Génesis 23
23
Sarata pampananpä chakrata Abraham rantinqan
1Pachak ishkay chunka qanchis (127) watayuq kanqanyaqmi Sara kawarqan. 2Quiriat-arbachö kaykarmi Sara wanurqan. Quiriat-arbapa jukaq jutinmi kaykan Hebrón. Tsayqa kaykan Canaánchömi. Sara wanuskiptinmi Abraham pasaypa waqar lüturqan. 3Warmin sutaraykaptinmi Abraham aywarqan heteo runakunawan parlananpä. Chaykurnam nirqan: 4<<Musyayanqaykinöpis jäpa runa karmi#Heb. 11.9, 13. juk sepultürata rantikayämänaykipä shamurqü tsayman warmïta pampanäpä>>.#Hech. 7.16.
5Tsaynö niptinmi heteo runakuna niyarqan: 6<<Taytay, qamqa noqakunachö kanki Tayta Dios akranqan runam. Warmikitaqa mas allinnin kaq sepultüraman pampay. Noqakunaqa manam mayqäpis michäyäshaykitsu mayman pampaptikipis>>.
7Tsaynö niyaptinmi heteo runakunapa puntanman Abraham qonqurikuykur 8nirqan: <<Warmïta pampanäpä rasunpa awniyämarqa Zoharpa tsurin Efrónta rugapaykayällämay 9Macpela chakran kuchunchö kaykaq machayta rantikamänanpä. Aykata mañamaptinpis pägalläshämi. Tsaynö rantiptïrämi kikïpäpis sepultürä kanqa>>.
10Marka mayinkuna y tsaypa päsaqkunapis wiyayänanpämi markaman yaykuna punkuchö Abrahamta Efrón nirqan: 11<<Taytay, rantikunäpa trokin chakrantinta tsay machayta sepultüraykipä qaraykushayki. Marka mayïkunapa puntanchömi qaraykü. Tsay machayman warmikita pampay>>.
12Tsaynö niptinmi runakunapa puntanchö Abrahamqa yapay qonqurikuykurqan. 13Tsaypitanam llapanpis wiyayänanpä Efrónta nirqan: <<Taytay, rugakunqäta wiyaykallämay. Tsay machaypa preciunta chaskimaptikirämi warmïta tsayman pampashä>>.
14Tsaypitanam Abrahamta Efrón nirqan: 15<<Taytay, wiyaykallämay. Tsay chakrapa chaninqa chusku pachak (400) siclo qellaymi.#23.15 Juk siclo qellayqa juk killa arur gänanqannömi karqan. Tsayllapäqa ¿imapänatä parlashunpis? Tsayman warmikita pampay>>.
16Tsaymi Abrahamqa chakrapa chaninta mañanqannölla heteo runakunapa puntanchö qellayta pësaypa chusku pachak sicluta Efrónta pägarqan. 17Tsaynöpam Efrónpa chakran y tsaychö kaykaq machaypis y muntikunapis Abrahampana karqan. Tsay chakraqa Mamripa chakranpita rupay yarqamunan lädupam kaykan. 18Abraham rantinqantaqa rikayarqanmi tsaychö kaykaq heteo runakuna y marka punkupa päsaq runakunapis.
19Tsaynö rantiskirnam warmin Sarata Macpelachö machayman Abraham pamparqan. Tsay chakraqa kaykan Mamripa chakranpita rupay yarqamunan lädupam. Tsay partipa jukaq jutinmi Hebrón. Tsayqa kaykan Canaánchömi. 20Tsaynöpam chakrapis machaynintin Abrahampana karqan. Tsay chakrataqa heteo runakunam rantikuyarqan Abrahampis y castankunapis tsaychö pampakuyänanpä.
Jelenleg kiválasztva:
Génesis 23: qxo
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© 2002, 2008, Wycliffe Bible Translators, Inc. All rights reserved.
