A’NPHUTNA 13
13
Abram leh Lot Inṭhen
1Abram Egypt ram a inphut sak ting heikasōk a Canaan ram a thlâng intongting anuhmei leh anei rakip khana Lot leh inṭhōia kase jo hei. 2Abram kha mikahaotak kae, kemōng, ketak sehrat khana sana leh dangka katamtak anei. 3Khana ama inthon lelea hmun inkhat a inphut hmun inkhat a kaselea, Bethel aleisora kae. Bethel leh Ai kâra hmapenna arephōr matungna leh 4maichâm aleisyemna hmun kha katlung jo. Khana khan Rōngpu kha akamuk jo.
5Khana Lot inum kemōng, ketak, sehrat khana a-innshung mi leh asōk katamtak aleinei hei. 6Khava jâra an-innlâk hnia omsōmna sik a ramhâng katluk a neimak jo hei, ajârchu ranhring katluk a anleinei jo heia kae. 7Khava jâra Abram ran kakhemhei leh Lot ran kakhemhei kha hong innâk jo heia invōk jo hei. (Khava lai khan Canaan mihei leh Periz mihei khava ram a laka-om ṭhak hei).
8Abram in Lot hneng, “Eini innkō me kae, nami leh kamihei innâkthei mak hei ning. 9Khava jâra eini inṭhen rih. Nang in namadu ramṭhen kha kadei roh. Nang in hmun khatting se roh, ke’n hmun hlopting serong,” ati.
10 #
Aph 2.10
Lot in a-en manve bit a Jordan phai, Zoar hlam jōnna rakip khō athlira ram kha tui tamna, Rōngpu rahōn kapō, a-emak leh Egypt ram kapō kha aleihmu jo. (Hivahi Sodom leh Gomorrah khōpuihei asuk manhmang mak hma kae). 11Khava jâra Lot in Jordan phaicham rakip kha aleikadei jo. Khana nisōting aleijōn jo. Khang’khan anmani 2 kha le’nṭhen jo hei. 12Abram khan Canaan ram a ka-om jo, Lot khan phaicham khōpuihei kâra Sodom hnenga rephōr amatung jo. 13Khava ram a mihei kha mikaṭhamak, Rōngpu kadōia ṭōnse katlohei kae.
Abram in Hebron Ajōn
14Lot in adahlon sōa, Rōngpu’n Abram hneng, “Nang na-omna hmun a inphut, ram pumpui rakir 4 hi kaṭha nenga enroh. 15#Ṭōn 7.5Na-ena nahmu phâkna ram seng hi ke’n nang leh natu-nasahei kapek sik chei kae; khana ahei tik a nangni chen akachang sik jo kae. 16Ke’n nang sōn leh pâr katamtak tei torlo hingja kapek sik che. Anmani tei sik kanek a nêrdi ja tei akabei jôk sik kae! 17Tûn se ina ram pumpui akhenga va-ensō roh, ajârchu ke’n nang hivaseng hi akhenga kapekpet sik che kae,” ati. 18Khava jâra Abram, inthon joa Hebrona Mamre thingkung intheng hnenga arephōr amatung jo khana ama’n khava hmun a khan Rōngpu hneng maichâm aleisyema kae.
Jelenleg kiválasztva:
A’NPHUTNA 13: KOMRBSI
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
