Pran aplikasyon anYon Bondye Nou Ka Fè KonfyansEgzanp
Mete Konfyans nan Fidelite Absoli Bondye
Youn nan kalite ki pi rekonfòtan nan Bondye se fidelite Li. Kontrèman ak moun, ki ka chanje epi ki pa toujou fyab, fidelite Bondye absoli epi li pa chanje. Pòl ekri nan liv Timote a, pou li fè nou konprann menm si no uta manke lafwa men Bondye pap chanje paske Li renye pwòp tèt Li. Sa vle di fidelite Bondye pa depann de aksyon nou oswa fidelite nou; li se yon pati esansyèl nan karaktè li. Menm lè nou febli, li rete fèm epi fidèl nan Pawòl li.
Fidelite Bondye parèt klè nan tout Bib la, soti nan pwomès Li te fè Abraram rive nan reyalizasyon pwomès sa yo nan Kris la. Li te fidèl lè sa a, e Li toujou rete fidèl jouk jdi a e kounye a. Reflechi sou lavi nou nan Bondye. Èske te gen yon moman kote nou te manke fidelite oswa nou te gen dout sou fidelite Li? Pran yon moman pou remèsye Li pou fidelite Li ki pa janm chanje, epi mande Li pou ede nou grandi nan konfyans ak depandans sou Li. Bondye se tout sa nou bezwen.
Konsènan Plan sa a
Mete konfyans nan Bondye esansyèl pou yon lavi nan lafwa. Pandan konfyans nan moun ka febli, pwomès Bondye yo rete fèm. Gid lekti sa a ap esplike poukisa nou ta dwe gen konfyans total nan Bondye: Li se sèl veritab Bondye a, esans tout verite a, absoliman fidèl la, epi Li posede tout pouvwa. Atravè pawòl la ak refleksyon yo, gid sa a ap ankouraje nou pou nou apwofondi konfyans nou nan Bondye, ki pap janm trayi nou.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
