Matayi 4

Ukuyeliwa kwa Yesu

(Mlko. 1.12-13; Luk. 4.1-13)

1 # Heb. 2.18, 4.15 Po u Muzimu Umuzelu akamusendela u Yesu munkolongo ukuti ayeliwe nu Satana. 2Bo u Yesu atuzya pakulya amasiku 40, umusanya nu busiku, izala yikamulema. 3U Satana akiza kukwache nukuti, “Nanti awe we Mwana uwa Chala, lamula amabwe agha ukuti ghanduke pakuba vibama.”

4 # Ukk. 8.3 Loli u Yesu akamula akati, “Amasimbo ghakuti, ‘Umuntu atangikala nubumi ni chakulya chene, loli na mazyu ghosi ghagho u Chala akunena.’ ”

5Pisinda pache u Satana akamusendela u Yesu mu Yelusalemu, akaya akakulu nkani akazelu nukumukwezya pachisonje icha Nyumba iya Chala, 6#Mas. 91.11-12nukumubuzya ukuti, “Nanti awe we Mwana uwa Chala isumba wemwene pasi. Pakuti Amasimbo ghakuti,

‘U Chala akwiza pakubalamula abantumi bache pakukusungilila awe,

bakwiza pakukwankila ni nyobe zyabo,

umwakuti ni nyayo zyako bulo zitakivulazye pa mabwe.’ ”

7 # Ukk. 6.16 Loli u Yesu akati, “Amasimbo ghakuti, ‘Utakamuyelaye u Mwene u Chala wako.’ ”

8Pabumalilo u Satana akamusendela u Yesu pighamba itali nkani nukumulanjizya ubumwene bosi ubwa muchisu ichapasi nu buchindamu bwache. 9Po u Satana akamubuzya akati, “Ivintu vyosi vinivi inkwiza pakukupa nanti wanfughamilila nukunchindika.”

10 # Ukk. 6.13 Panapa u Yesu akamwamula akati, “Epapo Satana! Amasimbo ghakuti, ‘Umuchindikaye u Mwene u Chala wako, sona umubombelaye yuyo mwene.’ ” 11U Satana akamuleka u Yesu, po abantumi aba kumwanya bakiza pakumwavwa.

U Yesu akwanda imbombo yache mu Galileya

(Mlko. 1.14-15; Luk. 4.14-15)

12 # Mat. 14.3; Mlko. 6.17; Luk. 3.19-20 Bo u Yesu ivwa ukuti u Yohani bamwighalila mujele, akanyokela ku Galileya. 13#Yoh. 2.12Bo epamo mu Nazaleti, akabuka pakwikala mu Kapelinahumu, akaya aka mulubazu ulwa Nyanja iya Galileya muchigaba icha Zebuloni nu Nafutali. 14Izi zikabombiwa pakukwanilisya zizyo umulaghuzi u Yesaya akanena ukuti:

15 # Yes. 9.1-2 “Ichigaba icha Zebuloni ni chigaba icha Nafutali,

mumusebo uwa kunyanja,

kwisila ilinji ilya lusoko ulwa Yolodani,

mu Galileya, muchigaba icha bantu babo bate ba Yuda!

16Abantu babo bakwikala muchisi,

bennya ulukozyo ulukulu;

Abantu babo bakwikala muchisu icha bantu abafwe,

ulukozyo lwabalamila.”

17 # Mat. 3.2 Ukwanda pakabalilo kalakala u Yesu akanda pakulumbilila ukuti, “Pinduka nukuzileka imbibi zyinyu, pakuti Ubumwene ubwa Kumwanya buli papipi!”

U Yesu akubitizya abalobaswi folo

(Mlko. 1.16-20; Luk. 5.1-11)

18Bo u Yesu akwenda mulubazu ulwa Nyanja iya Galileya akennya abawamwabo babili, u Simoni yuyo akitiziwanga Pitala nu Andeleya, bakuloba iswi ni chilepa, pakuti bakaba balobaswi. 19U Yesu akati, “Nkonka, inkwiza pakubapela pakuba baloba bantu.” 20Umwalubilolubilo bakavileka ivilepa vyabo nukumukonka.

21Bo u Yesu enda panandi, akamwennya u Yakobo nu wamwabo u Yohani, abana aba Zebediya. Bakaba mubwato bwabo nu wise u Zebediya pakuyanizya zila ivilepa vyabo. U Yesu akabitizya, 22panapo na panapo bakabuleka ubwato nu wise nukumukonka u Yesu.

U Yesu akumanyizya, akulumbilila nukupozya

(Luk. 6.17-19)

23 # Mat. 9.35; Mlko. 1.39 U Yesu akenda muchigaba chosi icha Galileya, pakumanyizya munyumba izyakwiputilamo, pakulumbilila Amazyu Amiza nizya Bumwene ubwa Chala nukupozya abantu babo bakaba nu bubine ubwakulekanalekana. 24Imbili iya Yesu yikasata muchisu chosi icha Siliya, umwakuti abantu bakiza kukwache na babine bosi babo bakaba nu bubine ubwakulekanalekana, na babo bakivwa ububavu mu mabili ghabo—abantu babo bakaba ni mizimu imibibi, abavizilisi na babo bafuye ivinama, po u Yesu akabapozya bosi. 25Ichilundilo icha bantu aba mu Galileya naba Mutwaya Teni#4.25 Mutwaya Teni: Pamo Dekapoli. Itabwa ilya twaya 10 kubufumilo ubwizuba ubwa Nyanja iya Galileya. naba mu Yelusalemu, Yudeya, sona naba muchigaba ichakwisila kwa lusoko ulwa Yolodani chikamukonka.

Jelenleg kiválasztva:

Matayi 4: LMBNT2016

Kiemelés

Megosztás

Másolás