Matai 15
15
Yesu ikwamula kuli aba bikuti, bikukilania inyiho
(Mar. 7,1-23)
1Popapo balinkwisa kwa Yesu abaFarisai nabamanyakalata aba bafumile mu-Yerusalemu, balinkuyoba
2balinkuti: Fiki abafundigwa bako bikukilania inyiho sya ba mbukulu? Buno batikusugusula mmaboko bo bikulya ifindu.
3Umwene alinkwamula alinkuti: Nongwa ya fiki umwe mukukilania ulukomelesyo lwa Kyala panongwa ya nyiho syinu?
4Namanga Kyala alagile ukuti: Mwimike uguso nunyoko, kangi, uyu linga ikuntuka ugwise pamo unna yo fikuti afwege
5naloli. Loli umwe mukuti: Gwesa uyu linga ikuyoba kugwise pamo kunna ikuti: Kosa aka gwabagile ukukaba
6kumyangu ko kabupe kwa Kyala, po akabagila ukuti amwimikege ugwise nunna. Bunobuno mukulipela lya itolo ilisyu
7lya Kyala nulwiho lwinu. Mwe basyobi umwe, atalwisye Yesaya apa akungulukaga isyinu umwe apa atigi:
8Abandu aba bikunyimika na gi milomo,
Loli indumbula syabo sili pabutali nanine;
9Ukungwila ulupi kwabo kwa itolo,
Bikumanyisya imanyisyo isi syo ngomelesyo sya bandu.
(Mar. 7,14-23)
10Popapo alinkukibilikila ikilundilo alinkuti: Amupilikisyege
11musyaganiege: Kakaya ko aka kikwingila nkanwa aka kikunnyasya umundu, loli aka ikusoka nkanwa ko aka ikunnya-
12sya umundu. Popapo abafundigwa bake balinkwisa kumyake balinkumbula balinkuti: Umenye ukuti abaFarisai bo bapi-
13like ilisyu lila bikinyile? Umwene alinkwamula alinkuti: Kosa aka kakabyaligwa na Tata ugwa kumwanya kisaku-
14nyukuligwaga. Amubaleke; bababa bo bafwamaso aba bikubalongosya abafwamaso abinabo. Apa linga umfwamaso ikundongosya umfwamaso unnine, po bosa bo babili bikubu-
15lutukila mbwina. Popapo Peteri alinkwamula alinkuti:
16Tulinganie ikifwanikisyo iki. Umwene alinkuti: Nanumwe
17mukali mukaya namahala na ulu? Mutikusyagania ukuti kosa aka lukwingila nkanwa kikukinda mbula nukutagigwa
18kulisu? Loli ifi fikusoka nkanwa Akufuma mundumbula, fyo
19ifi fikunnyasya umundu. Namanga mundumbula mo mumo sikufumamo inyinogono imbibi, ubugogi, ubulogwe, ubuha-
20hani, ubuhiyi, nubuketi bwa butungulu, namahelu. Fyo ifi fikunnyasya umundu; loli isya kulya namaboko amanyali sitikunnyasyamo umundu.
Ukubumbulusigwa undindwana gwa kikolo kya bapanja
(Mar. 7,24-30)
21Popapo Yesu alinkusokako, alinkubuka nkisu kya Tiri na
22Sidoni. Popapo unkikulu unKanani uyu afumile nkisu mumo, alinkukolela alinkuti: Ulimbakisyaga gwe Malafyale gwe nnya Davidi; unwanangu undindwana imbepo inyali
23yinkolile fiyo. Umwene alinkusita nukumwamula nalimo. Popapo abafundigwa bake balinkwisa kumyake balinkunsuma balinkuti: Nsosyepo abukege, buno ikutusingula munyuma.
24Umwene alinkwamula alinkuti: Ngatumigweko kubungi, loli
25kwene kungʼosi isobi isya nnyumba ya Israeli. Umwene unkikulu alinkwisa alinkumbungulukila alinkuti: Malafyale,
26ulindula. Yesu alinkwamula alinkuti: Kukaya kununu
27ukwega ifindu fya bana nukutusopela utubwa. Loli unkikulu alinkuti: Ena, Malafyale, buno na tu tubwa tukusala utubululukisya utu tukusatuka ukufuma pakitalati kya mwenenato.
28Umwene Yesu alinkumwamula alinkuti: Gwe nkikulu, ulwitiko lwako lukulumba, asikwisilege bo mumo kulondela. Popapo umwanake alinkubumbuluka pakabalilo kako.
Ba bingi bikubumbulusigwa
(Mar. 7,31-37)
29Popapo Yesu alinkusokako, alinkwakufika pambali panyanja ya Galihi; alinkufyuka pakyamba po alinkwitugasya. Ifilu-
30ndilo fi fingi filinkunkulukila, filinkuntwalila aba bamyonyokaga, aba bakwemaga, abafwamaso, aba bali kinunu, nabangi ba bingi, balinkubabika mmalundi gake, umwene alinku-
31babumbulusya. Bunobuno ikilundilo kilinkuswiganika bo kyagile aba bali kinunu bikuyoba, aba bakwemaga baponile, aba bamyonyokaga bikwenda, nabafwamaso bikuketa. Balinkuntufya Kyala gwa Israeli.
Ukuswiligwa kwa bandu baelifu bana (4,000)
(Mar. 8,1-10)
32Popapo Yesu alinkubabilikila abafundigwa bake alinkubabula alinkuti: Ikisa kinyagile une panongwa ya kilundilo, buno balindile nanine amasiku matatu, kangi bakaya nafyo nafimo ifyakulya; ndikulonda ukuti mbasumusye ukubuka kumyabo kisita kubaswila, ukuti bangisakufwa ulusyu munjila.
33Abene abafundigwa bake balinkumbula balinkuti: Tufyage kugu ndukubo muno ifindu ifya kukifwana ikilundilo kyosa
34iki? Umwene Yesu alinkuti: Muli nafyo ifisyesye filinga?
35Balinkuti: Fihano na fibili nutuswi tumo. Alinkulagila ukuti
36abandu ikilundilo kyosa batugasye pasi. Popapo alinkwega ifisyesye fihano na fibili fila nutuswi tula, alinkugwa ulupi, alinkumenyania, alinkubapa abafundigwa; abene abafundigwa
37balinkufipa ifilundilo. Bosa balinkulya balinkwikuta. Popapo balinkusala utumenya utu twasyele, balinkwisusya ifibo
38fihano na fibili. Abene aba balile bali pa baelifu bana (4,000)
39abanyambala, kisitakubala abakikulu nabana. Lelo bo afisumwisye ifilundilo, alinkwipaka mwiboti, alinkubuka nkisu kya mu-Magadani.
Jelenleg kiválasztva:
Matai 15: NYY
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Nyakyusa Ngonde New Testament (Ulwitikano Ulupya) © United Bible Societies, 1966.
