Népszerű bibliai igeversek innen: Génesis 27

Megosztás

Qam täranqaykimanqa Tayta Dios tamyaykatsimutsun. Qoriytapis mana puëdinqaykiyaq murukunqaykipis wayuykullätsun. Trïguykipis vïnuykipis atska kaykullätsun. Qamtaqa atska runakunam sirviyäshunki. Tsaynölla llapan nación runakunapis puntaykiman qonqurikuyätsun. Castaykikunapis podernikichö kayätsun. Paykunapis puntaykiman qonqurikuyätsun. Qamta maldicionashuqnikiqa maldicionashqam kanqa. Bendisashuqnikim sïqa bendisashqa kanqa>>.

Tsaymi Esaú nirqan: <<Tsaynö kaptinchi Jacob jutin kananpä churaparqayki. Kananwanqa ishkay kutinam engañaman. Puntatam mayor kay derëchüta qechumashqa. Kananqa noqapä kaq bendiciontam chaskishqa. ¿Manaku wallkallapis bendición noqapa quëdashqa?>>

Tsaymi Esaúta Isaac nirqan: <<Mikuy mana wayunqan chakrachö y tamya mana kanqanchömi täranki. Espädaykiwan defiendikurmi kawanki. Wawqikipa poderninchömi kanki. Tsaynö karpis munayyuq karmi poderninpita yarqunki>>.

Tsaynö niptinmi Esaúqa yapay nirqan: <<Papä, ¿manaku jukllayllapis noqapä bendicionniki kan? Noqatapis bendisaykallämay>>. Tsaynö nirmi papäninta pasaypa waqaparqan.