könyve | Genezis)

Biblia:

Busa

Fordítás: Bisã Bible 2005 - BB2005

NAANAA 12

Népszerű bibliai igeversek innen:
NAANAA 12