Népszerű bibliai igeversek innen: Luuka 7

Megosztás

Ni mu buuna, me ndeeli ti nde miyaka linyahula li masumu ma nde ma malahi, mu toni ati nde mwesi litondo lililahi. Ka huli wu bali mu unyahula hole, ubamwese litondo la hole.» Na Yisu aleeli huli mukaasu: «We miyaka linyahula li masumu ma we.»

Ka Yisu aleeli huli mukaasu: «Imiinu hya we hi mifuuhasa we, yene mu hyenze.»

Na nde avyohi Humbisa a Yisu bebele a miilu mya nde, abaandihi ulila. Matsanga ma nde maabolisi miilu mya Yisu, na nde akombili myo mu naanga a nde. Nde abumbi miilu mya Yisu, na ayitili myo nyafi.

Ni mu buuna, me wu aveleyelemene pelinza me mwakulu mu uyamonehele na we. Ka leele dyambu limosi, na musalili a me sa abeeloho. Mu toni ati, me mwakulu ndi hu tsina lituma li bakuutu ba me. Ka me kaka na masadaadu hutso lituma la me, na me undeele huli mumosi mu bo: “Yene!” — Na nde yeni. Na huli mukima: “Yanga!” — Na nde yidi. Huli muviha a me, me undele: “Sa bu!” — Na nde siidi.» Yisu ayuha mambu momaana, nde asilisi mukuutu masadaadu. Nde akinguhi huli konge yi yakaduukala nde, na aleeli: «Me ndeele benu, tso hu Isereli, me a hamoni imiinu hya pila moyi ve.»

Ka mu tangu mo yina, Yisu abeelusi baatu babalahi: babeedu, bikata, na banga mavupu mamabi. Na nde abeelusi ka binzimana bibilahi. Yisu afutili bo: «Ya yabisaani Yowani ma benu limiimono, na ma benu limiiyuha. Binzimana bili mu umono, bikata bili mu uteleme na uyene, banga a bwatsi bali mu utsyeme, bikwa-matswi bili mu uyuha, babaakwa bali mu usuuha, na biyaha bili mu uyuha musamu wu mubwe.