Népszerű bibliai igeversek innen: Luku 13

Megosztás

«Maji karə ə-ddaje singa andəje kə ta-ddəw kə̂ ngaji. Mba, m-pa marəse: Dəwje nya a sangəje ddəw ta kandə. A dâ kasəje ang.

Marə dɛnɛ̂n kə̂ ndil kə̂ maji ang tuju dəbbə rɔɛ̂ dda bbal dɔku gire jijoo ee mə kəy tə̂ənn. Ndil le uwɛ̂ dduke arə ninga ddəw ngaji ta ndɔju rɔɛ̂ ang. Jeju ooe ngaâ bbarɛ̂ pa arɛ̂ nan: «Dɛnɛ̂n rɔi ddee maji ngaa.»

Nila jia dɔɛ̂ tə̂, a kar tə̂ənn njaa, dɛnɛ̂n le ndɔju rɔɛ̂ kə majɛ̂ ngaâ ɔsu gaji Lubba.

Marə dəwje kə̂ dɔ guku, a ddeeje to dəwje kə̂ dɔngɔr. A dəwje kə̂ dɔngɔr, a ddeeje to dəwje kə̂ dɔ guku.»

«Bbo nje-kəy in utu ta-kəy a, â naynje ddaka. Ngaâ bbo unnje kutu kunda ta-kəy ta pa nan: ‹Əbbə-dəwje, ɔru ta-kəy arəje!› A nâ kilase tə̂ nan: ‹M-gərə lo kə̂ inje tə̂ ang.›

Baann ang, m-pa marəse: Bbo ə-turuje məse ang a, â koyje tɔyn tokə baann tɔ.»

A nâ kilase tar tə̂ nan: ‹M-gərə lo kə̂ inje tə̂ ang. Ɔtuje mbɔrəm tə̂ kə ddang, sese tɔyn kə̂ ə-toje to njê-nɛ̂n-ddaje kə̂ gatə gatə ang.›

Jeju pa nan: «Bbe-kɔn lə Lubba unn da-rɔ ddi wa? Ddi â mâ kunn kɔju nɛ̂n wa? To kâra baa kə kandə mutardə kə̂ tɛn baa kə̂ dəw dubbu mə ndɔɔ tə̂ laa. Kandə-ko le tee ngaâ ddee to kakə arə əəlje kə̂ darâ ddaje kəy ləde barkəmɛ̂je tə̂.»