Népszerű bibliai igeversek innen: Luka 23

Megosztás

Chasinda, Yesu era kuteta mbu: «Tata ubábaliraa'bo, bushi bàteshi bya báira!» Ebasula bera kuabana enjimba sa Yesu, mwa kusěshera echoore.

Yesu era kumwǎkula mbu: «Kubinali, nákubura kwa lwarero wába ala'uma nanyi mwa Paratiso*.»

Chasinda, era kuteta mbu: «Yesu, nyono ùnyikengeraa mango ungábaha kuba Mwami.»

Yesu era kuteta na murenge munene mbu: «Tata, nabíkire emuchima wanyi mwa mino sao.» Ábere era àtetaa bacha, era kutowa emuchima.

Mango báikaa mwa chisiki cha bénde bérika mbu «Kângasi», bera kumanyika Yesu kwa musalaba. Bera kumanyika ne'bya bihumusi bibiri, chiuma kwa lunda lwe'malyo ma Yesu, ne'chinji kwa lwe'marembe.

Mango sábaa sáhonda kuba saa ndatu sa mushi, esuba lyera kuirima. Emusimya era kuhukira echio choshi kuikira mwa saa mwenda. Engwaya era yábaa yáhumba mwa Luhu lwa Ongo*, yera kuberekera mwa kachi-kachi.

Mango emukulu-kulu we'basula álolaa kwe'bya byàbere, era kutonga Ongo mbu: «Kubinali, ono mundu anábaa mundu ola ùtungenene!»