Népszerű bibliai igeversek innen: Marko 13

Megosztás

Ngà bø̀ng rvtnø̀ vsv̀ng shvngbeí nàmaq sv̀ng shèngovtnø̀nge. Íwe tìsi lv̀ngdø̀m høq tønshì gǿí mv̀ng nø, chutchv́ng we lún lú:ngòe.

Nàmaq nàyáshìnø̀ng. Pán vshat ècanø̀ng. Pàwá wani wervtø̀ kadvgvp tuq ra we sv̀ng nàmaqí mèshánø̀ng.

Àngmaqí nàmaq sv̀ng ètvpnø̀ng nø̀ kàngélv́m yv́ng tèle bǿnø̀ng dvgvp, nàmaqí kapà shø̀nlv́m wa nø vzv̀ngzv̀ng nøt mèbùmnø̀ngni. Wervtø̀ taq nàmaq sv̀ng kà èzívtnø̀ng dø wa èshø̀nnø̀ng. Kadø íe wani kà shǿnshú nø nàmaq mèínø̀ng, Shànshér Pvlàcè mv̀ng íe.

Muqlàng nv̀ng rvgaq vlevm nìgø, Ngà kàrì nø kadvgvp gø màlevm.

Íwe weni wervtø̀ sv̀ng kagǿí gø mvsháò. Muqlàng taqlapmø vl we muqlàng dvzv́rrìí gø, Àngcèpèí gø mvsháò. Vpèí wa sháòe.

Nàmaqí cìl vshvt we nv̀ng mvzàn shv̀ngkà ètá lóngnø̀ng dvgvp,mèsèrenø̀ngni. Yadv́ng pv̀n nø vhøm rà rì íe. Íwe lv̀ngdø̀m rvtø̀ nø shini mvhøqò.

Wervtnø̀, pán vshat èca dánø̀ng. Kadø íe wani, chø̀m àngkàngpè nø kadvgvp tuqra we màshá. Dørø̀m í má, yaqdø̀ng mvlùng í má, dv̀nggú gírí í má, mø̀íni sháng mvgá í má, nàmaqí mèshánø̀ng! Àng chvn vnv́n tuq daq kvt nàmaq èyøpnø̀ng we sv̀ng À:ngí leq mènàhǿmnø̀ng. Ngàí nàmaq sv̀ng yadø shø̀nò kà nø, shvngbe kaq shø̀nò we íe. Pán vshat ècadánø̀ng,” a:lòe.

Vsv̀ng tiqdvcì nv̀ng tiqdvcì, tiqmóngdàn nv̀ng tiqmóngdàn cìl vshvt longe. Àngyv́ngyv́ng nø rvgaq vnanshì we, dvkø vtit we vl longe. Íwe, yadv́ngpv̀n nø puqnøn zá pv́ngshì we wa íe.

Vrá, lv̀ngdø̀m àngni mvhøqò vzv̀ng kaq Dvbùshv̀ngkà nø vsv̀ng dvcì vrv̀m sv̀ng dvshvng ràe.

‘Kristu nø ngà ǿngàe,’ wa dvpéshì vsv̀ng mvme bung long nø̀, vsv̀ng mvme kaq shvmàn bǿòe.

Nàmaq nàyáshìnø̀ng! Vsa:ngí nàmaq sv̀ng dvrá róng taq tèle bǿnø̀nge. Júrøt chø̀mrì taq gø, nàmaq sv̀ng nàdipmvtnø̀nge. Vrá, Ngà rvtnø̀ øpshú gàmzø̀rì nv̀ng koqkv́mrì mv́rdv̀ng shvkse wáshìlv́m nàmaq rip nàdu lóngnø̀nge.

Kadø íe wani mvdøng mvman we kristurì nv̀ng mvdø̀ng mvman kàdvtutshúrì bung long weí, bǿn daq nìnø, rvhiqshaq rì sv̀ng shvmànlv́m rvt mvshv́lpvrá nv̀ng vtiqlv́m rì àngmaqí wà lú:ngòe.

Dvshà mvhøt welòng mèpvng, Nv̀m nø døvm nø̀ shvlá gø mvgávm we rvtø̀ tuq rae. Kùrniprì gø muqlàng kèní vja daqe. Muqlàng ramò jórnònggùnrì gø vnanshì longe.