KO SĒNESI 10
10
Ko e Hako ‘o e Fanga Foha ‘o Noá
(1 Kal 1.5-23)
1KO E tohi eni ‘o e hako ‘o ha‘a Noa. Ko Semi, Hami, pea mo Sēfeti: pea na‘e tupu ha fānau kiate kinautolu hili ‘a e Lōmaki.
2Ko e hako ‘o Sēfeti; ko Kōmela, mo Mēkoki, mo Mātai, mo ‘Iavana, mo Tūpale, mo Mēseke, mo Tīlasa. 3Pea ko e hako ‘o Kōmela; ko ‘Asikinasa, mo Līfata, mo Toka‘ama. 4Pea ko e hako ‘o ‘Iavana; ko ‘Ēlisa, mo Ta‘asisi,#10.4 Ta‘asisi; Ko Sipeini ia. Vakai ki he “Ngaahi Huluhulu”. ‘a e Kītimi,#10.4 Kītimi; Ko Saipalo ia. Vakai ki he “Ngaahi Huluhulu”. mo e Totanimi.#10.4 Totanimi; Ko Lota ia. Vakai ki he “Ngaahi Huluhulu”. 5Ko kinautolu ia na‘e vahevahe fakafonua ki ai ‘a e ngaahi motu Senitaile, ‘o nau movete ko e ngaahi kakai, ‘o fakatatau ki he lea mo e fa‘ahinga.
6Pea ko e hako ‘o Hami; ko Kusa,#10.6 Kusa; Ko ‘Itiopea ia. Vakai ki he “Ngaahi Huluhulu”. mo Misilemi,#10.6 Misilemi; Ko ‘Isipite ia. Vakai ki he “Ngaahi Huluhulu”. mo Futi,#10.6 Futi; Ko Līpia ia. Vakai ki he “Ngaahi Huluhulu”. mo Kēnani. 7Pea ko e hako ‘o Kusa; ko Sapa, mo Havila, mo Sāpeta, mo Lā‘ama, mo Sapeteka: pea ko e hako ‘o Lā‘ama ko Sipa mo Tētani. 8Pea ko Kusa ko e tupu‘anga ‘o Nimilote. Pea faka‘a‘au ‘a e tokotaha ko ia ‘o hoko ko e to‘a ‘o e fonua. 9Ko e fu‘u to‘a ia ‘i he tulimanu ‘o toka‘i ‘e Sihova: ‘ā ē ‘oku fakatokotokanaki ‘aki ‘o pehē, Hangē tofu pē ko Nimilote ko e fu‘u to‘a ‘i he tulimanu ne toka‘i ‘e Sihova. 10Pea ko e kamata‘anga ‘o hono pule‘anga ko Pēpeli, mo ‘Ēleke, ‘Akatai, mo Kāline, ‘a ia ‘oku tu‘u ‘i he fonua ko Saina. 11Pea ne ‘alu atu mei he fonua ko ia ki ‘Āsilia, ‘o ne langa ai ‘a Ninive, mo Leopote-‘Ili, mo Kala; 12ko Lēseni foki ‘i he vaha‘a ‘o Nīnive mo Kala. Ko eni ia ‘a e fu‘u kolo.
13Pea ko Misilemi ko e tupu‘anga ‘o e kau Luti, mo e kau ‘Ānami, mo e kau Lēhapi, mo kau Nafituhi; 14kae‘uma‘ā ‘a e kau Patelusi, mo e kau Kaseluhi (‘a ia na‘e ‘alu atu mei ai ‘a e kau Filisitia), mo e kau Kafitoli.#10.14 mo e kau Kaseluhi; ‘Oku ngali tonu hono hiki ‘o: mo e kau Kafitoli [ko Kīliti ia], ‘a ia na‘e ‘alu atu mei ai ‘a e kau Filisitiá; ka ko hono faka-Hepeluú: mo e kau Kaseluhi (‘a ia na‘e ‘alu atu mei ai ‘a e kau Filisitiá), mo e kau Kafitoli.
