Népszerű bibliai igeversek innen: MARKUS 13

Megosztás

Ngaangai' ulun masisang ramuyun sabap ra akau maamaya' Kuno, kaa' ulun ondo' mokoorot saboi ra pupus no, ulun no bayagon.”

Ilalai' am tataanin min! Sabap ra kalo napandayan min sanggilan paat nano sumuku'.

Paat ra akau rokopon am ibiton ra pamisaraan, pai' kau kalaa' ra atan raguon min, sabap ra paat raginio raguon min ayuk ondo' musiti' min raguon. Ragu ondo' sabiton mino sala' ka intor ra guang min, kaa' matong intor ra Ambiluo ri Aki Kapuuno'.

Limbowon am tana' ti mapuso, kaa' ragu Kutu mantilayun.”

“Kaa' koson pana raginio, kolondo' sangulun makapandai ra orou kapoam paat nano, malaikat-malaikat giu' ra suruga' kapoam Anak; kaa' i Ama' ayuk makapandai.

Amon ru maining min bubuor kapoam tanou ru pampatayan, pai' kau kalaa'. Baal ragitio musiti' masauk, kaa' sala' ka nasuku' noyo kiamat.

Ginio sabap ra tataanin, sabap ra akau kalo nakapandai paat ra ulian ru tatangan ra baloi; paat ra mamai', kapoam tanga' rondom, kapoam mampayung rondom kapoam matawang. Amon ru pulusat tatangan ru baloi no matong, pai' no karampati' kau mokororot. Ondo' raguon Kuno ramuyun, raguon Ku niayuk ra ngaangai' ulun: Pantataani' min!”

Rondo' bansa' mangayou ra bansa' ru bokon. Rondo' pagun mamulunsar ra pagun ru bokon. Ati-ati ayuk masauk tana' mogonggon am paat ra kolondo' boo akanon. Ngaangai' no talimpuun ayuk, koson ra maruol ru sangulun ruandu' paat io matipaganak.

Tanou Moonsoi ti musiti' pabalaan galing ra ngaangai' bansa'.

Masuang ulun matong am migiangku ra ‘Aku noyo Io!’ Ilo ti mamparuung ra masuang ulun.

Ilalai' min, rokopon am ibiton kau ra intok pamisaraan. Lambaan kau giu' ra baloi sambayangan. Ongoyon kau paumaa' ra tingganai-tingganai am raja'-raja', sabap ra akau maamaya' Kuno, am koson raginio akau mampaintutun risilo ra Tanou Moonsoi intor Raki'.

Sabap ra ilo mamamayag magabau am ilo migiangku ra nabi rumatong. Mambaal ilo ra kaimuagan koson mamparuung ra ulun ri Aki Kapuuno' amon ru maalap.

“Mopongo orou kaimbalaan raginio, mato ru orou lumondom am bulan kolondo' binusasal. Mangaratu' butitin-butitin intor ra limbowon, am mangunguasa' ru limbowon no majajou.