Népszerű bibliai igeversek innen: Yaaya 6

Megosztás

Gaa Iisa beneyyiyyoo gaa: «Tiyaw ma beraa hayaatane ay naata. Gaa gimu ase oko naata, gi maya deewa ɗa ta kaw, o ma dowwica galbanti oko naata, gu ibini deewa ɗa ta kaw.

Ay Ruuhanti Mellayi ma beraa hayaatane ma gakamma ɗa ta kaw oko giimo. Gimu kayti ka gederra ɗa ga leeɗo maatiki. Beneyyiŋgee maa na beneyyitoŋ kooko asaa min oko Ruuhanti Mellayi, o gu beraa hayaatane ma gakamma ɗa ta kaw.

Aɗoŋ lubba ɗa oko tiyaw ma ɗopokka ka, innasoopa, ku lubboŋ oko tiyaw ma domokka o gi beraatoŋ hayaatane ma gakamma ɗa ta kaw. A tiyaw taata pa, ay Runti Gimi ma beraatoŋca, asan ga Mella Baaba oyowwiyee oko Runti Gimi.»

Maa ga Tattu aŋka, ay gu giimi paracco ma ibinya Runti, o gu dowwiy galbigeeco oko gata gassiɗo hayaatane ma gakamma ɗa ta kaw, o na asiɗiy naɗa min muuti meene ta gaamití dunuune teete wikinne ka parlanti Mellayi.»

Gaa Iisa tiiliyyoo gaa: «Lubbi maa ga Mella aŋka ku leeɗiya, ay ku duwɗiy galbigeetoŋ oko n̰amaakati.»

Giimi paracco maa ga Mella Baaba beraw jobokkano, o maa gaa jobbino naa pa, na pocaa ɗa ta kaw

Gaa Simo Piyer tiiliyyee gaa: «Miltu! Ni jobokka pe we? Ki lekkiya beneyyi ma beraa hayaatane ma gakamma ɗa ta kaw.

Tiyaw ma asaa min samaani o gi beraa hayaatane ma gakamma ɗa ta kaw ay naata. Gaa gimu teero mappa keeke pa, ga nowotta diiman o ga mappa keeke maa na beraatoŋ ay ziitu. Na beraa oko giimi ku dunuune teete ku maa gu gassicca hayaatane ma gakamma ɗa ta kaw.»

Lekka ɗa gimu ma gederra ga asiɗo kayti ka oko naa, gaa Mella Baaba ma n̰akamminoo askiki ɗa, o na akkiya naɗa meene ta gaamití dunuune teete.»

A gata pa mappa maa ga Mella beraa, ay gata ma asaa min samaani, o ga ay gata ma beraa hayaatane ma gakamma ɗa ta kaw oko giimi ku dunuune teete.»

Naata ay mappa ma beraa hayaatane.

Gaa Iisa icciyya mappa kaaka, gaa leeɗiyee barkinti oko Mellayi, gaa erriyya, gaa biriyyooga oko jobookeetee, gu ɗeddiyyooga oko giimi kotti paracco ma nowotte. Gaa icciɗiy buusi kulla, gaa leeɗiyee barkinti oko Mellayi, gaa ɗeddiyyoogu oko giimo, gu aymiɗe namma gu ayyiɗe paracco. Maa gu giimi paracco teeɗe, gu ayyiɗe, gaa Iisa beneyyiyyoo oko jobookeetee gaa: «Buloŋgu kollee ma mare, ku maa ga ya kaƴi kulla alɗo naŋga ɗa.»

Maa gu jobookeetee awalɗiy ammi gi markaba sapaɗɗo, guu kaatiɗe arro latta ka kilometir beeƴa goŋŋa, guu elliyya Iisa gaa tan̰aa kayaaco ammoo ga asawɗiyo. Gaa ɓayaw icciyyooca. Gaa Iisa soopa beneyyiyyoo gaa: «Aɗoŋ ɓaya ɗa, ay naa ka.»