SanktifikasyonEgzanp

Sanktifikasyon se yon bagay ki Vizib

Kisa ki montre sanktifikasyon nan lavi yon moun ? Bib la fè nou konnen, si yon moun an Kris, li se yon nouvo kreyasyon: ansyen bagay yo pase, men kounye a tout bagay vin nouvo. Sa vle di, yon fwa yon moun aksepte Kris kòm Sovè li, gen yon chanjman fondamantal ki fèt nan lavi li. Chanjman sa a se pa yon bagay ki kache, li vizib ak klè nan fason moun sa a ap viv chak jou. Devosyon sa a gen pou objektif pou montre kijan sanktifikasyon se pa yon opsyon, men se yon obligasyon pou tout kretyen. Lè yon moun vrèman sanktifye, se pa nan bouch moun va wè sa; men se nan aksyon, konpòtman, ak atitid li sanktifikasyon an va parèt.

Yon moun ki nan Kris ap eksperimante yon transfòmasyon ki ale pi lwen pase senp chanjman nou wè deyò yo. Se yon renouvèlman a lenteryè de moun nan ki genyen yon gwo enpak sou tout aspè nan lavi li. Aksyon li, fason li pale, e menm panse li chanje, paske Lespri Sen an ap travay nan kè li. Lè nou pale de sanktifikasyon, nou pa jis ap refere nou a yon kondisyon moral, men yon relasyon vivan avèk Bondye ki transfòme tout sa nou ye. Fason ki nouvo moun sa a ap konpòte li se va prèv reyèl li te bay lavi li konplètman a Kris la.

Sanktifikasyon vizib nan lavi yon kretyen ki vrèman rejenere. Transformasyon sa a pa ka kache, paske moun ki bò kote l yo ka temwaye de moun nouvo sa a li ye a. Ansyen mòd vi yo, ki te chaje ak peche ak defo, fè wout pou bay nouvo mòd vi ki reflete jistis ak senntete Kris la pase. Se nan fason nou renmen lòt moun, nan lapè ki rete nan kè nou menm nan mitan difikilte, nan kapasite nou pou padone ak nan jantiyès, nou montre sanktifikasyon nou an total kapital. Se konsa, nenpòt moun ki vrèman sanktifye vin yon temwen vivan pou pouvwa transformasyon Bondye a nan moun.