Salmow 9

Myttin 2

SALM 9.

Confitebor tibi.

1My a'th wormel, A Arloedh, a leun golonn : my a dheriv oll dha varthusyon.

2My a lowenha hag a vydh fest heudhik ynnos : my a gan gormola dhe'th Hanow, an Ughella.

3Pan dreyl ow eskerens war-dhelergh : i a drebuch ha mos dhe goll a-dheragos.

4Rag ty re ventenas ow gwirvreus ha'm ken : ty re esedhas y'n se, ow preusi yn gwiryonedh.

5Ty re geredhas an kenedhlow, ty re dhistruis an tebelwas : ty re dhefendyas aga hanow dhe-ves bys vykken ha bynnari.

6An eskar yw treylys yn magoryow bys vykken : ty re dhiwreydhyas aga sitys; aga hovadh res eth dhe goll.

7Mes an Arloedh a esedh yn y se bys vykken : ev re dharbaris y se rag breus.

8Hag ev a vreus an nor yn gwiryonedh : ev a re gwirvreus dhe'n poblow yn ewnhynseth.

9An Arloedh ynwedh a vydh dinas dhe'n den truan : dinas yn prysyow anken.

10Ha'n re a aswonn dha Hanow a drest ynnos : rag ty, A Arloedh, ny forsaksys seul a'th hwila.

11Kenewgh gormola dhe'n Arloedh trigys yn Sion : derivewgh y wriansow yn mysk an poblow.

12Rag neb a wovynn goes yn dial a berth kov anedha : ny ankev garm an voghosogyon.

13Bydh grassyes orthiv, A Arloedh; mir orth ow anken, a wodhavav dhiworth an re a'm kas : ty neb a'm drehav dhiworth porthow ankow,

14Rag may teriffiv oll dha wormola yn porthow myrgh Sion : my a lowenha y'th selwyans.

15An kenedhlow re sedhis y'n pytt a wrussons : y'n roes a gudhsons, aga throes aga honan re beu kechys.

16Aswonnys yw an Arloedh, ev re wrug breus : an tebelwas yw maglennys gans ober y dhiwleuv y honan.

17An debeles a dhehwel dhe ifarn : oll an kenedhlow hag a ankovas Duw.

18Rag ny vydh an den edhommek ankevys bynitha : ha nyns a dhe goll bys vykken govenek an voghosogyon.

19Sav, A Arloedh, na as den dhe dryghi : bedhes an kenedhlow breusys a-dheragos.

20Gorr own ynna, A Arloedh : godhvydhes an kenedhlow nag yns marnas tus.

Jelenleg kiválasztva:

Salmow 9: ASK

Kiemelés

Megosztás

Másolás

Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be

Népszerű bibliai igeversek innen:
Salmow 9