उत्पत्ति 10
10
नोआए च्हमैंए प्हसेमैं
(१ इतिहास १:५-२३)
1नोआए च्हमैं शेम, हाम नेरो येपेतए ताँमैं चुन् ग। नाँ बाडि तबै लिउँइँ चमैंलैया च्हमैं फिइ।
येपेतए सन्तानमैं
2येपेतए च्हमैं: गोमेर, मागोग, मादे, यावान, तूबल, मेशेक नेरो तीरास मुँल।
3गोमेरए च्हमैं: अशकनज, रीपत नेरो तोगर्मा मुँल।
4यावानए च्हमैं: एलीशाह, तर्शीश, कित्तीम नेरो रोदानीम#10:4 तर्शीश, कित्तीम नेरो रोदानीम चु मिं सों तिंइजोरोबै ह्युल सों तइ: स्पेन, साइप्रस, नेरो रोडेस। मुँल। 5चुमैंउँइँलेन् मा ङ्युँइए छ्योगोर टिब्मैंए ह्युलर ताँनल ह्रोंसए क्युइर नेरो ह्रोंसए ह्रें-ह्रेंर ख्याँयाइ।
हामए सन्तानमैं
6हामए च्हमैं: कुश, मिश्रइम,#10:6 मिश्रइम चु मिश्र देश पूत नेरो कनान मुँल।
7कूशए च्हमैं: सेबा, हवीला, सब्ता, रामाह नेरो सब्तका मुँल।
धै रामाहए च्हमैं: सेबा नेरो ददान मुँल।
8कूशइ निम्रोद बिबै च्ह योंइ। चुन् ओंसोंबै ह्युल-ह्युललाइ ट्होल् खाँबै म्हि तइ। 9निम्रोद याहवेहए उँइँर बेल्ले छेनाले शिकार क्ल्योंल् ह्रमल। छतसि “चु म्हि निम्रोद धोंले बेल्ले छेन्ले शिकार क्ल्योंल् ह्रबै म्हि मुँन!” बिसि अहान् चल्दिइमुँ। 10ओंसों निम्रोदए ग्याल्सर बाबेल, एरेक, अक्कद नेरो कल्नेह बिबै सहरमैं मुँल। चु सहरमैं शिनार बिबै ह्युलर मुँ। 11च ह्युलउँइँले च अश्शूर ह्युलर ह्यासि निनबे, रहोबोत-इर नेरो कालह सहरमैं बनेइ। 12झाइले निनबे नेरो कालहए म्हाँजोर रेसेन सहर बनेइ। रेसन बिस्याँ थेबै सहर ग।
13मिश्रइम लूदि, अनामी, लहाबी, नप्तूही, 14पत्रुसी, कस्लूही चुमैंउँइँले पलिश्तिमैं तखइ। चुमैं कप्तोरीमैंए खे मुँल।
15कनानइ ह्रोंसए च्ह थेब सिदोन नेरो हेत योंइ। 16झाइले कनानउँइँले हित्ती, यबूसी, एमोरी, गिर्गाशी, 17हिव्वी, अरकी, सिनी, 18अर्वादी, सेमारी नेरो हमातीमैं तखइ।
च लिउँइँ कनानए सन्तानमैं खन्तोंदोंन् ख्याँयाइ। 19छतसि कनान ह्युलए साँदा सिदोनउँइँले न्हुउँइँ (दक्षिणउँइँ) गरार ह्याबै घ्याँउँइँ गाजा समा धै सदोम, गमोरा, अदमा नेरो सबोयिम ह्याबै घ्याँउँइँ तसि लाशा समा मुँल।
20हामए च्हमैंए खेमैं, चमैंए क्युइमैं, ह्युल नेरो ह्रेंमैं चुन् ग।
शेमए सन्तानमैं
21येपेतए अलि शेमलैया च्हमैं फिइ। शेम एबेरए सन्तानमैंए खे मुँल।
22शेमए च्हमैं: एलाम, अश्शूर, अर्पक्षद, लूद नेरो अराम मुँल।
23आरामए च्हमैं: ऊज, हुल, गेतेर नेरो मेशेक मुँल।
24अर्पक्षदइ शेलह योंइ। शेलहइ एबेर योंइ।
25एबेरइ च्ह ङ्हिं योंइ। घ्रिए मिं पेलेग मुँल। तलेबिस्याँ चए पलोर्न पृथ्बीर्बै म्हिमैं स्यो-स्योबै क्ल्ह्योर टिनेइ। पेलेगए अलिए मिं योक्तान मुँल।
26योक्तानए च्हमैं: अल्मोदद, शेलेप, हसर्मविद, येरह, 27हदोरम, ऊजाल, दिक्ला, 28ओबाल, अबमाएल, शेबा, 29ओपीर, हवीला नेरो योबाब मुँल। चु ताँन् योक्तानए च्हमैं मुँल।
30चमैं टिबै क्ल्ह्यो मेशाउँइँले स्यारउँइँबै (पुर्बाउँइबै) सपारा ह्याबै घ्याँ समा मुँल।
31शेमए च्हमैं, चमैंए खेमैं, ह्रेंमैं, क्युइ नेरो चए ह्युल चुमैंन् ग।
32नोआए च्हमैंए खेमैं चमैंए ह्रों-ह्रोंसए ह्रेंमैं चुमैंन् ग। नाँ बाडि तबै लिउँइँ चुमैंउँइँलेन् पृथ्बीरि ह्रें-ह्रें स्यो-स्यो तसि खन्तोंदोंन् ख्याँयाइ।
Jelenleg kiválasztva:
उत्पत्ति 10: GCMB
Kiemelés
Másolás
Összehasonlít
Megosztás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© 2020, Wycliffe Bible Translators, Inc. All rights reserved.
