Népszerű bibliai igeversek innen: Zyan 6

Megosztás

A Zyezu be pye: «Jo mii si wi nyɛ búruw bee, wee wi sìíw kaangi syɛ́ɛnbèle ma lè. Syɔ́ɔnwee wi ga pan mii ma lè, kateʔe a ní wee bee jáa bi nyaa í. Wee wi ga wɔ́ɔ̀ tága mii na lè, lògbaʔa a ní wee bee jáa bi nyaa nyáana í.

Pìicǎnni li nyɛ sìíw kaanfɔlɔ. Céri fánʔa o nyɛ gee bee na í. Syɛ́ɛnree mii téē nyuu lè yele ma, ti i nyɛ pìle, ní wɔ́ɔ i nyɛ sìíw syɛ́ɛnrɛ.

Yaliiree di fɔ́ɔnri lè, ki ga yɛlɛ yele í da báara dee bee kéele na í, fwɔɔ dee di nyɛ lè ti a fɔ́nʔɔ bi nyaa í, ní i sìibangwɔɔw kaangi, ki n yɛlɛ yaa báara dee bee kéele na, Syɔɔn-pya wi a yaliiri bee kaan yele ma. Níì cán Tofɔw Kolocɔlɔɔ n wi nyɛ́nɛ n wòlo níì wi nyɔ́ɔgi syɛ́ɛnrɛ kaan wi ma.»

Gee gi nyɛ lè mii Tóow nyɛ́nɛ kéele, koro gi nyɛ syɔ́ɔnwee faala ga Jaafɔw nyaa lè níì tága wi na, wee bee í sìibangwɔɔw taa. Mii si a ba wee bee nyán yirige dulunyanw cângwɔʔɔ canʔa na.»

A Zyezu be pye: «Kolocɔlɔɔ fáliw pyele li nyɛ yele í tága wi tundunw na.»

Bele Tofɔw kaangi mii ma lè, bele bee myɛ a ra maa mii ma, syɔ́ɔnwee wi ga pan mii ma lè, mii a tée wee bee nɛnɛ yirige kàfugi na í.

A Siimɔn Pyɛri wi pye: «Kàfɔw, mɔ si wi nyɛ lè sìibangwɔɔw syɛ́ɛnrɛ joofɔlɔ, wolo si lúru mɔ kurugo bàā syée wìí syɔ́ɔn ma?

Mii wi nyɛ búruw, wee wi nyɛ lè sìíw wóo, níì yìri nyɛ̀ʔɛni na n tìgi naa. Syɔ́ɔnwee wi ga búruw bee lìi lè, wee bee a sìi taa, sìíwee wi nyɛ lè wi a kwɔ́ɔ bi nyaa í, búruwee mii a kaan lè, woro wi nyɛ mii céri, mii a di kaan dulunyanw syɛ̀ɛnnɛ myɛ sìitaara kéele na.»

Tofɔw wi mii tun lè, syɔɔn faala a gbǎn pan mii ma wee bee kílele kadoʔo na í. Mii si a ba syɔ́ɔnw bee nyán yirige dulunyanw cângwɔʔɔ canʔa na.

Níì cán búruwee wi yìri nyɛ̀ʔɛni na lè n tìgi naa, wee bee wi nyɛ Kolocɔlɔɔ wów, woro si wi sìíw kaangi dulunyanw syɛ̀ɛnnɛ ma.»

Mii wi nyɛ búruw, wee wi sìíw kaangi lè.

A Zyezu búrubèle láa níì bariga kaan Kolocɔlɔɔ ma níì be lɛɛ syɛ́ɛnmi na bi pye wodɛ́ɛnmɛ ní lè, ní wɔ́ɔ̀ fápiigèle lɛɛ bi na. A pe myɛ taa n yɛlɛ àmɛɛ pe da ni sɔ̀ngí lè poro í taa fápiigèle na. Lǎli ni pe myɛ lìi n tín lè, a wi wi pìitamabèle pye: «Wogabagiw wi kòro lè ye wi koli, ye a kɔ́ wi yaʔa wi nyɔʔɔrɔ í.»

Pe si maa ni kɔ́rɔw waari n kɔ́ naà cúlobéle kagunɔ wàlá kɔrɔni félege taa, á Zyezu náa i táanri lǒgi ǹjoʔo ni ni maa be ma. Lǎli ni wi nùuni lè kɔ́rɔw na á be wi nyaa, a fyáari be cò. A wi be pye: «Ye a kɔ́ ra fɛ̀ɛgí í, mii wii.»