Génesis 2
2
Yai Bada tänö 7 tä a̦fa
jalu shomi lä wäqueno wei tä a̦
1Inaja tä jaba fa cublalunö, bluca täbä lä cule täbä tablaö jödödölayoma. Judu mösö ma cui, bita a ma cui, ö̦jö tä bluca befi ca̦i jödödöblaliyoma. 2Tä bluca fa cobeblalönö, 7 tä mö jalu lä cublaliyono wei däjä, Yai Bada a ojodamou waicoma. A ojodamou fa waiconö, a yanöcöblaliyoma.
3Inaja tä fa cuonö, 7 tä jalu lä cui, tä nofi jalu tabobeje, tä tablamalema. 7 tä mö jalu cublou däjä, täbä bluca lä bädamaleno wei täbä ja, cama a jaba ojodamou fa yanöcöblalunö, 7 tä a̦fa jalu shomi wäa showaquema, tä mö jalu yaiobä.
4Inaja Yai Bada a jaba fa cuaanö, judu mösö tablalema. Bita a ca̦i tablaö mö fedulayoma.
Edena täca jamö, cäcöbö yanowamö lä bälömaqueno
wei tä a̦
Jeobaa a lä bufiblamou wei a lä cuinö, judu mösö lä tablaleno wei däjä, mashita a ca̦i lä tablaleno wei däjä, 5täbä bluca lä cauu wei bä jaba wawäblonomi. Täbä lä döamou wei täbä jaba ca̦i caunomi. ¿Ö̦jö tawä? Jeobaa a lä bufiblamou wei a lä cuinö, maa a jaba quemaö fa mlacunö täbä caunomi. Nii bä döabä, a yanowamö ca̦i cuo balöono malä mlai. 6Maa a queno ma mlai ma cui, cama mashita a jele faö fa bädaonö, a ulifi bluca jäläläoma.
7Ö̦jö lä däjä, Jeobaa a lä bufiblamou wei a lä cuinö, mashita a fa jumöblalönö, yanowamö bei a tablalema. Ö̦jö däjä, a demi cuobä, bei fi̦yocacö fa jolashimanö, cama a fö̦shöacönö a demi cublaliyoma.
8Ö̦jö däjä, Jeobaa a lä bufiblamou wei a lä cuinö, Edena jamö ficali täca bada tablalema. Motoca a lä juimaö wei jamö, täca tablaö mö culayoma. Ö̦jö täca jamö, wa̦lo a jaba lä jumöblaleno wei a bälömaquema.
9Ö̦jö täca jamö, Jeobaa a lä bufiblamou wei a lä cuinö, defibä bluca famalalema. Defibä lä liyäjei defibä ca̦i, defibä nö lä nijiaö wei defibä bluca ca̦i famalalema. Täbä demi cuo shi wa̦libä, möamo täca jamö, ba̦limiblamodima defi ca̦i famalema. Nö wa̦lidiwä ö̦jöböamodima defi ca̦i mö feduwä showawä.
Edena täca jamö mau u
bada lä caläno wei tä a̦
10Edena täca jamö mau u bada jayuoma, ulifi a jäläläobä. Ö̦jö u lä jayube u ola sheleloma. U fa sheleleblalunö, 4 ubä shelele cuoma. 11Ai u shelele lä cui, Bisoni u a̦fa cua, Abila tä ulifi jamö u shoqueaö jödödou lä cuaaö wei cou.
Ö̦jamö lä olo bä cublawä. 12Ö̦jö tä ulifi jamö bä olo dodijidawä fe balojowä. Nö cle̦deli defibä ca̦i shu̦u cublawä. Maa mabä oni lä liyäjäi mabä ca̦i, mabä nowa wai lä bluca wei. 13Ai u shelele lä cui, Quioni u a̦fa cua, Cusi tä ulifi jamö u shoqueaö jödödou lä cuaaö wei cou. 14Ai u shelele lä cui, Dicli u a̦fa cua mö fedua, Asilia tä ulifi lu̦locu jamö u lä jayuo wei cou, motoca a lä juimaö wei tä mashi jamö. Ai jödödö u lä cui, Euflade bei u a̦fa cua mö fedua lä cule.
Yanowamö a lä yömölaleno
wei tä a̦
15¿Ö̦jö tawä? Edena täca jamö, Jeobaa a lä bufiblamou wei a lä cuinö, a wa̦lo bälömaquema. A nö döobä a bälömaquema, täca nofi tabobä. 16A fa bälömacönö, abinaja a nowa tama.
—Ei täca jamö, bluca defibä lä cule defibä ja, a da iya. Wa iyabä defibä malä cui. 17Ö̦jö ma cui, nö wa̦lidiwä ö̦jöböamodima defi ja, täcö wa dijä. Ö̦jö defi ja wa täcö waö ja, ö̦jö däjä showawä wa nia nomaö —a nowa tama.
Suwä a lä tablaleno wei tä a̦
18Ö̦jö däjä, Jeobaa a lä bufiblamou wei a lä cui, a wa̦ fama.
—Ei a wa̦lo shinoco cuo däjä, tä doblaami. A bayeliobä, ya e mashi nia tablaö —a cuma.
19Ö̦jö cudeenö, mashita bä ja bä yalo bluca lä jumöblaleno wei bä a̦fa jilamabä, wa̦lo nija Jeobaa a lä bufiblamou wei a lä cuinö, bä ca̦i waloquema. Bä yalo bluca lä juu wei, bä bluca lä yäö wei bä ma cui, ö̦jö bä ca̦i bluca waloquema. Ö̦jö däjä, yanowamö a lä cuinö, bä a̦fa bluca jilaa lä taqueno weinaja, bei bä a̦fa bluca cublou showalayoma. 20Yalo bä lä tabou wejei bä ma cui, ulifi jamö bä lä juu wei bä ma cui, bä lä yäö wei bä ma cui, bä a̦fa bluca jilaa showaquema.
Bä yalo bluca fa dalalönö, bä a̦fa bluca ma jilaqueno wei ma cui, cama wa̦lo a bayeliobä, a mashi dablonomi showawä. 21A cuonomi yalo, Jeobaa a lä bufiblamou wei a lä cuinö, a wa̦lo mia sublamaquema. A mia fa sublamacönö, bei lebona fu̦ fa ucälänö, bei sicö shomlaa co̦maquema. 22Ö̦jö däjä, Jeobaa a lä bufiblamou wei a lä cuinö, wa̦lo a lebona fu̦ lä ucäleno wei lebona fu̦ ja, suwä bei a tablalema. A fa tablalönö, wa̦lo a nija, suwä a ca̦i waloa showaquema.
23Suwä a ca̦i fa waloicunö, wa̦lo a shi dolayoma.
—¡Ei camiyä ya mashi dodijiwä! Camiyä ya u ja, a tablamolayoma a dodijiwä malä cui. Camiyä ya ya̦jicö ca̦i malä showai. Camiyä wa̦lo ya nija a jocämolayoma yalo, suwä a wa̦fa cuobä—a wa̦lo cuma.
24Inaja a jaba cuaama yalo, täbä doayou däjä, täbä shelelou nodiablalou showawä. Bä fö̦ö nijamö, bä nöö nijamö, bä jaba ma cublamou wei ma cui, bei suwäbö bä nia fa ajedemabojenö, bä sheleleblou majöo, moli bä cublobä.
25¿Ö̦jö tawä? Adana, bei suwäbö e sho, cäcöbö jaba shinoco cuoma ma cui, cäcöbö quilinomi.
Jelenleg kiválasztva:
Génesis 2: GUU
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
©2012, All Rights Reserved
