Népszerű bibliai igeversek innen: JONI 6

Megosztás

A sa kaya vei ira ko Jisu, Koi au na madrai ni bula: ko koya sa lako mai vei au, ena sega ni viakana; ia ko koya sa vakabauti au, ena sega ni viagunu tale.

Na yalo sa solia na bula: na lewena sa sega ni yaga: a vosa kau vosataka vei kemudou sa vakayalo, ka sa vu-ni-bula.

Dou kakua ni oca me kemudou na kakana sa oti rawa, ia me kemudou ga na kakana sa tu ki na bula tawa mudu, o koya ena solia vei kemudou na Luve ni tamata: ni sai koya sa vakadinadinataka na Kalou ko Tamana.

Ia sai koya oqo na loma i Tamaqu, me ra rawata yadua na bula tawa mudu ko ira sa raica na Luvena, ka vakabauti koya; ia kau na vakaturi koya cake e na siga maimuri.

Sa vosa ko Jisu, ka kaya vei ira, Sai koya oqo na cakacaka sa vinaka vua na Kalou, mo dou vakabauti koya sa tala mai ko koya.

Ko ira kecega sa solia mai vei au ko Tamaqu, era na lako mai vei au: ia ko koya ena lako mai vei au, au na sega sara ni biuta tani.

Sa qai kaya vua ko Saimoni Pita, Kemuni na Turaga, keitou na lako vei cei? sa tu ga vei kemuni na vosa ni bula tawa mudu

Koi au na madrai bula sa lako sobu mai lomalagi; kevaka sa dua e kania na madrai oqo, ena bula ka tawa mudu: ia na madrai kau na solia sa lewequ, o koya kau na solia me bula kina ko ira na kai vuravura.

E sega ni lako rawa mai vei au e dua na tamata, kevaka sa sega ni vakayarayarataki koya ko Tamaqu sa talai au mai: ia kau na vakaturi koya cake e na siga maimuri.

Ni sai koya oqo na madrai maivua na Kalou, ko koya sa lako sobu mai lomalagi, a sa solia na bula vei ira na kai vuravura.

Koi au na madrai ni bula.

A sa taura na veibuli madrai ko Jisu, ka vakavinavinaka, ka vota vei ira na tisaipeli, ia ko ira na tisaipeli, vei ira sa tiko sobu; ka vaka talega kina na ika me rauti ira. Ia ni ra sa mamau, sa kaya ko koya vei ira na nona tisaipeli, Kumuna vata na tikina lalai sa vo, me kakua ni yali e dua na ka.

Ia ni ra sa voce yani e tolu na maili ka vakacaca, era sa raici Jisu ni sa lako voli e dela ni wai, ka torova na waqa: a ra sa rere. A sa kaya vei ira ko koya, Koi au oqo; kakua ni rere.