KO SĒNESI 3
3
Ko e fuofua fai angahalá
Ko e fuofua fai angahalá mo e fuofua fakapoó
1PEA ko e Ngata na‘e olopoto lahi ‘i he manu kotoa pē ‘o e fonua, ‘a ia ne ngaohi ‘e Sihova ‘Elohimi. Pea ne huhū ange ki he fefine, ‘Oku mo‘oni koā kuo folofola ‘e he ‘Otua ke ‘oua te mo kai mei he ‘akau kehekehe ‘o e ngouetapu?#Fkhā 12.9; 20.2
2Pea tali ‘e he fefine ki he ngata, ‘Oku ngofua pē ‘ema kai ‘a e fua ‘o e ngaahi ‘akau ‘o e ngouetapu: 3ka koe fua ‘o e ‘akau ‘oku ‘i he loto ngoue, kuo folofola ‘a e ‘Otua, ‘E ‘ikai te mo kai mei ai, pea ‘e ‘ikai te mo ala ki ai, na‘a mo mate.
4Pea pehē ‘e he Ngata ki he fefine, ‘E ‘ikai ‘aupito te mo mate: 5kaekehe, ‘oku mea‘i ‘e he ‘Otua ko e ‘aho te mo kai ai ‘e ‘ā ai homo mata, pea te mo hoko ke hangē ko e ‘Otua, ho‘omo ‘ilo ‘a e lelei mo e kovi.
6Pea na‘e vakai ‘e he fefine ko e ‘akau ia ‘oku lelei ki he kai, pea matamatalelei ki he mata, kae‘uma‘ā ko e ‘akau ke fai ki ai ha vēlevele ko ‘ene fakapoto‘i, pea ne hanga ‘o toli hono fua, ‘o kai, pea ne ‘ange foki ki hono husepāniti na‘e ‘iate ia; pea kai mo ia. 7Pea ‘ā ai hona mata ‘osi pē, ‘o na ‘ilo tā ‘oku na telefua; pea na tui lou fiki, ‘o ngaohi ‘aki hana vala.
8Pea na‘a na fanongo ki he le‘o ‘o Sihova ‘Elohimi, he‘ene hā‘ele ‘i he ngouetapu ‘i he hauhaufano ‘o e ‘aho: pea toitoi ‘a e tangata mo hono uaifi ‘i ha loto ‘ulu‘akau ‘o e ngoue, ke ‘oua na‘a mea‘i kinaua ‘e Sihova ‘Elohimi. 9Pea ui ki he tangata ‘e Sihova ‘Elohimi, ‘o ne pehē ki ai, Kofa‘ā koe?
10Pea pehē ‘e ia, Na‘a ku fanongo ki ho le‘o ‘i he ngouetapu, pea u manavahē, koe‘uhi kuo u telefua; pea u toitoi.
11Pea ne folofola mai, Ko hai na‘e fakahā kiate koe ‘oku ke telefua? Kuo ke kai koā mei he ‘akau na‘a ku tapui ho‘o kai mei ai, ‘ō?
12Pea tali ‘e he tangata, Ko e fefine na‘a ke ‘omi ke ma nonofo, ko ia ia na‘a ne ‘omi ha‘aku me‘a mei he ‘akau, pea u kai.
13Pea folofola ‘a Sihova ‘Elohimi ki he fefine, Ko e hā eni kuo ke fai?#2 Kol 11.3; 1 Tīm 2.14 Pea tali ‘e he fefine, Ko e Ngata na‘a ne kākaa‘i au, pea u kai.
Ko e fakamaau ‘a e ‘otuá
14Pea folofola ‘a Sihova ‘Elohimi ki he Ngata, Ko e me‘a ‘i ho‘o fai pehē, ‘e lahi taha ho‘o mala‘ia ‘i he manu lalata kotoa pē, mo e manu kaivao kotoa pē; te ke ‘alu ‘aki ho kete, pea te ke kai efu ‘i he ngaahi ‘aho kotoa pē ‘o ho‘o mo‘ui: 15te u ‘ai ke mo fetāufehi‘a‘aki, ‘a koe mo e fefine,#Fkhā 12.17 pea ko ho hako mo hono hako; ‘e laiki ‘e ia ho ‘ulu, pea te ke laiki ‘e koe ‘a hono muiva‘e.
