Matai 13

Ikifwanikisyo kya nsopambeyu

(Mar. 4,1-9; Luk. 8,4-8)

1Musi gugo Yesu alinkusoka nnyumba, alinkwakutu-

2gala pambali panyanja. Ifilundilo ifikulumba filinkumbunganila, bunobuno alinkwipaka mwiboti, mo alinkutu-

3gasya; ikilundilo kyosa kilinkwima pisilya. Popapo alinkubabula si nyingi mfifwanikisyo alinkuti: Keta, lumo unsopa-

4mbeyu alinkusoka ukubuka kukusopa imbeyu. Lelo bo ikusopa, yimo yilinkwakugwa munjila; popapo silinkwisa

5injuni, silinkusala silinkumala. Loli iyingi yilinkugwa pakisu kya mabwe apa gukalipo umfu mwingi, yilinkusita nukuhaba

6ukumela papo umfu gukali mwingi; loli bo ilisuba lifyukile

7yilinkupya, kangi papo yikali nimisi, yilinkuma. Yimo iyingi yilinkwakugwa mmifwa, igyene imifwa gilinkukula gilinku-

8yisoma. Iyingi loli yilinkwakugwa pakisu ikinunu, yilinkupa iseke, yimo amalongo kalongo, yimo amalongo ntandatu,

9iyingi amalongo matatu. Uyu linga ali nasyo imbulukutu yo alipilikaga.

Mbubombelo ififwanikisyo

(Mar. 4,10-12; Luk. 8,9-10)

10Popapo balinkwisa abafundigwa balinkumbula balinkuti:

11Nongwa ya fiki kubabulila mfifwanikisyo? Umwene alinkubamula alinkuti: Papo umwe mupegigwe ukusyagania isya mbutitu isya butwa bwa kumwanya, loli abene bakapegigwa.

12Buno uyu ali nako, yo isakupegigwaga fisakulefukaga itolo. Loli uyu linga akaya nako, yo isakupokigwaga nakako ali

13nako. Ko kuno nikubabulila mfifwanikisyo ukuti: Napa linga bikuketa batikusibonaga, napa linga bikupilika, batiku-

14pilikaga nukusyagania. Bunobuno sikubisilaga isi akungulukege Yesaya apa atigi:

Ukupilika ko mukupilikaga, loli mutikusyaganiaga,

Ukuketa ko mukuketaga, loli mutikusibonaga.

15Buno indumbula sya bandu aba sipelile sito,

Imbulukutu syabo sili namapuli ukupilika,

Kangi amaso gabo gasisilile;

ukuti bangaketaga namaso,

Bangapilikaga nimbulukutu,

Bangasyaganiaga nindumbula, bangisakupindukaga,

Ukuti nisembabumbulusye.

16Loli masangalufu amaso ginu papo gikuketa, nimbulukutu

17syinu papo sikupilika. Naloli nikubabula umwe nikuti: Abakunguluka nabagolofu ba bingi banyonywaga ukusibona isi mukusiketa loli balinkusita nukusibona, nukupilika isi mukupilika, loli balinkusita nukupilika.

Yesu ikulingania ikifwanikisyo kya nsopambeyu

(Mar. 4,13-20; Luk. 8,11-15)

18Umwe lelo amupilikisye ikifwanikisyo kya nsopambeyu.

19Gwesa uyu linga ikulipilika ilisyu lya butwa, linga atikulyagania, po ikwisa umbibi ikulinyaka ili lisopigwe mundu-

20mbula yake; uyu yo uyu asopigwe munjila. Loli uyu asopigwe pakisu kya mabwe, yo uyu ikwaga apilike ilisyu, naka-

21linga ikulyambilila nulusekelo; loli apa akaya nunsi mmyake, po ikuyako akabalilo kanandi itolo; lelo linga ubutolwe nubufwimigwa lisile panongwa ya isyu, nakalinga itolo atikuhaba

22ukugwa. Yope uyu asopigwe mmifwa, yo uyu ikwaga apilike ilisyu, loli ukwikolania nisya nkisu, nubusyobi bwa kyuma,

23fikulipita ilisyu, po litikupa iseke. Loli uyu asopigwe pakisu ikununu, yo uyu ikwaga apilike ilisyu nukulyagania, yo uyu naloli ikupa iseke, yumo amalongo kalongo, yumo amalongo ntandatu, yumo amalongo matatu.

Ikifwanikisyo kya ndulwe

24Alinkubapa ikingi ikifwanikisyo alinkuyoba alinkuti: Ubutwa bwa kumwanya bufwene numundu uyu asopaga imbeyu

25inunu mungunda gwake; loli bo abandu bagonile utulo, undugu gwake alinkwisa nukusopamo undulwe mungano,

26alinkubuka. Lelo bo yimelile imbeyu nukupa iseke, po

27gulinkuboneka gope undulwe. Popapo abatumwa balinkwisa balinkumbula umwenekaya balinkuti: Malafyale, yikali yo mbeyu inunu iyi gwasopile mungunda gwako? Gufumile

28kugu lelo undulwe? Umwene alinkubabula alinkuti: Yo ndugu uyu abombile sisisi. Popapo abatumwa balinkumbula

29balinkuti: Bule kulonda ukuti tubuke tukipe? Umwene alinkubabula alinkuti: Himma, bo mukwipa undulwe, mwisa-

30kwipila lumo ningano. Amufileke fikulanile pamopene fifikepo pantondolo; pakabalilo ka ntondolo, nisakubabulaga abatondoli nisakutigi: Amwipege tasi gu ndulwe, mugupinyege mungose ukuti mugukosye; loli ingano yo muyibunganikisyege nkituba kyangu.

