Sawmus 8
8
Uhokri kumadukasa inin hawkri gitkis hiyeg
1Kiyavwiye, pisnewa uwohkigah. Pisnewa ka pikiytanisima. Piw kabayhaka muwapuw amadga hawkri. In kabayhaka hawata aynte inurik.
2Pis keh bakimnayh nopsanyovwinene ignes kabayhap kabayntiwa payak gikakkis bakimnayh nukuvesniyevwi. Pivetunyavu ka hiya gisamanakkis. Madikte hiyeg ku pariye kavetunsap, ignes misakwa tinwovu gitivutkis.
3Ku aysaw nah sarayh nuvegi inurikut arimkat en ku pariye pikehni, nah hiyap kayg akak warukmebdi, ku kiney pis sarayhpigkis amun mpuse giwetrikis. Nah bawkiswa, nah awna:
4Kiyavwiye Uhokri, pariyeki hiyeg ta pit, ku pariye amadgaya inin, adahan pis kiyegi hene? Ig amadgaya inin, ig ka ariknawnama adahan pis iki pihiyekemni ta git.
5Heneme, kibeyne, pis ike git ka aynsima gannu, ka aynsima gikiytani. Pis kehe gikiytani warikapte aynesa ariw ahj gikiytanikis.
6Pis ike git gidatni adahan ig kumadukene madikte ku pariye pikehavan; pis kumadukase git madikte ariknebdi:
7muwtohviyene payak akak pakviyene hawata akak puwiknebdi ahavwikune akiw;
8kuhivrebdi payak akak im, akak madikte ku pariye misekwenevwi parahwokwa akiw, pis ike madikte giwakurit.
9Kiyavwiye, uwohkiga, pisnewa ka pikiytanisima. Piw kabayhaka muwapuw amadga hawkri.
Jelenleg kiválasztva:
Sawmus 8: pluPB
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© 2018, Wycliffe Bible Translators, Inc. All rights reserved.