Népszerű bibliai igeversek innen: Lúqá 21

Megosztás

Pas har waqt jágte aur duʻá máṉgte raho, táki tum ko in sab honewálí bátoṉ se bachne, aur Ibn i Ádam ke huzúr khaṛe hone ká maqdúr ho.

Pas ḳhabardár raho; aisá na ho ki tumháre dil ḳhumár, aur nashebází, aur is zindagí kí fikroṉ se sust ho jáeṉ, aur wuh din tum par phande kí tarah nágaháṉ á paṛe.

Apne sabr se tum apní jáneṉ bacháe rakkhoge.

Kyúṉki maiṉ tumheṉ aisí zabán aur hikmat dúṉgá, ki tumhárá koí muḳhálif sámná karne yá ḳhiláf kahne ká maqdúr na rakkhegá.

Ásmán aur zamín ṭal jáeṉge, lekin merí báteṉ hargiz na ṭaleṉgí.

Aur súraj aur chánd aur sitároṉ meṉ nishán záhir hoṉge, aur zamín par qaumoṉ ko taklíf hogí; kyúṉki wuh samundar aur us kí lahroṉ ke shor se ghabrá jáeṉgí. Aur ḍar ke máre aur zamín par ánewálí baláoṉ kí ráh dekhte dekhte logoṉ kí ján meṉ ján na rahegí; is liye ki ásmán kí quwwateṉ híláí jáeṉgí. Us waqt log Ibn i Ádam ko qudrat aur baṛe jalál ke sáth bádal meṉ áte dekheṉge.

Aur mere nám ke sabab sab log tum se ʻadáwat rakkheṉge.

Aur baṛe baṛe bhauṉchál áeṉge, aur já ba já kál aur marí paṛegí; aur ásmán par baṛí baṛí dahshatnák báteṉ aur nisháníáṉ záhir hoṉgí.

Aur jab laṛáiyoṉ aur fasádoṉ kí afwáheṉ suno, to ghabrá na jáná; kyúṉki un ká pahle wáqiʻ honá zarúr hai; lekin us waqt fauran ḳhátima na hogá. Phir us ne un se kahá, ki Qaum par qaum, aur bádsháhat par bádsháhat chaṛháí karegí.

Aur súraj aur chánd aur sitároṉ meṉ nishán záhir hoṉge, aur zamín par qaumoṉ ko taklíf hogí; kyúṉki wuh samundar aur us kí lahroṉ ke shor se ghabrá jáeṉgí. Aur ḍar ke máre aur zamín par ánewálí baláoṉ kí ráh dekhte dekhte logoṉ kí ján meṉ ján na rahegí; is liye ki ásmán kí quwwateṉ híláí jáeṉgí.

Phir us ne un se kahá, ki Qaum par qaum, aur bádsháhat par bádsháhat chaṛháí karegí.

Us ne kahá; Ḳhabardár, gumráh na honá; kyúṉki bahutere mere nám se áeṉge, aur kaheṉge, ki Wuh maiṉ hí húṉ; aur yih bhí, ki Waqt nazdík á pahuṉchá hai: tum un ke píchhe na chále jáná.