Népszerű bibliai igeversek innen: Wĭkheegŭn 6

Megosztás

Sāsoos ootĭha: Nel net pŭmowsooagŭnā’ hŭpan. Nāgŭm tan egŭhat n’hŭkĕk skatŭch kŭtoopeu; ha nāgŭm tan wĕlamsŭtŭk ’nhŭkĕk skatŭch kŭtoowŏŏsmeu’ askŭmeu’.

’Mchŭchakw nŭt tan pĕmowsooĭh’ooĕt. M’hŭk skat wĭjookĕgĕmweu’. Netŭl kŭlooswagŭnŭl tanĭl yŏŏhoolāgwĭl, netŭl tŭkĕh’ wāŏŏchŭchakwe’gĭl, ha tĕhna pŭmowsoowewŭl.

Moo saak oocheloo’kŭtekĕk’w net mechooagŭn ĭkŏŏk tan pĕmĭksekahak: oolamĭsta’k oochelookŭtĭkw net mechooagŭn ĭkŏŏk, tan chĕnĕsĭk askŭmowsooagŭn ĭkook, tan pŭmowsooĭn Ookwŏŏsŭ lkŭmĭlkoonea’ch. Eebŭchŭl Wāgwŏŏsĭt Nŭkskam kese kenooŏskoolal netŭl.

Ha yoot nāgŭm ooledŭhadŭmooagŭn tan pĕtŭkemĭtpŭn, ’mseu tan melĭtpŭn, skatŭp ’nkŭskatooŭn kĕkwsā, kānookŭch noonagĕhtoon ’mchŭsŭlāwā’ keesook.

Sāsoos asedāmat ha ootĭha: Yoot Nŭkskam ootŭlookāwagŭn, koolamsŭtŭmoote’nea nāgŭm oohŭk, tanĭl Nŭkskam kese lŭkemajĭl.

M’seu wĕn tan N’mĭhtakws melet pŭkŭchehĕch n’hŭkĕk. Ha tanŭch wĕn nāgŭm egŭhat n’hŭkĕk skatŭch nootā’gemow kwŭch’ŭmŭk.

Semoo Peāl ootasedāmal: N’sakŭmamŭn, wĕnŭchaloo oohŭkĕk ĕlabaseĕk? kel āyĭn kŭloosooa’gŭnŭl askŭmowsooa’gŭnāyăl.

Nel n’hŭk woot hŭpan pĕmowsĭt net, tan wĕje‐pŭnegwĕsĭtpŭn spŭmkek: tan wĕn wĕjemahat yootŭl hŭpanŭl askŭmowsooch’. Chŏŏ kĕtŭlal’ hŭpanŭch tan nel melooĭh, nel nooeoosŭm, tan nel melooa’nch ooche ooskĭt’kŭmĭkw oopŭmowsooagŭn.

Skat wĕn kese‐egŭhāoo ’nhŭkĕk N’mĭhtakws tan pĕtŭkĭmĭtpŭn skat wĭhkwŏŏnakw: ha noonagĕhlach ’mchŭsŭlāwā’ keesook.

Eebŭchŭl Nŭkskam ootŭpa’nŭmŭl net nŭt tan wĕje‐pŭnāgwĕsĭt spŭmkek, ha oomelooŏn pŭmowsooagŭn ooskĭt’kŭmĭkw.

Nel pŭmowsooagŭnā’ hŭpan.

Ha Sāsoos wekwĕhlan yoohooh’t ŭpkwāse’gŭn, ha kese oolasooĕltŭk oosesĕnmooŏn nĭhĭht ĕlagwĕlejĭhĭ. Ha neaga nŭm’ĕsā tan kĕsepawŏtŭmootĭt. Tan toocheu’ māmĭhpooltetĭt, Sāsoos ootĭha tanĭhĭ ĕgĕhkemajĭhĭ: Magweiyāootŏŏk peĕhpŭnāgool; wĕlaman skat kĕkw ŭksĭhkāhāoo.

Netwāje kes ĕleĕljenaskwĕsoolteetĭt tamaha’l nŭhooŭk meiālŭk, kŭsŭnaha’l nŭhooŭk meiālŭk chĕl ābahseu, oonŭmehawŏl Sāsoosŭl pĕmehalejĭl ooskĭtpāmŭk, ha chkooechŭse’hehŭl ŭpŭso’lŭkŏŏk, ha sĕksooltooŭk. Kānookŭloo Sāsoos ootĭha: Ekwesĕksooltikw! Nel net.