Marku 3
3
Law-jum-shi e byu le law ge bi le
1Hau hkun tara jawng ma Yang dum wang lwi. Hau ma law-jum-shi e byu ra yu ni taw ra.
2Yu-ban-ni le hau yu le law ge bi ra lu? Yesu le mura haw ra, yang maw gyam ni akaw.
3Hau jang Yang gë, law-jum-shi su le, “A-gung ma taw-yap a!” ga lwi, tai e.
4Yang gë yang maw le, “Yu-ban-ni ma ge e a-mu sai ra, a ge e a-mu sai ra; byu a-sak le hki yu ra, a ngut jang sat-pyam ra gë, hka lum ge kut ra lu?” ga tai e. Yang maw kum gë, jit le a ga kaw.
5Hau su mu yang maw i-mit htan e ma-jaw, Yang mit-yawn lwi nik-yaw i-jang, yang maw le hkyu shaw ling-wu lwi, “Nang e law lam a!” ga lwi, hau yu le tai e. Hau yu le law lam lwi, yang law ge byu be.
6Hau mu lwi Hparishe pe htaw lwi, Yang le hka-su-kut sat-pyam ra, ga lwi, Herodi ngu bang e hau jang bawng ni akaw.
A-na-a-hkya hwi bang le law ge bi e
7Ahkwi Yesu gë, Yang e lagyaw wi e hau nawng shut htawt law bakaw. Galile mung ma byu ra jum ra wi buchang kaw e.
8Hau za a ngut; Yuda mung e Yerusalem wa ma Idumia mung e Yawdan lang he-hpaw ma bang e Turu e Sidun ling hkyu pe ma byu ra jum ra wi Yang kut kat e a-mu hkyaw pe le waw gyaw lwi, Yang jang shut je le bum kaw e.
9Shiwa byu pe Yang le a zang-htung ra-ma-tu lai zaw ra lum Yang e matu hen taw ra, Yang e lagyaw wi le tai taw be.
10Hka-su-mu-ga-le, byu myaw shaw le Yang law ge bi e yan-mai a-na-a-hkya hwi bang lung-lang bang Yang le waw zang-htung shaw ga lwi, Yang jang jun-wang law kaw e.
11A san e nat pe le hka yam Yang le myang kaw-lang, Yang e hë ma ngawm lwi, “Nang gë, Karai Kasang e Yang zaw ngut taw ra,” ga lwi, puk kaw e.
12Yang gë, “A law-dan shit shang ga,” ga lwi, yang maw le gyai gyai tan taw le.
Lagyaw ra htse i yu le wut yu e
13Dum hau bum shut Yang daw law lwi. Yang aw e bang aw le ngut-kaw-lang wut yu e mu lwi, yang maw Yang jang shut je le bum kaw e.
14Hau mu lwi Yang e ra-ha ni ni ra e dang nyaw maw ra ma-tu nang kat lwi, nat pe le waw hkat pyam ra a-hkang waw yu shang ga, ga lwi,
15Byu ra htse i yu le hkin yu lwi. Yang maw le lagyaw ga lwi, ming taw be.
16Hau ra htse i yu ma e Simun le, Petru ga lwi, ming nge ming be.
17Zebedi e yang zaw Yaku e Yaku e yang gu Yawhan nik tang le, Buanerga ga lwi, ming nge ming be. Hau gë, mau-ming e yang zaw nik ga e ngut le
18Andre, Hpilip, Barhtolume, Mahte, Htaw-ma, Alhpe yang zaw Yaku, Htade, Kanani byu Simun e.
19Yang le ap-pyam ra su Yuda Iskarut ngat akaw.
20Hau htang le Yang gë, Yum hkau shut wang lwi. Yang maw zang Jang a waw zaw law shaw, shiwa byu zup-mung ni akaw.
21Yang e bwi-num wi hau hkyaw le waw gyaw jang, “Yang i-mit a ging law,” ga lwi, Yang le jup-yu ra htaw e law kaw e.
22Hau htaw ma, Yerusalem mai gyaw law e mau-sau ka sara pe le, “Yang gë, Bezebula baw e su ngut taw le. Nat pe a-gi e Yang nat pe le hkat pyam ra,” ga lwi, tai kaw e.
23Hau mu Yang gë, yang maw le wut yu lwi, dang-ke dawng tai e gë, “Satan gë, Satan le hka-su-kut waw hkat pyam ra lu?”
24“Mung ra mung ma e bang bawng a tsung le gë, hau mung waw jaw ni ra a ngut.
25Yum ra lum e i-kun byaw byu le gë, hau yum i-kun waw dut ra a ngut.
26Hau e ra jung za, Satan yang yum-sing e yum sing byaw gang lum law jang gë, yang a waw ni ni; htum byu ra za ngut taw le.
27Hau htaw ma, wum baw su le hë a twi le gë, yang e yum hkau ma wang lwi e, yang e ze le lu-yu e gë, aw a waw kut. Yang le hë twi lwi she yang e ze le waw yu ra ngut le.
28Ngaw nung maw le teng teng tai kyaw kaw le, wa-htsang byu pe e yu-bak lung-lang e yang maw e lu-mu dang a-myu-myu le hkyut pyam ra a-hkang waw akaw.
29Ngut-kaw-lang hau joi-yung weni le lu-mu e bang aw ngut-kaw-lang, ra-pyat-ra-dai waw hkyut pyam ra a ngut. Hau byu gë, ra-pyat-ra-dai yu-bak waw su ngut wat le,” ga akaw.
30Hau su ga e gë, Yang le a joi a yung e nat dap le, ga lwi, yang maw tai e dang majaw tai e ngut le.
Lum bang gë Yesu yang gu mang, nam maw, bwi num jat ngut le
31Hau u le Yang nu e Yang gu pe gë, yum hkum ma yap taw lwi, Yang le wut nang kat kaw e.
32Hau hkun shiwa byu pe gë, Yang e ling hkyu ma zung taw kaw e. Yang maw gë, “Wu a! Nang nu e nung gu pe yum he-lut shut mai Nang le haw taw akaw,” ga lwi, tai kaw e.
33Tu i-jang Yang yang maw le tai e gë, “Nga nu e Nga gu pe, aw-yu ngut le lu?” ga e.
34Dam Yang gë, ling hkyu ma zung ni e bang le wu i-jang, “Nga nu e Nga gu le wu ke.
35Karai Kasang e i-mit chang e bang, aw ngut-kaw-lang, Nga gu, Nga nam maw, Nga nu jat ngut le,” ga akaw e.
Jelenleg kiválasztva:
Marku 3: ATB1951
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© British and Foreign Bible Society 1951
