Népszerű bibliai igeversek innen: Luuga 21

Megosztás

Athanya jalo je jai, nyabiŋaijo Kaloŋa ŋwamun peth danya dhura laudhi dabire gi ŋidi ibiŋe ŋina ŋaji ŋuthi je ganu, nya dhuna gi je ganu ja Ŋari ŋa liji.

Ethadhinul galo gi lidom lalo dathathanya abrico dhuŋuna dha dheny a dha dhiye a dha dhirlele a dha ŋidi ŋa gidhila ibiga peth dhadhinyi dugore dalo no; a minoŋ lamun ibile laji lajacaiji galo gwiro ŋinena girimun.

Abi mutha gwai dugore gwalo nyaje momaŋ gi digirim dalo.

Nyi gwaji gwajidhedha dhuŋuna dhina dhibebra dha dhabiŋi, a liji lina likianyalai lati luthi ŋoma lajobiya no.

Sama gwaji gwerna a gidhila gerna; abi dhuŋun dhiny dhati dherna gatur no.

A ⓐalaamaat gwaji gwaŋini gi aŋin a gwuwa a ŋwudum; a liji la ŋwen peth laji laka dugore, alireye je galo gi dugor ganu degen gwuleny; a ŋau ŋa baẖr ŋaji ŋare ganu gwuleny. A liji lal dugor miri gwuleny ŋidheny ŋai, aldhenya ŋidi ŋai ŋina ŋaji ŋila kidhila; ŋinena ŋoma ŋa Samawaat ŋaji ŋube galo. A liji laji laŋa Ŋare ŋa liji dula gi giburu ŋoma ŋai a majdh gwai gwina gwinaŋ.

A liji peth laji lajirini, ŋinena uthanya jiriny jiny.

A kwiyaŋ gwubi galo gwuleny kalo gitigiter, a gidhuŋur gaje, a ŋirainy; a ŋidi ŋaji ŋaŋina gi Sama ŋina ŋaji ŋice lijo ŋidheny a ⓐalaamaat gwina gwinaŋ.

Abi mathanya diŋini dhuŋuna dha ŋoŋor a dha ŋura, athanya dhenyo no. Aram dhuŋun ibidhe dhaji dhuthi je ganu; abi mira gwoma gwati githo no. Ŋwari ŋwulabiŋaijo, ŋwulaici, Liumam laji ladire gi liumam liter, a gidhila gi gidhila giter.

A ⓐalaamaat gwaji gwaŋini gi aŋin a gwuwa a ŋwudum; a liji la ŋwen peth laji laka dugore, alireye je galo gi dugor ganu degen gwuleny; a ŋau ŋa baẖr ŋaji ŋare ganu gwuleny. A liji lal dugor miri gwuleny ŋidheny ŋai, aldhenya ŋidi ŋai ŋina ŋaji ŋila kidhila; ŋinena ŋoma ŋa Samawaat ŋaji ŋube galo.

Ŋwari ŋwulabiŋaijo, ŋwulaici, Liumam laji ladire gi liumam liter, a gidhila gi gidhila giter.

Ŋwulabiŋaijo, ŋwulaici, Ethadhinul galo dathaji ukinejini ganu no. Liji laji lila loinyadho, alapai jiriny jiny, alarnu, Nyi gwiro al Masiiẖ; a lamun limaje githo. Athanyal gwujo no.