Népszerű bibliai igeversek innen: San Marcos 13

Megosztás

Lebi'i nna iyába ka benne utía di lekani le delo ni'a ge ria lele neti. Ttaka benne dhaabie dhu tsitsie lo neda kia axtaliba ganna chi uluxa iyá nu akaha, benneha gwalábe.

’De nuha nna gwaltse'e tsitsi lhe gwaltse'e ubeda lhe [gwalinne len Tata Do Yebáha lhe] kumu lebi'i labí yule nukaxa aka nuha.

Tti udaxxukana le nna saga'akana le arlo ka uxtisiha, abittu uchacha ikile bixa innále looraha. Suna gwalekabiba tisa ute Espíritu ge Tata Do Yebáha len lebi'i, kumu laa lebi'iga nuha innele, Espírituha‑ba nuha inne.

Yebáha lhe yiesi lo yu‑ni tse'e loobakana, ttaka ka tisa chi ria‑ni teekiba aka nu ra ka benne‑ni.

’Ttaka la sá lhe la ura aka nuha, lanú nu yuna, ni ka anjeli ge Tata Do Yebáha yuke lhe nigaba neti benne ankaa Xi'inieha a yua, sunruba Tataha yue.

’Atti unale deki chi yu'u ka yiesi ritilha len luesikani lhe daa tisa deki ruin ka yiesi itilha len luesikani lhe, bittu gasinle kumu teeki aka aníha. Ttaka labí chi bisia ura lhuxa yiesi lo yu‑ni la'ania

Laxkala lebi'i gwaltse'e ubeda kumu labí yule nukaxa esia xxana yo'oha, si esie chi dia ralha o esie riluela, o esie atti chi ribesi ka chinka‑na lhe o si esie tti chi daa tsani lhe, kini ni kina ttu nnelaba esie nna etexxake le te'adhile. Nu xpeya le‑ni, nunígaba upeya iyá ka benne: ¡Gwaltse'e tenná!

kumu ka yiesi elha‑na ebi'i noo luesikani ttilhakana lhe ka nu rinnabia‑na ebi'i noogaba luesikani, lhe anágaba gattibani yiesi lo yu‑ni ixú lhe isiagaba ubina lhe. La'ania nna si dhuloruba ka benne uyúke elha disa.

Ttaka atti lanila lhuxa yiesi lo yu‑ni, teeki chadhi ka tisa ge Tata Do Yebáha lhe'e iyába ka yiesi se'e itúba yiesi lo yu‑ni.

kumu ixe ka nu isia uinkana ttisidiba netiba nuha ankakana, nianna tti innákana: “Neti ankaa Cristu.” La'ania nna ixeba ka benne dhi yiekana.

’Lebi'i nna gwaluyúla gele, kumu teeki taga'akana le lo ka uxtisi lhe ukulhagabakana le lhe'e ka yo'o ata rudhetiri'i ka tisa ge Tata Do Yebáha lhe axtala arlo ka nu rinnabia xeni tatso dúkana le delo ni'a kia, kini aníha nna lebi'i kixxi'enle kana kia.

Kumu isia ka nu labí gwalí ankakana Cristu lhe isia ka nu labí gwalí ankakana profeta ge Tata Do Yebáha nna uinkana ka milagru lhe uinkana ttu bixa nu dika ebanani ka benne geni. Aníha uinkana kini dhi yiekana ke. Gaxa axtala ka benne chi bekwe Tata Do Yebáha ki akake gebie, axtala ka benneha dhi yiekana ki tsia leke gekani.

’Iki de chi ute ka sá tti uyú ka benne elha disaha, la'ania nna echulha lo tatubisa‑na nna nanto beo‑na nna labíru ku'ubie xiani. Ka beli sia gwetsáha nna iginnibakana lo yu lhe adíru ka nu ra xxeni lekani se'e gwetsáha igubigabakana.