Ififwanikisyo fya kaseke ka masaka nunkese

(Mar. 4,30-34; Luk. 13,18-21)

31Alinkubapa ikingi ikifwanikisyo alinkuyoba alinkuti: Ubutwa bwa kumwanya bufwene bo akaseke ka mutaka, aka

32umundu alyegile nukusopa mungunda gwake. Namanga akene ko kanandi ukusikinda imbeyu syosa, loli linga kakulile, kikuya kakulumba ukukinda amaseke gosa, ikwipela ukuya mpiki, bunobuno ninjuni sya kumwanya sikwisa nukutenga ififumbwa musamba syake.

33Alinkubabula ikingi ikifwanikisyo alinkuyoba alinkuti: Ubutwa bwa kumwanya bufwene nunkese ugu unkikulu alyegile nukongania nubufu imbepe#imbepe: bamo bikuti imbapike. itatu, popapo bulinkukalipa bosa itolo.

34Syosa sisisi Yesu alinkuyobela mfifwaniisyo kufilundilo,

35akababulaga nasimo kisita ifwanikisyo; ukuti mo simalikilege sisyo syayobeligwe munkunguluka apa atigi:

Nisakwinulaga undomo gwangu nukuyobela mfifwanikisyo,

Nisakulataga sisyo syafisigwe ukufuma mu mbwandilo bwa kisu.

Yesu ikulingania ikifwanikisyo kya ndulwe

36Popapo alinkubika ifilundilo, alinkwingila nnyumba. Abafundigwa bake balinkwisa kumyake, balinkuyoba balinkuti: Utulinganie ikifwanikisyo kya ndulwe mungunda.

37Umwene alinkubamula alinkuti: Uyu ikusopa imbeyu inunu

38yo Nnyamundu; ugwene ungunda kyo kisu; imbeyu inunu

39bo banyabutwa, undulwe bo banyabubibi. Undugu uyu ikugusopa, yo yu mohesi; untondolo bo bumalikilo bwa kisu;

40abatondoli bo bandumi. Lelo bo apa undulwe gukwipigwa nukusopigwa mmoto, bo sisakuyaga bububo na pabumalikilo

41ikisu. Nnyamundu isakubatumaga abandumi bake ukufuma mbutwa bwake, kukusibungania syosa imbesyo nabilandagilo,

42bo bisakubasopaga mwitende lya moto; mo sisakuyaga nguto

43nulusyegetulo lwa mino. Po abagolofu bisakubalaga bo ilisuba mbutwa bwa Gwisabo. Uyu linga ali nasyo imbulukutu yo alipilikaga.

Ififwanikisyo fya kyuma, inyambo inunu, nulwelo

44Ubutwa bwa kumwanya buli bo ikyuma iki kifisigwe mungunda, iki umundu akyagile kangi alinkukifisa. Ndusekelo lwake ikubuka ikulisya fyosa ifi ali nafyo, po ikwenda nukula ungunda gula.

45Kangi ubutwa bwa kumwanya buli bo umulisi uyu ikulonda

46inyambo inunu. Lelo bo alwagile ulwambo lumo ulupala fiyo, alinkubuka alinkwakulisya fyosa ifi ali nafyo, alinkwakula lulo.

47Kangi ubutwa bwa kumwanya buli bo ulwelo ululwasopigwe

48munyanja, lulinkubungania iswi isya fikolo fyosa; lelo bo lwiswile po balinkulukwabila pisilya, balinkwitugala, balinkusala inunu nukusibika mfitundu, imbibi loli syo balinku-

49sitaga. Bo sisakuyaga bunobuno nisya pabumalikilo ikisu; abandumi bisakusumukaga nukubasagula ababibi mbagolofu,

50bisakubasopaga mwitende lya moto; mo sisakuyaga nguto nulusyegetulo lwa mino.

51Kali musyagenie syosa sisisi? Abene balinkumwamula

52balinkuti: Ena. Popapo alinkubabula alinkuti: Bunobuno gwesa ummanyakalata uyu amanyisigwe isya butwa bwa kumwanya, ali bo umwenenyumba uyu ikusakula ukufuma nkyuma kyake, ifipya nifikulu.

Aba mu-Nazareti bikunsyokela Yesu

(Mar. 6,1-6; Luk. 4,16-30)

53Umwene Yesu bo amalile ukufiyoba ififwanikisyo ifi, alinku-

54sokapo. Alinkwakufika nkaya kake alinkubamanyisya mu-Sinagogi yabo; abene balinkuswiganika balinkuyoba bali-

55nkuti: Uyu agagile kugu amahala aga, nifika fififi? Akaya yo mwana gwa nsongolafipiki yuyuyu? Unna akaya yo uyu bikuti Maria ingamu? Nabamyabo bakaya bo ba Yakobu na

56Yosefu na Simoni na Yuda? Abene abalumbu kali tukaya

57nabo bosa papapa? Asyagile kugu lelo syosa sisisi? Popapo abene balinkwikinya mmyake. Umwene Yesu alinkubabula alinkuti: Unkunguluka atikupondwa ulwimiko, loli mwene mu 58nkaya kake na nnyumba yake. Po apa alinkusita nukupelamo ifika fingi mumo panongwa ya kusitakwitika kwabo.

Jelenleg kiválasztva:

Matai 13: NYY

Kiemelés

Megosztás

Másolás