Naanearü ügüchiga 10
10
Noétanüxü̃chiga
(1 Cr. 1.5-23)
1Rü Noé nanegü nixĩ ga Chéü̃, rü Cáü̃ rü Yapéx. Rü wüxichigü ga gumá nanegü rü nixãne nawena ga gumá mucü ga taxüchicü.
2Rü Yapéx nanegü nixĩ ga Góme, rü Magóx, rü Madái, rü Yabáü̃, rü Tubáx, rü Méche rü Tirá.
3Rü Góme nanegü nixĩ ga Aquená, rü Rifáx, rü Togamá.
4Rü Yabáü̃ nanegü nixĩ ga Erichá, rü Tárchix, rü Quitíü̃ rü Rodaníü̃.
5Rü yema Yapéxtanüxü̃ nixĩ ga márpechinügügu ãpatagüxü̃. Rü wüxichigü ga natücumü rü nügümaxã nüxü̃́ nayexma ga noxrütama naane ga nagu naxãchiü̃güxü̃. Rü nagawachigütama nidexagü.
6Rü Cáü̃ nanegü nixĩ ga Cúx, rü Mirayíü̃, rü Fúx rü Canaáü̃.
7Rü Cúx nanegü nixĩ ga Chebá, rü Abirá, rü Chaxtá, rü Raamá rü Chaxtecá. Rü Raamá nanegü nixĩ ga Chebá rü Dedáü̃.
8Rü nüma ga Cúx rü Nimróx nanatü nixĩ. Rü nüma ga Nimróx nixĩ ga duü̃xü̃gütanüwa nüxíraü̃cü ga yatü ga poraxüchicü ga ñoma i naanewa.
9Rü nüma ga Nimróx rü Tupanape̱xewa rü naeü̃güarü dairuxü̃ ga poracü nixĩ. Rü ngẽmawa ne naxũ i ñaa ore i ñaxü̃: “Nĩmróxrüxü̃ Tupanape̱xewa naeü̃güarü dairuxü̃ ga poracü nixĩ”, ñaxü̃.
10Rü guma ĩanegü ga itaxü̃ne ga Nimróxme̱xẽwa yexmagüne rü ĩanegü ga Babé rü Érex, rü Acáx rü Canéx nixĩ. Rü guma ĩanegü rü naane ga Chináxwa nayexmagü.
11-12Rü nüma ga Nimróx rü Chináxanewa ínaxũxũ, rü Achíriaanewaama naxũ. Rü yexma nanaxü ga guma ĩanegü ga Nínibe, rü Reobóx-ix, rü Quéla. Rü ñu̱xũchi guma ĩanegü ga Nínibe rü Rechéü̃arü ngãxü̃gu nanaxü ga guma taxüchine ga ĩane ga Rechéü̃.
13-14Rü Mirayíü̃wa nangóe ga Ludéugü, rü Anaméugü, rü Leabígü rü Natuígü, rü Patruchéogü, rü Cachuígü, rü ñu̱xũchi Caftorígü. Rü yema Caftorígüwa nixĩ ga nangóexü̃ ga Firitéugü.
15-19Rü Canaáü̃ nixĩ ga nanatü ga Chidóü̃ ga nüxíraü̃cü ga nane. Rü nai ga nane nixĩ ga Éx. Rü Canaáü̃wa nangóe ga Yebuchéugü, rü Amoréutanüxü̃, rü Guerguechéugü, rü Ebéugü, rü Arachéugü, rü Chinéugü, rü Arbadéugü, rü Chemaréugü rü Amatéugü. Rü yixcama ga guxü̃ma ga yema Canaáü̃tanüxü̃ rü nügüna nixĩgü. Rü yema norü naane ga nawa nayexmagüxü̃ ga Canaáü̃tanüxü̃, rü ĩane ga Chidóü̃wa inaxügü rü Gueráxanemaxã nangau rü ñu̱xmata ĩane ga Gáchawa nangu. Rü yéma rü ĩanegü ga Chodóma, rü Gomóra, rü Axmá, rü Cheboíü̃wa nada rü ñu̱xmata ĩane ga Léchawa nangu.
20Rü yemagü nixĩ ga Cáü̃tanüxü̃. Rü wüxichigü ga natücumü rü nügümaxã nüxü̃́ nayexma ga noxrütama naane ga nagu naxãchiü̃güxü̃. Rü nagawachigütama nidexagü.
21Rü Chéü̃ nixĩ ga Yapéx naenexẽ ga rüyamaecü. Rü nüma ga Chéü̃ rü ta nüxü̃́ nayexma ga nanegü. Rü guxü̃ma ga yema Ébe nanegü rü Chéü̃ nataagü nixĩ.
22Rü Chéü̃ nanegü nixĩ ga Eráü̃, rü Achúx, rü Arpacháx, rü Lux rü ñu̱xũchi Aráü̃.
23Rü Aráü̃ nane nixĩgü ga Úx, rü Yúx, rü Guétex rü ñu̱xũchi Máx.
24Rü Arpacháx nixĩ ga Chéra nanatü, rü nüma ga Chéra rü Ébe nanatü nixĩ.
25Rü yixcamaxü̃ra ga Ébe rü taxre ga nane nüxü̃́ nayexma. Rü yema wüxi ga nane rü Pérex nixĩ ga naéga, yerü yexgumaü̃cüxü ga duü̃xü̃gü ga ñoma ga naanecüã̱xgü rü nügü nitoye. Rü Pérex naenexẽ rü Yoxtáü̃ nixĩ ga naéga.
26-30Rü Yoxtáü̃ nanegü nixĩ ga Amodáx, rü Chérex, rü Achá-mabéx, rü Yéra, rü Adoráü̃, rü Ucháx, rü Dicára, rü Obáx, rü Abimaé, rü Chebá, rü Ofí, rü Abirá, rü Yobáx. Rü guxü̃ma ga yema rü Yoxtáü̃ nanegü nixĩ. Rü yema naane ga nagu naxãpatagüxü̃ rü Mecháanewa inaxügü rü ñu̱xmata Chepáxane ga máxpüxanexü̃ ga éstewaama yexmaxü̃wa nangu.
31Rü yemagü nixĩ ga Chéü̃tanüxü̃. Rü wüxichigü ga natücumü rü nügümaxã nüxü̃́ nayexma ga noxrütama naane ga nagu naxãchiü̃güxü̃. Rü nagawachigütama nidexagü.
32Rü yemagü nixĩ ga Noé nanegütaatücumügü. Rü yemaacü nixĩ ga nügütücumüchigü nügü inanuxü̃ ga norü naanewa. Rü gumá mucü ga taxüchicüwena rü ñoma i naanewa nügüna naxĩgü, rü yemaacü nango̱x ga nachixü̃anegü ga ñoma i naanewa.
Jelenleg kiválasztva:
Naanearü ügüchiga 10: tcaP
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© 2022, Wycliffe Bible Translators, Inc. All rights reserved.