16Pea ki he fefine na‘a ne folofola, Te u mātu‘aki fakalahi ho‘o mamahi, kae‘uma‘ā ho‘o feitama; pea te ke fā‘ele‘i mamahi ‘a e fānau; kae tō ho‘o holi ki ho husepāniti, pea ‘e ‘a‘ana ‘a e pule kiate koe.
17Pea kia ‘Ātama na‘a ne folofola,#Hep 6.8 Ko e me‘a ‘i ho‘o fakaongo ki he lea ‘a ho uaifi, mo ke kai mei he ‘akau, ‘a ia na‘a ku tu‘utu‘uni ai ‘o pehē, ‘E ‘ikai te ke kai mei ai: kuo mala‘ia ‘a e kelekele koe‘uhi ko koe; te ke kai mei ai ‘i he mamahi ‘i he ‘aho kotoa pē ‘o ho‘o mo‘ui; 18pea ko e ‘akau talatala mo e talatala‘āmoa te ne fakatupu ma‘a u; pea te ke kai ‘a e mohuku ‘o e ngoue; 19te ke kai ho‘o me‘akai ‘i he kakava ‘o ho mata, kae‘oua ke ke foki ki he kelekele ‘a ia na‘e to‘o koe mei ai: he ko e efu koe, pea ko e efu te ke foki ki ai.
20Pea fakahingoa ‘e he tangata#3.20 tangata; pe ‘Ātama. ‘Oku tatau pē ‘a e faka-Hepelū ‘o e ‘Ātamá mo e tangatá, pea ko e ‘Ātamá ‘i he faka-Hepeluú ko e fa‘ahinga ‘o e tangatá. hono uaifi ko ‘Ivi [ko Mo‘ui‘anga];#3.20 ‘Ivi; ‘Oku vāofi ‘a hono pu‘aki ‘o e hingoa ko ení mo e faka-Hepelū ‘o e ‘oku mo‘uí, ‘a ia ‘oku faka‘uhinga‘i heni ko e kakai kotoa pē. koe‘uhi ko e fa‘ē ia ‘a e kakai kotoa pē. 21Pea na‘e ngaohi ‘e Sihova ‘Elohimi ma‘a ‘Ātama mo hono uaifi ‘a e ngaahi kofu kili‘imanu, ‘o ne ‘ai kiate kinaua.
Ko Hono Kapusi ‘o ‘Ātama mo ‘Ivi mei he Ngouetapú
22Pea na‘e folofola ‘a Sihova ‘Elohimi; Vakai, kuo hoko ‘a e tangata ke hangē ko e toko taha ‘iate kitautolu, ke ne ‘ilo ‘a e lelei mo e kovi:#3.22 ke ne ‘ilo ‘a e leleí mo e koví; pe ke ne ‘ilo e me‘a kotoa pē. ‘ē, na‘a ‘iloange te ne hanga ‘o toli foki mei he ‘Akau ‘o e Mo‘ui, ‘o ne kai, ‘o ne mo‘ui ‘o ta‘engata:#Fkhā 22.14 23ko ia na‘e tuku atu ia ‘e Sihova ‘Elohimi mei he ngouetapu ‘i ‘Īteni, ke ne ngoue‘i ‘a e kelekele ‘a ia na‘e to‘o ia mei ai. 24‘Io, ne kapusi ‘a e tangata; pea ne fakanofo ‘i hahake ‘i he ngouetapu ‘i ‘Īteni, ‘a e Selupimi,#3.24 Selupimi; Vakai ki he “Ngaahi Huluhulu”. mo ha heletā ulo na‘e tavilovilo, mo le‘ohi ‘a e hala ki he ‘Akau ‘o e Mo‘ui.
Jelenleg kiválasztva:
KO SĒNESI 3: TMB
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Tongan Moulton Bible © Bible Society of the South Pacific, 2011.
