Matai 3
3
Yohani Untasi nindumi yake
(Mar. 1,1-8; Luk. 3,1-17; Yoh. 1,6-28)
1Popapo mmasiku gala alinkuboneka Yohani Umosi, alinku-
2lumbilila ndukubo lwa mu-Yudai, alinkuti: Amupindu-
3kege, buno ubutwa bwa kumwanya busegelile. Namanga uyu, yo uyu ayobigwe nunkunguluka Yesaya apa atigi:
Ilisyu lya nkoleli likukolela ndukubo;
Amutendekesyege injila ya Ntwa,
Mugolosyege imisebo gyake.
4Umwene Yohani ali nago unselekesye gwa lusyoya lwa ngamila, numpango gwa lukoba munsana; ifindu fyake gali go mapa-
5lalila nuluki lwa mmatengele. Popapo balinkunkulukila aba mu-Yerusalemu naba mu-Yudai bosa, naba nkisu kyosa kya
6ndubafu mwa Yordani; umwene alinkubosya ndwisi mwa-
7Yordani, bo bikwilata imbibi syabo. Lelo bo ababwene abaFarisai nabaSadukai ba bingi bikwisa kulosyo lwake, alinkubabula alinkuti: Mwe luko lwa njoka umwe, ywani
8abasokile umwe ukusibopa ingalalisi isi sikwisaga? Mulipaga
9lelo iseke isi sibagisenie nulupinduko; kangi munginogonaga mundumbula syinu ukuti: Tuli na tata Abrahamu, buno nikubabula une nikuti: Kyala abagile ukunsumukisya amabwe
10aga Abrahamu ukuya banake. Indwanga yibikigwe ngani pafikolo fya mipiki; lelo umpiki gosa ugu gutikupa iseke
11inunu, go gukutumuligwaga nukusopigwa mmoto. Une ne gwaki ne nikubokesya ga misi ga lupinduko, loli uyu ikwisaga munyuma mmyangu, yo angindile une amaka; yo ngabagila nukumpimbila ifilato fyake; umwene yo isakubokesyaga na
12Mbepo Mwikemo numoto. Yo ali nulupetelo nkiboko kyake, isakupyagilaga ikipalo kyake, isakubunganikisyaga ingano nkituba, loli unkupili go isakugukosyaga numoto ugu gutikusimamo.
Ukosigwa kwa Yesu
(Mar. 1,9-11; Luk. 3,21-22; Yoh. 1,31-34)
13Popapo Yesu alinkufuma mu-Galilai, alinkubuka pa-
14Yordani kwa Yohani, ukuti yo akamosyege. Loli umwene alinkulonda ukunkanisya alinkuti: Une nabagile ukosigwa
15nanungwe, kangi nungwe kwisa kumyangu? Yesu alinkwamula alinkuti: Itikaga sisisi lilino, buno kumbagile ukubu-
16malisya ubugolofu bosa; popapo alinkumwitikisya. Umwene Yesu bo osigwe, alinkufyuka nakalinga ukufuma mmisi; popapo kumwanya kulinkwiguka, alinkumbona Mbepo gwa
17Kyala ikusololoka ukuti ngunde ikwisa pamyake. Ilisyu lilinkufuma kumwanya lilinkuti: Uyu yo Mwanangu unkundwe, uyu nikyelile nagwe.
Jelenleg kiválasztva:
Matai 3: NYY
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Nyakyusa Ngonde New Testament (Ulwitikano Ulupya) © United Bible Societies, 1966.