15Pea ko Kēnani ko e tupu‘anga ‘o Saitoni, ‘a ia ko hono ‘uluaki, pea mo Heti; 16kae‘uma‘ā ‘a e ha‘a Siepusi, mo e ha‘a ‘Āmoli, mo e ha‘a Keakesa; 17kae‘uma‘ā ‘a e ha‘a Hevi, mo e ha‘a ‘Ālaka, mo e ha‘a Sini; 18kae‘uma‘ā ‘a e ha‘a ‘Āvati, mo e ha‘a Sīmali, mo e ha‘a Hēmati; pea hili ia na‘e mofele atu ‘a e ngaahi matakali ‘o ha‘a Kēnani. 19Pea ko e fonua ‘o e fa‘ahinga Kēnani na‘e kamata mei Saitoni; pea ‘i he fou fakapehē atu ki he feitu‘u ‘o Kela na‘e ngata mei Kesa; pea ‘i he fou fakapehē ange ki he feitu‘u ‘o Sōtoma mo Komola mo ‘Ātima mo Sipoimi na‘e ngata mei Lasa. 20Ko eni ia ‘a e hako ‘o Hami, ‘a ‘enau tupu fakaefa‘ahinga mo fakaelea, pea mo honau ngaahi fonua mo honau ngaahi pule‘anga.
21Na‘e ai ha hako ‘o Semi foki, ‘a ia ko e tupu‘anga ia ‘o e ngaahi ha‘a Hepelū kotoa pē, pea ko e tehina foki ‘o Sēfeti. 22Ko e hako ‘o Semi; ko ‘Īlami, mo ‘Āsilia, mo ‘Afakisate, mo Luti, mo ‘Ālame. 23Pea ko e hako ‘o ‘Ālame; ko ‘Usa, mo Hule, mo Kēteli, mo Masi. 24Pea ko ‘Afakisate ko e tamai ‘a Sala, pea ko Sala ko e tamai ‘a Hepelū. 25Pea tupu kia Hepelū ha ongo foha ‘e toko ua; ko e hingoa ‘o e ‘uluaki ko Pēleki [ko Vahevahe];#10.25 Pēleki; ‘Oku vāofi ‘a hono pu‘aki ‘o e hingoá ni mo e faka-Hepelū ‘o e vahevahe. he ‘i hono kuonga na‘e vahevahe ai ‘a e fonua; pea ko e hingoa ‘o hono tehina ko Siokatame. 26Pea ko Siokatame ko e tupu‘anga ‘o ‘Alimotate, mo Sālefi, mo Hata‘amaueta, mo Siala; 27kae‘uma‘ā ‘a Hatolami, mo ‘Ūsali, mo Tīkela; 28kae‘uma‘ā ‘a ‘Ōpale, mo ‘Apimaeli, mo Sipa; 29kae‘uma‘ā ‘a ‘Ōfeli, mo Havila, mo Siopapi: ko e hako eni kotoa pē ‘o Siokatame. 30Pea ko honau nofo‘anga na‘e kamata mei Mesa, ‘o fou fakapehē atu ki Sēfala, ko ha mo‘unga ‘i Hahake. 31Ko eni ia ‘a e hako ‘o Semi, ‘enau tupu fakaefa‘ahinga mo fakaelea, ko honau ngaahi fonua, mo ‘enau hoko ko e ngaahi pule‘anga.
32Ko eni ia ‘a e ngaahi fa‘ahinga ‘o e hako ‘o Noa, ko e fakamatala ki he‘enau tupu mo ‘enau nofo ko e ngaahi pule‘anga: pea na‘e fai ki ai ‘a e vahevahe ‘o e kakai ‘i he fonua hili ‘a e Lōmaki.
Jelenleg kiválasztva:
KO SĒNESI 10: TMB
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
Tongan Moulton Bible © Bible Society of the South Pacific, 2011.
