Népszerű bibliai igeversek innen: Luku 14

Megosztás

«Bbo dəw ddee rɔm tə̂ ngaâ ndikim uta bɔɛ̂je kə kɔɛ̂nje kə dɛnɛ̂n laa kə ngannɛ̂ kə ngakɔɛ̂nje kə ngakɔn-nannɛ̂je kə da-rɔɛ̂ njaa ang a, nân to nje-nja gom tə̂ ang.

Dəw kə̂ oto kakə-dəsə laa ang ddəm uwa gom ang ddəm a kasə ta to nje-nja gom tə̂ ang.

Tɔkɔrɔ, dəw kə̂ dda rɔɛ̂ bo a, dâ dda karə n̂-ddee ngaji baa. A dəw kə̂ dda rɔɛ̂ ngaji, dâ dda karə n̂-ddee bo.»

Yeenn le bba Jeju ila tə̂ nan bbo marə dəw horose tə̂ mbətə nɛ̂n-kingaje laa tɔyn ang a, nâ to nje-nja gom tə̂ ang.

«Mba horose tə̂ nəənn, bbo marə dəw ndiki ta dda tɔkə kəy kə̂ ndəw a, nisi nangə̂ dɔngɔr n̂-tura kɔr narɛ̂ kə̂ nâ tuju noo, bbo n̂-gərə to narɛ le asə ta tunga nɛ̂n kəy le bba nâ kunn-kutu dda kəy le. Mba bbo nungu gɔl kəy le nangə̂ ngaâ nasə ta dda tunga ang a, dəwje tɔyn kə̂ a kooje kəy le a kokeje ngaâ a paje nan: ‹Dəw nəənn unn kutu dda kəy a, asə ta dda tunga ang!›

A bbo ə-dda nɛ̂n-kusa tokə bo a, ə-bbar njê-ndooje, njê kə̂ jide wase gɔlde goto, njê-mətəje kə njê-kəm-tɔje. Yeenn bba a kisi kə rɔ-nəəl, mba dingaje nɛ̂n ta kari ture tə̂ ang. A Lubba a təl nɛ̂n kari ndɔ tə̂ kə̂ dəwje kə̂ gatə gatə kə̂ oyje a ndolje.»

«Katə to nɛ̂n kə̂ maji. A bbo dɔɔn lə katə goto kə ddang a, ddi bba dəw a dda kə katə le bba a təl dɔɔn bbay wa? Nɛ̂n kə̂ maji kə̂ katə le a dda karə nangə wase ndɔɔ goto. Dâ kungu katə le kɔrɔ̂. Dəw kə̂ mbia to a, maji karə oo tar nəənn!»